UAE ਵੱਲੋਂ 10 ਸਾਲਾ ਗੋਲਡਨ ਵੀਜ਼ੇ ਦਾ ਐਲਾਨ, ਇਹ ਲੋਕ ਉਠਾ ਸਕਣਗੇ ਲਾਭ

ਤਾਜ਼ਾ ਫ਼ੈਸਲੇ ਅਨੁਸਾਰ ਜਿਹੜੇ ਪੇਸ਼ੇਵਰਾਂ ਨੂੰ ਇਸ ਵੀਜ਼ਾ ਦਾ ਲਾਭ ਮਿਲੇਗਾ, ਉਨ੍ਹਾਂ ਵਿੰਚ ਪੀਐਚਡੀ ਡਿਗਰੀਧਾਰਕ, ਡਾਕਟਰ, ਇੰਜਨੀਅਰ ਤੇ ਯੂਨੀਵਰਸਿਟੀਜ਼ ਦੇ ਕੁਝ ਖ਼ਾਸ ਗ੍ਰੈਜੂਏਟਸ ਸ਼ਾਮਲ ਹਨ।

ਸੰਯੁਕਤ ਅਰਬ ਅਮੀਰਾਤ (UAE) ਨੇ ਐਤਵਾਰ ਨੂੰ ਵਿਦੇਸ਼ੀ ਪੇਸ਼ੇਵਰਾਂ ਲਈ ਵੱਡਾ ਕਦਮ ਚੁੱਕਿਆ ਹੈ। UAE ਨੇ ਕਿਹਾ ਹੈ ਕਿ ਉਸ ਨੇ ਹੋਰ ਵਧੇਰੇ ਪੇਸ਼ੇਵਰਾਂ ਨੂੰ 10 ਸਾਲਾਂ ਦਾ ਗੋਲਡਨ ਵੀਜ਼ਾ ਜਾਰੀ ਕਰਨ ਦੀ ਮਨਜ਼ੂਰੀ ਦਿੱਤੀ ਹੈ। ਅਮੀਰਾਤ ਦੇ ਉੱਪ ਰਾਸ਼ਟਰਪਤੀ, ਪ੍ਰਧਾਨ ਮੰਤਰੀ ਤੇ ਦੁਬਈ ਦੇ ਹਾਕਮ ਸ਼ੇਖ਼ ਮੁਹੰਮਦ ਬਿਨ ਰਾਸ਼ਿਦ ਅਲ ਮਕਤੂਮ ਨੇ ਟਵੀਟ ਕਰ ਕੇ ਇਹ ਐਲਾਨ ਕੀਤਾ।

ਦਰਅਸਲ, UAE ਦੀ ਸਰਕਾਰ ਪ੍ਰਤਿਭਾਸ਼ਾਲੀ ਲੋਕਾਂ ਨੂੰ ਖਾੜੀ ਦੇਸ਼ ਵਿੱਚ ਵਸਾਉਣ ਤੇ ਰਾਸ਼ਟਰ ਨਿਰਮਾਣ ਵਿੱਚ ਉਨ੍ਹਾਂ ਦੇ ਯੋਗਦਾਨ ਲਈ ਖ਼ਾਸ ਗੋਲਡਨ ਵੀਜ਼ਾ ਜਾਰੀ ਕਰਦੀ ਹੈ। ਸੰਯੁਕਤ ਅਰਬ ਅਮੀਰਾਤ ਦੇ ਇਸ ਕਦਮ ਨਾਲ ਭਾਰਤੀਆਂ ਨੂੰ ਵੀ ਲਾਭ ਹੋਵੇਗਾ। ਵੱਡੀ ਗਿਣਤੀ ’ਚ ਭਾਰਤੀ ਮਾਹਿਰ ਯੂਏਈ ’ਚ ਕੰਮ ਕਰਨ ਜਾਂਦੇ ਹਨ।

ਇਸ ਦਾ ਫ਼ਾਇਦਾ ਸਾਰੇ ਪੀਐਚਡੀ ਡਿਗਰੀ ਧਾਰਕਾਂ, ਡਾਕਟਰਾਂ, ਕੰਪਿਊਟਰ ਇੰਜੀਨੀਅਰਾਂ, ਇਲੈਕਟ੍ਰੌਨਿਕਸ, ਪ੍ਰੋਗਰਾਮਿੰਗ, ਬਿਜਲੀ ਤੇ ਜੈਵ ਤਕਨਾਲੋਜੀ ਨਾਲ ਜੁੜੇ ਪ੍ਰੋਫ਼ੈਸ਼ਨਲਜ਼ ਲੈ ਸਕਣਗੇ। ਇਸ ਵੀਜ਼ਾ ਦਾ ਲਾਭ UAE ਦੀਆਂ ਮਾਨਤਾ ਪ੍ਰਾਪਤ ਯੂਨੀਵਰਸਿਟੀਜ਼ ਦੇ ਉਹ ਗ੍ਰੈਜੂਏਟ ਨੂੰ ਵੀ ਮਿਲੇਗਾ, ਜਿਨ੍ਹਾਂ ਦਾ ‘ਗ੍ਰੇਡ ਪੁਆਇੰਟ ਐਵਰੇਜ’ 3.8 ਜਾਂ ਉਸ ਤੋਂ ਵੱਧ ਹੋਵੇਗਾ। ਆਰਟੀਫ਼ੀਸ਼ੀਅਲ ਇੰਟੈਲੀਜੈਂਸ ਤੇ ਮਹਾਮਾਰੀ ਵਿਗਿਆਨ ਜਿਹੇ ਖੇਤਰਾਂ ’ਚ ਮੁਹਾਰਤ ਵੇਲੇ ਡਿਗਰੀਧਾਰਕਾਂ ਨੂੰ ਵੀ ਇਹ ਵੀਜ਼ਾ ਮਿਲੇਗਾ।

ਆਮ ਜਿਹੇ ਦਿੱਸਣ ਵਾਲੇ ਕਬੂਤਰ ਦੀ ਕੀਮਤ ਸੁਣ ਕੇ ਉੱਡ ਜਾਣਗੇ ਹੋਸ਼, 14 ਕਰੋੜ ਲੱਗੀ ਬੋਲੀ, ਬੰਦੇ ਨੇ ਹੁਣ ਤੱਕ ਕਮਾਏ 52 ਕਰੋੜ

ਉੱਧਰ ਆਈਟੀ ਕੰਪਨੀ ‘ਇਨਫ਼ੋਸਿਸ’ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਉਹ ਹੁਣ ਅਮਰੀਕਾ ਦੇ ਹੀ ਵਰਕਰਾਂ ਨੂੰ ਕੰਮ ਰੱਖਣ ਉੱਤੇ ਜ਼ੋਰ ਦੇ ਰਹੇ ਹਨ। ਇਹ ਕੰਪਨੀ ਅਮਰੀਕਾ ’ਚ ਲਗਭਗ 63 ਫ਼ੀ ਸਦੀ, ਆਸਟ੍ਰੇਲੀਆ ਤੇ ਨਿਊਜ਼ੀਲੈਂਡ ’ਚ ਵੀਜ਼ਾ ਉੱਤੇ ਨਿਰਭਰਤਾ 50 ਫ਼ੀ ਸਦੀ ਤੋਂ ਵੱਧ ਘਟਾ ਚੁੱਕੀ ਹੈ।

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904