Rocky Aur Rani Ki Prem Kahani: ਬਾਲੀਵੁੱਡ ਵਿੱਚ ਉਹ ਦਿਨ ਹੁਣ ਪੁਰਾਣੇ ਹੋ ਗਏ ਹਨ, ਜਦੋਂ ਕਿਹਾ ਜਾਂਦਾ ਸੀ ਕਿ ਦੋ ਅਦਾਕਾਰ ਕਦੇ ਵੀ ਇੱਕ ਦੂਜੇ ਦੀਆਂ ਦੋਸਤ ਨਹੀਂ ਹੋ ਸਕਦੀਆਂ। ਅੱਜ-ਕੱਲ ਦੀਆਂ ਅਦਾਕਾਰਾ ਇਕ-ਦੂਜੇ ਨਾਲ ਦੋਸਤੀ ਕਰਦੀਆਂ, ਇਕ-ਦੂਜੇ ਦੀਆਂ ਫਿਲਮਾਂ ਨੂੰ ਪ੍ਰਮੋਟ ਕਰਦੀਆਂ ਨਜ਼ਰ ਆਉਂਦੀਆਂ ਹਨ। ਬਾਲੀਵੁੱਡ 'ਚ ਆਲੀਆ ਭੱਟ ਅਤੇ ਦੀਪਿਕਾ ਪਾਦੂਕੋਣ ਦੀ ਦੋਸਤੀ ਵੀ ਕੁਝ ਇਸ ਤਰ੍ਹਾਂ ਦੀ ਹੈ।
ਦੀਪਿਕਾ ਨੇ ਭੇਜਿਆ ਆਲੀਆ ਨੂੰ ਤੋਹਫਾ
ਆਲੀਆ ਅਤੇ ਰਣਵੀਰ ਸਿੰਘ ਦੀ ਫਿਲਮ ਰੋਕੀ ਔਰ ਰਾਨੀ ਦੀ ਲਵ ਸਟੋਰੀ ਜਲਦ ਹੀ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ ਦੀ ਰਿਲੀਜ਼ ਤੋਂ ਪਹਿਲਾਂ ਦੀਪਿਕਾ ਨੇ ਆਲੀਆ ਲਈ ਤੋਹਫਾ ਭੇਜਿਆ ਹੈ। ਆਲੀਆ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਦੀਪਿਕਾ ਦੇ ਤੋਹਫੇ ਦੀ ਤਸਵੀਰ ਵੀ ਸ਼ੇਅਰ ਕੀਤੀ ਹੈ। ਦਰਅਸਲ, ਦੀਪਿਕਾ ਨੇ ਆਲੀਆ ਨੂੰ ਇੱਕ ਕਾਸਮੈਟਿਕ ਪ੍ਰੋਡਕਟ ਭੇਜਿਆ ਹੈ। ਪ੍ਰੋਡਕਟ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਆਲੀਆ ਨੇ ਲਿਖਿਆ- ਬ੍ਰੀਜ ਦੇ ਲਈ ਸ਼ੁਕਰੀਆ ਦੀਪਿਕਾ। ਆਲੀਆ ਨੇ ਇਹ ਤਸਵੀਰ ਆਪਣੀ ਕਾਰ 'ਚ ਲਈ ਹੈ।
ਇਹ ਵੀ ਪੜ੍ਹੋ: Neeru Bajwa: ਨੀਰੂ ਬਾਜਵਾ ਨੇ ਕੀਤਾ ਆਪਣੀ ਹਾਲੀਵੁੱਡ ਫਿਲਮ ਦੀ ਰਿਲੀਜ਼ ਡੇਟ ਦਾ ਐਲਾਨ, ਇਸ ਦਿਨ ਸਿਨੇਮਾਘਰਾਂ 'ਚ ਦੇਵੇਗੀ ਦਸਤਕ
ਆਲੀਆ ਦਾ ਪ੍ਰੋਫੈਸ਼ਨਲ ਫਰੰਟ
ਆਲੀਆ ਹਾਲੀਵੁੱਡ ਫਿਲਮ 'ਹਾਰਟ ਆਫ ਸਟੋਨ' 'ਚ ਜੇਮੀ ਡੋਰਨਨ ਅਤੇ ਗਾਲ ਗਡੋਟ ਨਾਲ ਨਜ਼ਰ ਆਵੇਗੀ। ਦੂਜੇ ਪਾਸੇ 'ਰੌਕੀ ਔਰ ਰਾਨੀ ਦੀ ਲਵ ਸਟੋਰੀ' ਦੀ ਗੱਲ ਕਰੀਏ ਤਾਂ ਇਸ ਦਾ ਨਿਰਦੇਸ਼ਨ ਕਰਨ ਜੌਹਰ ਨੇ ਕੀਤਾ ਹੈ। ਕਰਨ ਨੇ ਲਗਭਗ 7 ਸਾਲ ਬਾਅਦ ਨਿਰਦੇਸ਼ਨ ਦੇ ਖੇਤਰ 'ਚ ਵਾਪਸੀ ਕੀਤੀ ਹੈ। ਇਹ ਫਿਲਮ 28 ਜੁਲਾਈ ਨੂੰ ਰਿਲੀਜ਼ ਹੋਵੇਗੀ। ਫਿਲਮ ਵਿੱਚ ਆਲੀਆ ਅਤੇ ਰਣਵੀਰ ਦੇ ਨਾਲ ਧਰਮਿੰਦਰ, ਸ਼ਬਾਨਾ ਆਜ਼ਮੀ ਅਤੇ ਜਯਾ ਬੱਚਨ ਵੀ ਹਨ। ਇਸ ਤੋਂ ਇਲਾਵਾ ਆਲੀਆ 'ਜੀ ਲੇ ਜ਼ਾਰਾ' 'ਚ ਪ੍ਰਿਯੰਕਾ ਚੋਪੜਾ ਅਤੇ ਕੈਟਰੀਨਾ ਕੈਫ ਨਾਲ ਨਜ਼ਰ ਆਵੇਗੀ।
ਦੀਪਿਕਾ ਕੋਲ ਕਈ ਰੋਮਾਂਚਕ ਪ੍ਰੋਜੈਕਟ ਵੀ ਹਨ। ਉਹ ਪ੍ਰਭਾਸ, ਅਮਿਤਾਭ ਬੱਚਨ, ਦਿਸ਼ਾ ਪਾਟਨੀ ਦੇ ਨਾਲ ਪ੍ਰੋਜੈਕਟ K ਵਿੱਚ ਨਜ਼ਰ ਆਵੇਗੀ। ਇਸ ਤੋਂ ਇਲਾਵਾ ਉਹ ਬਿੱਗ ਬੀ ਦੇ ਨਾਲ ਦਿ ਇੰਟਰਨ ਦੇ ਹਿੰਦੀ ਰੀਮੇਕ ਵਿੱਚ ਵੀ ਨਜ਼ਰ ਆਵੇਗੀ।
ਇਹ ਵੀ ਪੜ੍ਹੋ: Sargun Mehta: ਜੌਰਡਨ ਸੰਧੂ-ਸਰਗੁਣ ਮਹਿਤਾ ਦੀ ਜੋੜੀ ਧਮਾਲਾਂ ਪਾਉਣ ਨੂੰ ਤਿਆਰ, ਇਸ ਦਿਨ ਰਿਲੀਜ਼ ਹੋਵੇਗਾ ਜੌਰਡਨ ਦਾ ਗਾਣਾ 'ਤਾਰੀਫਾਂ'