Gobinda Sardar Meets Anmol Kwatra: ਗੋਬਿੰਦਾ ਸਰਦਾਰ ਇੰਨੀਂ ਦਿਨੀਂ ਸੋਸ਼ਲ ਮੀਡੀਆ ਸਨਸਨੀ ਬਣਿਆ ਹੋਇਆ ਹੈ। ਜੋ ਇਨਸਾਨ ਸੋਸ਼ਲ ਮੀਡੀਆ ਚਲਾਉਂਦਾ ਹੈ, ਉਹ ਗੋਬਿੰਦਾ ਸਰਦਾਰ ਬਾਰੇ ਜ਼ਰੂਰ ਜਾਣਦਾ ਹੋਵੇਗਾ। ਉਸ ਦੀਆਂ ਸੋਸ਼ਲ ਮੀਡੀਆ ਪੋਸਟਾਂ ਅਕਸਰ ਹੀ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਹੁਣ ਗੋਬਿੰਦਾ ਸਰਦਾਰ ਫਿਰ ਤੋਂ ਸੁਰਖੀਆਂ 'ਚ ਆ ਗਿਆ ਹੈ।
ਇਹ ਵੀ ਪੜ੍ਹੋ: ਦਿਵਯਾ ਭਾਰਤੀ ਦੀ ਹਮਸ਼ਕਲ ਨੂੰ ਦੇਖ ਕੇ ਲੋਕ ਹੈਰਾਨ, ਅਸਲੀ ਨਕਲੀ ਦੀ ਪਛਾਣ ਹੋਈ ਮੁਸ਼ਕਲ
ਦਰਅਸਲ, ਗੋਬਿੰਦਾ ਸਰਦਾਰ ਨੇ ਹਾਲ ਹੀ 'ਚ ਸਮਾਜ ਸੇਵੀ ਅਨਮੋਲ ਕਵਾਤਰਾ ਦੇ ਨਾਲ ਮੁਲਾਕਾਤ ਕੀਤੀ। ਇਹੀ ਨਹੀਂ ਉਸ ਨੇ ਕਵਾਤਰਾ ਦੀ ਐਨਜੀਓ ਨੂੰ ਮਾਲੀ ਸਹਾਇਤਾ ਵੀ ਦਿੱਤੀ ਤੇ ਨਾਲ ਹੀ ਗਰੀਬ ਜ਼ਰੂਰਤਮੰਦਾਂ ਲੋਕਾਂ ਨਾਲ ਕਾਫੀ ਦੇਰ ਤੱਕ ਗੱਲਬਾਤ ਵੀ ਕੀਤੀ। ਅਨਮੋਲ ਕਵਾਤਰਾ ਦੇ ਮੁਤਾਬਕ ਗੋਬਿੰਦਾ ਸਰਦਾਰ ਉਸ ਨਾਲ ਤਕਰੀਬਨ 2 ਘੰਟੇ ਰਿਹਾ ਅਤੇ ਉਸ ਨੇ ਐਨਜੀਓ ਦਾ ਸਾਰਾ ਕੰਮ ਦੇਖਿਆ। ਇਹੀ ਨਹੀਂ ਗੋਬਿੰਦਾ ਸਰਦਾਰ ਨੇ ਅਨਮੋਲ ਕਵਾਤਰਾ ਨੂੰ ਇੰਟਰਵਿਊ ਵੀ ਦਿੱਤੀ, ਜੋ ਕਿ ਜਲਦ ਹੀ ਉਸ ਦੇ ਪੌਡਕਾਸਟ ਆ ਸਕਦੀ ਹੈ। ਦੇਖੋ ਇਹ ਵੀਡੀਓ:
ਦੱਸ ਦਈਏ ਕਿ ਗੋੋਬਿੰਦਾ ਸਰਦਾਰ ਸੋਸ਼ਲ ਮੀਡੀਆ ਸਨਸਨੀ ਹੈ, ਜੋ ਕਿ ਇੰਨੀਂ ਖੂਬ ਸੁਰਖੀਆਂ 'ਚ ਬਣਿਆ ਹੋਇਆ ਹੈ। ਪੰਜਾਬੀ ਇੰਡਸਟਰੀ ਦੇ ਕਈ ਕਲਾਕਾਰ ਉਸ ਨੂੰ ਮਿਲਣ ਦੀ ਇੱਛਾ ਜਤਾ ਚੁੱਕੇ ਹਨ। ਹਾਲ ਹੀ 'ਚ ਗਾਇਕ ਨਿੰਜਾ ਨੇ ਸੋਸ਼ਲ ਮੀਡੀਆ 'ਤੇ ਗੋਬਿੰਦਾ ਲਈ ਖਾਸ ਪੋਸਟ ਵੀ ਪਾਈ ਸੀ। ਇਸ ਦੇ ਨਾਲ ਹੀ ਕਮੇਡੀਅਨ ਜ਼ਾਕਿਰ ਖਾਨ ਨੇ ਵੀ ਗੋਬਿੰਦਾ ਸਰਦਾਰ ਨੂੰ ਮਿਲਣ ਦੀ ਇੱਛਾ ਜ਼ਾਹਰ ਕੀਤੀ ਸੀ।
ਕਾਬਿਲੇਗੌਰ ਹੈ ਕਿ ਗੋਬਿੰਦਾ ਸਰਦਾਰ ਦੇ ਕੰਨਟੈਂਟ ਨੂੰ ਕਈ ਲੋਕਾਂ ਵੱਲੋਂ ਪਸੰਦ ਨਹੀਂ ਕੀਤਾ ਜਾਂਦਾ। ਜਿਸਦੇ ਚੱਲਦੇ ਉਸ ਨੂੰ ਖੂਬ ਟ੍ਰੋਲ ਕੀਤਾ ਜਾਂਦਾ ਹੈ। ਹਾਲਾਂਕਿ ਪੰਜਾਬੀ ਗਾਇਕ ਨਿੰਜਾ ਨੇ ਜਦੋਂ ਗੋਬਿੰਦਾ ਦੇ ਹੁਨਰ ਦੀ ਗੱਲ਼ ਕੀਤੀ ਤਾਂ ਉਹ ਪੰਜਾਬੀਆਂ ਵਿੱਚ ਖੂਬ ਟ੍ਰੋਲ ਹੋਏ।
ਇਹ ਵੀ ਪੜ੍ਹੋ: ਬੱਬੂ ਮਾਨ ਨੇ ਪੁਰਾਣੇ ਦਿਨਾਂ ਦੀ ਵੀਡੀਓ ਕੀਤੀ ਸ਼ੇਅਰ, 2010 'ਚ ਵੀ ਪੰਜਾਬ 'ਚ ਇੰਜ ਹੀ ਆਇਆ ਸੀ ਹੜ੍ਹ