ਓਲਾ ਹੁਣ ਇਸ ਸਰਵਿਸ ਮੁਤਾਬਕ ਆਪਣੀਆਂ ਕੁੱਝ ਚੁਣਿੰਦਾ ਕੈਬ 'ਚ ਲੋਕਾਂ ਨੂੰ ਡੈਬਿਟ ਕਾਰਡ ਦੀ ਮਦਦ ਨਾਲ ਇਹ ਸੇਵਾ ਦੇਵੇਗੀ। ਕਿਹੜੀ ਕੈਬ ਤੋਂ ਪੈਸੇ ਕਢਵਾਏ ਜਾ ਸਕਦੇ ਹਨ, ਇਸ ਦੀ ਜਾਣਕਾਰੀ ਐਪ ਤੋਂ ਹੀ ਮਿਲ ਜਾਏਗੀ। ਐਪ ਦੀ ਮਦਦ ਨਾਲ ਇਸ ਦੀ ਜਾਣਕਾਰੀ ਲੈ ਕੇ ਲੋਕ ਡੈਬਿਟ ਕਾਰਡ ਸਵੈਪ ਕਰਵਾ ਕੇ ਉਨ੍ਹਾਂ ਕੈਬ ਤੋਂ ਕੈਸ਼ ਲੈ ਸਕਣਗੇ। ਇਸ ਦੇ ਲਈ ਕੈਬ ਕੰਪਨੀ ਭਾਰਤੀ ਸਟੇਟ ਬੈੰਕ ਅਤੇ ਪੰਜਾਬ ਨੈਸ਼ਨਲ ਬੈਂਕ ਨਾਲ ਸਾਂਝੇਦਾਰੀ ਕਰ ਰਹੀ ਹੈ।
ਜਿਕਰਯੋਗ ਹੈ ਕਿ ਨੋਟਬੰਦੀ ਤੋਂ ਬਾਅਦ ਦੇਸ਼ 'ਚ ਪੁਰਾਣੇ 500 ਤੇ 1000 ਦੇ ਨੋਟ ਬੰਦ ਹੋ ਗਏ ਹਨ। ਅਜਿਹੇ 'ਚ ਲੋਕ ਨਵੇਂ ਨੋਟਾਂ ਲਈ ਇਧਰ ਓਧਰ ਭਟਕ ਰਹੇ ਹਨ। ਸਰਕਾਰ ਦੇ ਲੱਖ ਦਾਅਵਿਆਂ ਦੇ ਬਾਵਜੂਦ ਜਿਆਦਾਤਰ ਏਟੀਐਮ ਖਾਲੀ ਹਨ। ਅਜਿਹੇ 'ਚ ਲੋਕ ਆਪਣੀਆਂ ਰੋਜ਼ਾਨਾ ਦੀਆਂ ਜਰੂਰਤਾਂ ਪੂਰੀਆਂ ਕਰਨ ਲਈ ਬੇਹੱਦ ਪ੍ਰੇਸ਼ਾਨ ਹਨ।