Success Story of IAS officer Sumit who failed many times in upsc exam
Success Story of IAS officer- ਯੂਨੀਅਨ ਪਬਲਿਕ ਸਰਵਿਸ ਕਮਿਸ਼ਨ ਦੀ ਸਿਵਲ ਸੇਵਾ ਪ੍ਰੀਖਿਆ ਨੂੰ ਦੇਸ਼ ਦੀਆਂ ਸਭ ਤੋਂ ਔਖੀਆਂ ਪ੍ਰੀਖਿਆਵਾਂ ਚੋਂ ਇੱਕ ਮੰਨਿਆ ਜਾਂਦਾ ਹੈ ਅਤੇ ਹਰ ਸਾਲ ਲੱਖਾਂ ਉਮੀਦਵਾਰ ਇਸ ਪ੍ਰੀਖਿਆ ਵਿੱਚ ਹਿੱਸਾ ਲੈਂਦੇ ਹਨ। ਪਰ ਸਫ਼ਲਤਾ ਸਿਰਫ਼ ਕੁਝ ਹੀ ਹਾਸਲ ਕਰ ਪਾਉਂਦੇ ਹਨ। ਇਨ੍ਹਾਂ ਚੋਂ ਕੁਝ ਵਿਦਿਆਰਥੀ ਅਜਿਹੇ ਵੀ ਹਨ ਜੋ ਯੂਪੀਐਸਸੀ ਦੀ ਪ੍ਰੀਖਿਆ ਪਾਸ ਕਰਨ ਲਈ ਕਈ ਸਾਲਾਂ ਤੋਂ ਸਖ਼ਤ ਮਿਹਨਤ ਕਰਦੇ ਹਨ ਅਤੇ ਲਗਾਤਾਰ ਅਸਫਲਤਾਵਾਂ ਦਾ ਸਾਹਮਣਾ ਕਰਨ ਤੋਂ ਬਾਅਦ ਵੀ ਹਾਰ ਨਹੀਂ ਮੰਨਦੇ।
ਅਜਿਹੀ ਹੀ ਕਹਾਣੀ ਹੈ ਸੁਮਿਤ ਕੁਮਾਰ ਰਾਏ ਦੀ। ਸੁਮਿਤ ਝਾਰਖੰਡ ਦੇ ਧਨਬਾਦ ਦਾ ਰਹਿਣ ਵਾਲਾ ਹੈ। ਲਗਾਤਾਰ ਚਾਰ ਵਾਰ ਅਸਫਲਤਾਵਾਂ ਦਾ ਸਾਹਮਣਾ ਕਰਨ ਤੋਂ ਬਾਅਦ ਵੀ ਉਸ ਨੇ ਹਾਰ ਨਹੀਂ ਮੰਨੀ ਅਤੇ ਪੰਜਵੀਂ ਕੋਸ਼ਿਸ਼ ਵਿੱਚ ਕਾਮਯਾਬ ਹੋ ਕੇ ਆਈਏਐਸ ਅਧਿਕਾਰੀ ਬਣ ਗਿਆ। UPSC ਪ੍ਰੀਖਿਆ ਦੀ ਤਿਆਰੀ ਦੌਰਾਨ ਸੁਮਿਤ ਕੁਮਾਰ ਰਾਏ ਪੂਰਾ ਸਮਾਂ ਕੰਮ ਕਰਦਾ ਸੀ, ਜਿਸ ਨੂੰ ਉਹ ਛੱਡ ਵੀ ਨਹੀਂ ਸਕਦਾ ਸੀ। ਉਹ ਨੌਕਰੀ ਦੇ ਨਾਲ-ਨਾਲ ਇਮਤਿਹਾਨ ਦੀ ਤਿਆਰੀ ਲਈ ਸਵੇਰੇ 4 ਵਜੇ ਉੱਠਦਾ ਸੀ ਅਤੇ ਦਫ਼ਤਰ ਜਾਣ ਤੋਂ ਪਹਿਲਾਂ 2-3 ਘੰਟੇ ਲਗਾਤਾਰ ਪੜ੍ਹਾਈ ਕਰਦਾ ਸੀ।
ਦਫ਼ਤਰ ਤੋਂ ਆ ਕੇ ਵੀ ਉਹ ਇੰਨੇ ਹੀ ਘੰਟੇ ਪੜ੍ਹਾਈ ਕਰਦਾ ਸੀ। ਸੁਮਿਤ ਦੇ ਦਫ਼ਤਰ ਦਾ ਸਮਾਂ ਸਵੇਰੇ 8.30 ਤੋਂ ਸ਼ਾਮ 6 ਵਜੇ ਤੱਕ ਸੀ। ਦਫ਼ਤਰੀ ਤਣਾਅ ਕਾਰਨ ਕਈ ਵਾਰ ਉਹ ਘਰ ਆ ਕੇ ਪੜ੍ਹਾਈ ਵੀ ਨਹੀਂ ਕਰ ਪਾਉਂਦਾ ਸੀ ਅਤੇ ਕਈ ਵਾਰ ਉਹ ਇੰਨਾ ਥੱਕ ਜਾਂਦਾ ਸੀ ਕਿ ਕਈ ਵਾਰ ਉਸ ਨੂੰ ਪੜ੍ਹਾਈ ਕਰਨ ਦਾ ਮਨ ਹੀ ਨਹੀਂ ਹੁੰਦਾ ਸੀ। ਸੁਮਿਤ ਦਾ ਕਹਿਣਾ ਹੈ ਕਿ ਕੰਮਕਾਜੀ ਦਿਨਾਂ ਵਿੱਚ ਉਸ ਨੂੰ ਪੜ੍ਹਾਈ ਲਈ ਸਿਰਫ਼ 4-5 ਘੰਟੇ ਹੀ ਮਿਲਦੇ ਸੀ ਪਰ ਵੀਕੈਂਡ ਵਿੱਚ ਉਸ ਨੂੰ ਕਾਫ਼ੀ ਸਮਾਂ ਮਿਲ ਜਾਂਦਾ ਸੀ, ਜਿਸ ਦਾ ਉਹ ਪੂਰਾ ਫ਼ਾਇਦਾ ਉਠਾਉਂਦਾ ਸੀ।
ਸੁਪਨਾ ਪੂਰਾ ਹੋਇਆ
ਛੁੱਟੀ ਵਾਲੇ ਦਿਨ ਸੁਮਿਤ ਆਪਣਾ ਟੀਚਾ ਪੂਰਾ ਕਰ ਲੈਂਦਾ ਸੀ ਕਿਉਂਕਿ ਇਸ ਦਿਨ ਉਸ ਨੂੰ ਆਪਣੇ ਟੀਚੇ ਮੁਤਾਬਕ ਪੜ੍ਹਾਈ ਕਰਨ ਲਈ ਪੂਰਾ ਸਮਾਂ ਮਿਲਦਾ ਸੀ। ਆਈਏਐਸ ਬਣਨ ਦਾ ਸਫ਼ਰ ਉਸ ਲਈ ਬਿਲਕੁਲ ਵੀ ਆਸਾਨ ਨਹੀਂ ਸੀ। ਕਿਉਂਕਿ ਉਹ ਯੂਪੀਐਸਸੀ ਦੀ ਪ੍ਰੀਖਿਆ ਵਿੱਚ ਚਾਰ ਵਾਰ ਫੇਲ੍ਹ ਹੋ ਗਿਆ ਸੀ, ਫਿਰ ਵੀ ਉਸਨੇ ਹਿੰਮਤ ਨਹੀਂ ਹਾਰੀ ਅਤੇ 2018 ਵਿੱਚ ਸੁਮਿਤ ਨੇ ਯੂਪੀਐਸਸੀ ਦੀ ਪ੍ਰੀਖਿਆ ਪਾਸ ਕੀਤੀ। ਆਲ ਇੰਡੀਆ ਵਿਚ 54ਵਾਂ ਰੈਂਕ ਹਾਸਲ ਕੀਤਾ ਅਤੇ ਆਈਏਐਸ ਬਣਨ ਦਾ ਸੁਪਨਾ ਸਾਕਾਰ ਕੀਤਾ।
ਇਹ ਵੀ ਪੜ੍ਹੋ: RR vs LSG: ਲਖਨਊ ਸੁਪਰ ਜਾਇੰਟਸ ਦੀ ਦੂਜੀ ਹਾਰ, ਰੋਮਾਂਚਕ ਮੈਚ ਵਿੱਚ ਸਿਰਫ 3 ਦੌੜਾਂ ਨਾਲ ਹਾਰੀ ਟੀਮ
Education Loan Information:
Calculate Education Loan EMI