Parmish Verma: ਪਰਮੀਸ਼ ਵਰਮਾ ਨੇ ਧੀ ਸਦਾ ਲਈ ਲਿਖਿਆ ਖਾਸ ਗਾਣਾ, ਕੁੜੀਆਂ ਨੂੰ ਸਿਖਾ ਰਹੇ ਜਿਉਣ ਦੀ ਕਲਾ, ਜਾਣੋ ਰਿਲੀਜ਼ ਡੇਟ

Parmish Verma New Song: ਪਰਮੀਸ਼ ਵਰਮਾ ਨੇ 'ਨੀ ਕੁੜੀਏ ਤੂੰ- ਏ ਲੈਟਰ ਟੂ ਮਾਈ ਡੌਟਰ' ਨਾਮ ਦਾ ਗਾਣਾ ਗਾਇਆ ਹੈ। ਪਰਮੀਸ਼ ਨੇੇ ਖੁਦ ਹੀ ਇਹ ਗਾਣਾ ਲਿਖਿਆ ਹੈ। ਗਾਣਾ ਸਿਰਫ ਸਦਾ ਲਈ ਹੀ ਨਹੀਂ, ਸਗੋਂ ਹਰ ਕੁੜੀ ਨੂੰ ਇਹ ਸੋਚਣ 'ਤੇ ਮਜਬੂਰ ਕਰ ਰਿਹਾ ਹੈ

Parmish Verma New Song Ni Kudiye Tu Teaser out Now: ਪੰਜਾਬੀ ਸਿੰਗਰ ਤੇ ਐਕਟਰ ਪਰਮੀਸ਼ ਵਰਮਾ ਕਿਸੇ ਜਾਣ ਪਛਾਣ ਦਾ ਮੋਹਤਾਜ ਨਹੀਂ ਹੈ। ਉਸ ਨੇ ਆਪਣੇ ਹੁਣ ਤੱਕ ਦੇ ਕਰੀਅਰ 'ਚ ਪੰਜਾਬੀ ਇੰਡਸਟਰੀ ਨੂੰ ਬੇਸ਼ੁਮਾਰ ਹਿੱਟ ਗਾਣੇ ਤੇ ਫਿਲਮਾਂ ਦਿੱਤੀਆਂ ਹਨ। ਇੰਨੀਂ ਦਿਨੀਂ ਪਰਮੀਸ਼ ਵਰਮਾ ਪਿਤਾ ਬਣਨ ਦਾ ਅਨੰਦ ਮਾਣ ਰਿਹਾ ਹੈ। ਪਰਮੀਸ਼ ਵਰਮਾ ਆਪਣੀ ਧੀ ਸਦਾ ਨੂੰ ਬੇਹੱਦ ਪਿਆਰ ਕਰਦਾ ਹੈ। ਇਸ ਦਾ ਸਬੂਤ ਇੱਥੋਂ ਮਿਲਦਾ ਹੈ ਕਿ ਹਾਲ ਹੀ 'ਚ ਗਾਇਕ ਨੇ ਆਪਣੀ ਧੀ ਦੇ ਨਾਮ 'ਤੇ ਸਟੂਡੀਓ ਬਣਾਇਆ ਤੇ ਨਾਲ ਹੀ ਹੁਣ ਧੀ ਲਈ ਖਾਸ ਗਾਣਾ ਵੀ ਲਿਖਿਆ ਹੈ।   

ਪਰਮੀਸ਼ ਵਰਮਾ ਨੇ 'ਨੀ ਕੁੜੀਏ ਤੂੰ- ਏ ਲੈਟਰ ਟੂ ਮਾਈ ਡੌਟਰ' ਨਾਮ ਦਾ ਗਾਣਾ ਗਾਇਆ ਹੈ। ਦੱਸ ਦਈਏ ਕਿ ਪਰਮੀਸ਼ ਨੇੇ ਖੁਦ ਹੀ ਇਹ ਗਾਣਾ ਲਿਖਿਆ ਵੀ ਹੈ। ਇਹ ਗਾਣਾ ਸਿਰਫ ਸਦਾ ਲਈ ਹੀ ਨਹੀਂ, ਸਗੋਂ ਹਰ ਕੁੜੀ ਨੂੰ ਇਹ ਸੋਚਣ 'ਤੇ ਮਜਬੂਰ ਕਰ ਰਿਹਾ ਹੈ ਕਿ ਜਿਵੇਂ ਕੁੜੀਆਂ ਨੂੰ ਸਮਾਜ 'ਚ ਕਮਜ਼ੋਰ ਦੱਸਿਆ ਜਾਂਦਾ ਹੈ, ਕੀ ਉਹ ਸਚਮੁੱਚ ਕਮਜ਼ੋਰ ਹੁੰਦੀਆਂ ਹਨ। ਫਿਲਹਾਲ ਪਰਮੀਸ਼ ਵਰਮਾ ਨੇ ਇਸ ਗਾਣੇ ਦਾ ਟੀਜ਼ਰ ਰਿਲੀਜ਼ ਕੀਤਾ ਹੈ। ਯਕੀਨ ਮੰਨੋ ਇਹ ਟੀਜ਼ਰ ਹਰ ਕੁੜੀ ਨੂੰ ਜ਼ਿੰਦਗੀ 'ਚ ਕੁੱਝ ਕਰਨ ਲਈ ਪ੍ਰੇਰਨਾ ਦਿੰਦਾ ਹੈ। ਦੇਖੋ ਇਹ ਵੀਡੀਓ:

ਕਦੋਂ ਹੋਵੇਗਾ ਰਿਲੀਜ਼?
ਦੱਸ ਦਈਏ 'ਨੀ ਕੁੜੀਏ ਤੂੰ' 23 ਮਈ ਨੂੰ ਰਿਲੀਜ਼ ਹੋਣ ਜਾ ਰਿਹਾ ਹੈ। ਇਹ ਗਾਣਾ ਪਰਮੀਸ਼ ਵਰਮਾ ਨੇ ਖਾਸ ਆਪਣੀ ਧੀ ਲਈ ਲਿਿਖਿਆ ਹੈ। ਇਸ ਗਾਣੇ ਦਾ ਹਰ ਬੋਲ ਕੁੜੀਆਂ ਨੂੰ ਇਹੀ ਸੰਦੇਸ਼ ਦੇ ਰਿਹਾ ਹੈ ਕਿ ਤੁਸੀਂ ਕਮਜ਼ੋਰ ਨਹੀਂ ਹੋ। ਆਪਣੇ ਆਪ ਨੂੰ ਕਮਜ਼ੋਰ ਸਮਝ ਕੇ ਘਰ ਬਹਿਣਾ ਬੰਦ ਕਰੋ। ਸਮਾਜ ਦੀਆਂ ਬੇੜੀਆਂ ਤੋੜ ਕੇ ਆਪਣੇ ਲਈ ਬੇਹਤਰੀਨ ਜ਼ਿੰਦਗੀ ਦੀ ਤਲਾਸ਼ ਕਰੋ।