Aarti Pillai Marriage: ਬਾਲੀਵੁੱਡ ਤੋਂ ਲੈ ਕੇ ਬਿਜ਼ਨੈੱਸਮੈਨ ਤੱਕ ਤੁਸੀਂ ਇਕ ਤੋਂ ਵਧ ਕੇ ਇਕ ਵਿਆਹ ਦੇਖੇ ਹੋਣਗੇ। ਪਰ ਅੱਜ ਅਸੀਂ ਤੁਹਾਨੂੰ ਅਜਿਹੇ ਵਿਆਹ ਬਾਰੇ ਦੱਸਣ ਜਾ ਰਹੇ ਹਾਂ ਜਿਸ ਦੀ ਚਰਚਾ ਸਾਲਾਂ ਬਾਅਦ ਵੀ ਹੁੰਦੀ ਹੈ। ਇਹ ਕੋਈ ਹੋਰ ਨਹੀਂ ਸਗੋਂ ਭਾਰਤ ਦੇ ਮਸ਼ਹੂਰ ਬਿਜ਼ਨੈੱਸਮੈਨ ਰਵੀ ਪਿੱਲੈ ਦੀ ਬੇਟੀ ਆਰਤੀ ਪਿੱਲੈ ਦਾ ਵਿਆਹ ਹੈ। ਜਿਸਨੇ ਵੀ ਇਹ ਵਿਆਹ ਦੇਖਿਆ ਉਸਦੇ ਮੂੰਹੋਂ ਇੱਕ ਹੀ ਲਫਜ਼ ਨਿਕਲਿਆ..'ਵਾਹ'। 26 ਨਵੰਬਰ 2015 ਨੂੰ ਹੋਏ ਇਸ ਸ਼ਾਨਦਾਰ ਵਿਆਹ 'ਚ 55 ਕਰੋੜ ਰੁਪਏ ਖਰਚ ਕੀਤੇ ਗਏ ਸਨ। ਆਰਤੀ ਪਿੱਲੈ ਦਾ ਵਿਆਹ ਕੇਰਲ ਦੇ ਕੋਲਮ ਵਿੱਚ ਰਹਿਣ ਵਾਲੇ ਆਦਿਤਿਆ ਵਿਸ਼ੂ ਨਾਲ ਹੋਇਆ ਸੀ। ਜੋ ਇੰਨਾ ਸ਼ਾਨਦਾਰ ਸੀ ਕਿ ਅੱਜ ਵੀ ਲੋਕ ਇਸ ਵਿਆਹ ਦੀ ਹਰ ਗੱਲ ਦੀ ਤਾਰੀਫ ਕਰਦੇ ਹਨ। 


ਇਹ ਵੀ ਪੜ੍ਹੋ: ਸਟੈਫਲੋਨ ਡੌਨ ਨੇ ਅਨਮੋਲ ਕਵਾਤਰਾ ਦੀ ਐਨਜੀਓ ਦੀ ਕੀਤੀ ਮਦਦ, ਇੰਗਲੈਂਡ ਤੋਂ ਭੇਜੇ ਜ਼ਰੂਰਤਮੰਦਾਂ ਲਈ ਪੈਸੇ


42 ਦੇਸ਼ਾਂ ਤੋਂ 30 ਹਜ਼ਾਰ ਆਏ ਸਨ ਮਹਿਮਾਨ
ਕੇਰਲ ਦੇ ਕੋਲਮ ਵਿੱਚ ਰਹਿਣ ਵਾਲੇ ਆਦਿਤਿਆ ਵਿਸ਼ੂ ਨਾਲ ਹੋਇਆ। ਜਿਸ ਵਿੱਚ ਦੇਸ਼-ਵਿਦੇਸ਼ ਤੋਂ ਆਏ ਮਹਿਮਾਨਾਂ ਨੇ ਸ਼ਿਰਕਤ ਕੀਤੀ। ਇਸ ਆਲੀਸ਼ਾਨ ਵਿਆਹ 'ਚ 30 ਹਜ਼ਾਰ ਮਹਿਮਾਨ ਸ਼ਾਮਲ ਹੋਏ। ਜਿਸ ਵਿੱਚ ਸੈਮਸੰਗ ਅਤੇ ਜਾਪਾਨ ਗੈਸ ਕਾਰਪੋਰੇਸ਼ਨ ਦੇ ਸੀ.ਈ.ਓਜ਼ ਵੀ ਸ਼ਾਮਲ ਹੋਏ। ਇਸ ਵਿਸ਼ੇਸ਼ ਸਮਾਗਮ ਵਿੱਚ ਕਤਰ ਦਾ ਸ਼ਾਹੀ ਪਰਿਵਾਰ ਵੀ ਸ਼ਾਮਲ ਹੋਣ ਲਈ ਪਹੁੰਚਿਆ ਸੀ।


55 ਕਰੋੜ ਰੁਪਏ ਕੀਤੇ ਗਏ ਸਨ ਖਰਚ
ਇਸ ਆਲੀਸ਼ਾਨ ਵਿਆਹ 'ਚ 11 ਤਰ੍ਹਾਂ ਦੇ ਪੇਸਮ ਅਤੇ ਸੁਆਦੀ ਪਰੰਪਰਾਗਤ ਪਕਵਾਨ ਰੱਖੇ ਗਏ ਸਨ। ਇਸ ਦੇ ਨਾਲ ਹੀ ਇਸ ਵਿਆਹ ਵਿੱਚ ਬਾਲੀਵੁੱਡ ਸਮੇਤ ਸਾਊਥ ਦੇ ਕਈ ਕਲਾਕਾਰਾਂ ਨੇ ਆਪਣੀ ਪਰਫਾਰਮੈਂਸ ਨਾਲ ਮਹਿਮਾਨਾਂ ਦਾ ਮਨੋਰੰਜਨ ਕੀਤਾ। ਰਵੀ ਪਿੱਲੈ ਨੇ ਇਸ ਵਿਆਹ 'ਚ ਪਾਣੀ ਵਾਂਗ ਪੈਸਾ ਖਰਚ ਕੀਤਾ ਸੀ। ਇਸ ਪੂਰੇ ਵਿਆਹ ਵਿੱਚ ਕੁੱਲ 55 ਕਰੋੜ ਰੁਪਏ ਖਰਚ ਕੀਤੇ ਗਏ ਸਨ। ਜਿਸ ਨੂੰ ਕੇਰਲ ਦਾ ਸਭ ਤੋਂ ਵੱਡਾ ਵਿਆਹ ਮੰਨਿਆ ਜਾਂਦਾ ਸੀ। ਇਸ ਵਿਆਹ 'ਚ ਮਾਮੂਟੀ ਤੋਂ ਲੈ ਕੇ ਬਾਲੀਵੁੱਡ ਅਤੇ ਸਾਊਥ ਦੇ ਕਈ ਸਿਤਾਰੇ ਸ਼ਾਮਲ ਹੋਏ।


20 ਕਰੋੜ ਵਿੱਚ ਬਣਾਇਆ ਗਿਆ ਸੀ ਮੰਡਪ
ਆਰਤੀ ਦੇ ਵਿਆਹ ਲਈ ਕਮਲ-ਥੀਮ ਵਾਲਾ ਮੰਡਪ ਸਾਬੂ ਸਿਰਿਲ ਦੁਆਰਾ ਡਿਜ਼ਾਇਨ ਕੀਤਾ ਗਿਆ ਸੀ, ਜਿਸ ਨੇ ਐਸਐਸ ਰਾਜਾਮੌਲੀ ਦੀ 'ਬਾਹੂਬਲੀ' ਅਤੇ 'ਮੈਗਨਮ ਓਪਸ' ਸਮੇਤ ਕਈ ਫਿਲਮਾਂ ਲਈ ਸੈੱਟ ਡਿਜ਼ਾਈਨ ਕੀਤੇ ਹਨ। 75 ਦਿਨਾਂ ਵਿੱਚ ਬਣੇ ਇਸ ਮੰਡਪ ਨੂੰ ਤਿਆਰ ਕਰਨ ਵਿੱਚ 20 ਕਰੋੜ ਰੁਪਏ ਖਰਚ ਕੀਤੇ ਗਏ। ਇਸ ਵਿਆਹ ਦਾ ਸੈੱਟ ਸਭ ਤੋਂ ਪਹਿਲਾਂ ਮੁੰਬਈ ਵਿੱਚ ਮਿੱਟੀ ਨਾਲ ਤਿਆਰ ਕੀਤਾ ਗਿਆ ਸੀ। ਜਿਸ ਤੋਂ ਬਾਅਦ ਇਸਨੂੰ ਪਲਾਸਟਰ ਆਫ ਪੈਰਿਸ ਵਿੱਚ ਤਿਆਰ ਕੀਤਾ ਗਿਆ। ਇਸ ਮੰਡਪ ਨੂੰ ਇਸ ਦੇ ਟਿਕਾਣੇ 'ਤੇ ਲਿਜਾਣ 'ਚ 40 ਦਿਨ ਲੱਗ ਗਏ।


ਤੁਹਾਨੂੰ ਦੱਸ ਦੇਈਏ, ਆਰਤੀ ਨੇ ਇਸ ਵਿਆਹ ਵਿੱਚ ਮਨੀਸ਼ ਮਲਹੋਤਰਾ ਦੁਆਰਾ ਡਿਜ਼ਾਈਨ ਕੀਤੀ ਸਾੜ੍ਹੀ ਪਹਿਨੀ ਸੀ। ਨਾਲ ਹੀ, ਉਸ ਨੇ ਪਹਿਨੇ ਹੋਏ ਸਾਰੇ ਗਹਿਣੇ ਹੀਰਿਆਂ ਦੇ ਸਨ। ਜਿਸ ਨੂੰ ਦੇਖ ਕੇ ਸਾਰਿਆਂ ਦੀਆਂ ਅੱਖਾਂ ਖੁੱਲ੍ਹੀਆਂ ਰਹਿ ਗਈਆਂ ਸੀ।


ਇਹ ਵੀ ਪੜ੍ਹੋ: ਅਦਾਕਾਰਾ ਅਨੀਤਾ ਦੇਵਗਨ ਨੇ ਟਮਾਟਰ ਦੀਆਂ ਵਧੀਆਂ ਕੀਮਤਾਂ 'ਤੇ ਕੱਸਿਆ ਤੰਜ, ਸ਼ੇਅਰ ਕੀਤੀ ਮਜ਼ਾਕੀਆ ਵੀਡੀਓ