ਰਾਤ ਦੇਰ ਤੱਕ ਜਾਗਣ ਵਾਲਿਆਂ ਲਈ ਚੇਤਾਵਨੀ; ਇਨ੍ਹਾਂ ਵਜੇ ਸੌਣ ਨਾਲ ਘੱਟ ਸਕਦਾ ਦਿਲ ਦਾ ਰੋਗ
ਜੇ ਤੁਸੀਂ ਰਾਤ ਦੇਰ ਤੱਕ ਜਾਗਦੇ ਹੋ ਅਤੇ ਅੱਧੀ ਰਾਤ ਤੋਂ ਬਾਅਦ ਸੌਣਾ ਤੁਹਾਡੀ ਆਦਤ ਬਣ ਚੁੱਕੀ ਹੈ, ਤਾਂ ਇਹ ਸਿਹਤ ਲਈ ਖਤਰਨਾਕ ਹੋ ਸਕਦਾ ਹੈ। ਦੇਰ ਰਾਤ ਤੱਕ ਜਾਗਣ ਨਾਲ ਦਿਲ ਦੀ ਬਿਮਾਰੀ, ਖ਼ਾਸ ਕਰਕੇ ਹਾਰਟ ਅਟੈਕ ਦਾ ਖਤਰਾ ਵਧ ਸਕਦਾ ਹੈ।
image source twitter
1/7
ਇੱਕ ਤਾਜ਼ਾ ਰਿਸਰਚ, ਜੋ ਯੂਰਪੀਅਨ ਹਾਰਟ ਜਰਨਲ ਵਿੱਚ ਪ੍ਰਕਾਸ਼ਿਤ ਹੋਈ, ਦੱਸਦੀ ਹੈ ਕਿ ਰਾਤ 10 ਤੋਂ 11 ਵਜੇ ਦੇ ਵਿਚਕਾਰ ਸੌਣ ਵਾਲੇ ਲੋਕਾਂ ਵਿੱਚ ਹਾਰਟ ਅਟੈਕ ਅਤੇ ਸਟ੍ਰੋਕ ਦਾ ਖਤਰਾ ਸਭ ਤੋਂ ਘੱਟ ਹੁੰਦਾ ਹੈ। ਇਸ ਵਕਤ ਨੂੰ ਨੀਂਦ ਦਾ "ਗੋਲਡਨ ਆਵਰ" ਕਿਹਾ ਜਾਂਦਾ ਹੈ।
2/7
ਅਸੀਂ ਅਕਸਰ ਦਿਲ ਦੀ ਸਿਹਤ ਲਈ ਡਾਇਟ ਅਤੇ ਕਸਰਤ 'ਤੇ ਜ਼ੋਰ ਦਿੰਦੇ ਹਾਂ, ਪਰ ਨੀਂਦ ਦਾ ਸਹੀ ਸਮਾਂ ਵੀ ਬਹੁਤ ਜ਼ਰੂਰੀ ਹੈ। ਨੀਂਦ ਦੀ ਗ਼ਲਤ ਰੁਟੀਨ ਹਾਰਟ ਅਟੈਕ ਅਤੇ ਸਟ੍ਰੋਕ ਦੇ ਖ਼ਤਰੇ ਨੂੰ ਵਧਾ ਸਕਦੀ ਹੈ। ਇਹ ਰਿਸਰਚ ਇਸ ਗੱਲ ਦੀ ਪੁਸ਼ਟੀ ਕਰਦੀ ਹੈ ਕਿ ਦੇਰ ਰਾਤ ਤੱਕ ਜਾਗਣ ਵਾਲੇ ਲੋਕਾਂ ਲਈ ਦਿਲ ਦੀ ਸਿਹਤ ਖ਼ਤਰੇ ਵਿੱਚ ਪੈ ਸਕਦੀ ਹੈ।
3/7
ਦੇਰ ਰਾਤ ਤੱਕ ਜਾਗਣ ਨਾਲ ਸਰੀਰ ਦੀ ਕੁਦਰਤੀ ਘੜੀ, ਜਿਸਨੂੰ 'ਸਰਕੈਡੀਅਨ ਰਿਦਮ' ਕਿਹਾ ਜਾਂਦਾ ਹੈ, ਗੜਬੜ ਹੋ ਜਾਂਦੀ ਹੈ। ਇਹ ਰਿਦਮ ਸਾਡੇ ਸਰੀਰ ਦੇ ਹਰ ਫੰਕਸ਼ਨ ਨੂੰ ਕੰਟਰੋਲ ਕਰਦੀ ਹੈ, ਜਿਸ ਵਿੱਚ ਦਿਲ ਦੀ ਧੜਕਨ, ਬਲੱਡ ਪ੍ਰੈਸ਼ਰ ਅਤੇ ਹਾਰਮੋਨਲ ਬੈਲੇਂਸ ਸ਼ਾਮਲ ਹਨ। ਜਦੋਂ ਇਹ ਅਨਿਯਮਿਤ ਹੁੰਦੀ ਹੈ ਤਾਂ ਦਿਲ ਅਤੇ ਦਿਮਾਗ ਦੋਹਾਂ 'ਤੇ ਦਬਾਅ ਪੈਂਦਾ ਹੈ, ਜਿਸ ਨਾਲ ਗੰਭੀਰ ਬਿਮਾਰੀਆਂ ਦਾ ਖ਼ਤਰਾ ਵੱਧ ਜਾਂਦਾ ਹੈ।
4/7
ਇਸ ਨਤੀਜੇ 'ਤੇ ਪਹੁੰਚਣ ਲਈ ਖੋਜੀਆਂ ਨੇ 43 ਤੋਂ 74 ਸਾਲ ਦੀ ਉਮਰ ਦੇ 88,000 ਬ੍ਰਿਟਿਸ਼ ਬਾਲਗਾਂ ਦੇ ਡੇਟਾ ਦਾ ਵਿਸ਼ਲੇਸ਼ਣ ਕੀਤਾ। ਹਰ ਵਿਅਕਤੀ ਨੇ ਇਕ ਵਿਸ਼ੇਸ਼ ਟ੍ਰੈਕਰ ਡਿਵਾਈਸ ਪਹਿਨੀ ਸੀ, ਜਿਸਨੇ ਉਨ੍ਹਾਂ ਦੀ ਨੀਂਦ ਦੇ ਪੈਟਰਨ ਤੇ ਨਜ਼ਰ ਰੱਖੀ। ਲਗਪਗ 5.7 ਸਾਲਾਂ ਤਕ ਚੱਲੇ ਇਸ ਅਧਿਐਨ ਵਿੱਚ, ਖੋਜੀਆਂ ਨੇ ਨੀਂਦ ਦੀਆਂ ਆਦਤਾਂ ਨੂੰ ਹਾਰਟ ਡਿਜ਼ੀਜ਼ ਦੇ ਖਤਰੇ ਨਾਲ ਜੋੜ ਕੇ ਵਿਸ਼ਲੇਸ਼ਣ ਕੀਤਾ ਅਤੇ ਮਹੱਤਵਪੂਰਣ ਨਤੀਜੇ ਪ੍ਰਾਪਤ ਕੀਤੇ।
5/7
ਖੋਜ ਦੇ ਨਤੀਜੇ ਦੱਸਦੇ ਹਨ ਕਿ ਨੀਂਦ ਦਾ ਸਮਾਂ ਦਿਲ ਦੀ ਸਿਹਤ ਲਈ ਕਿੰਨਾ ਮਹੱਤਵਪੂਰਣ ਹੈ। ਜੋ ਲੋਕ ਰਾਤ 10:00 ਤੋਂ 10:59 ਵਜੇ ਦੇ ਵਿਚਕਾਰ ਸੌਂਦੇ ਸਨ, ਉਨ੍ਹਾਂ ਵਿੱਚ ਦਿਲ ਦੀਆਂ ਬਿਮਾਰੀਆਂ ਦਾ ਖ਼ਤਰਾ ਸਭ ਤੋਂ ਘੱਟ ਮਿਲਿਆ। 11:00 ਤੋਂ 11:59 ਵਜੇ ਸੌਣ ਵਾਲਿਆਂ ਵਿੱਚ ਇਹ ਖ਼ਤਰਾ ਲਗਭਗ 12% ਵਧ ਗਿਆ। ਜੇ ਅੱਧੀ ਰਾਤ ਤੋਂ ਬਾਅਦ ਸੌਣਾ ਆਮ ਬਣ ਜਾਵੇ ਤਾਂ ਹਾਰਟ ਅਟੈਕ ਅਤੇ ਸਟ੍ਰੋਕ ਦਾ ਖ਼ਤਰਾ 25% ਤੱਕ ਵਧ ਸਕਦਾ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਰਾਤ 10 ਵਜੇ ਤੋਂ ਪਹਿਲਾਂ ਸੌਣ ਵਾਲਿਆਂ ਵਿੱਚ ਵੀ ਖ਼ਤਰੇ ਵਿੱਚ ਲਗਭਗ 24% ਵਾਧਾ ਦੇਖਿਆ ਗਿਆ, ਜੋ ਇਹ ਦਰਸਾਉਂਦਾ ਹੈ ਕਿ ਬਹੁਤ ਜਲਦੀ ਜਾਂ ਬਹੁਤ ਦੇਰ ਨਾਲ ਸੌਣਾ ਦੋਵੇਂ ਹੀ ਨੁਕਸਾਨਦਾਇਕ ਹੋ ਸਕਦੇ ਹਨ।
6/7
ਹੈਲਥੀ ਦਿਲ ਲਈ ਸਿਰਫ ਨੀਂਦ ਦੀ ਮਿਆਦ ਹੀ ਨਹੀਂ, ਸਗੋਂ ਉਸਦਾ ਸਹੀ ਸਮਾਂ ਵੀ ਬਹੁਤ ਜ਼ਰੂਰੀ ਹੈ। ਆਪਣੇ ਦਿਲ ਦੀ ਸਿਹਤ ਨੂੰ ਸੁਧਾਰਨ ਲਈ ਹਰ ਰਾਤ 10 ਤੋਂ 11 ਵਜੇ ਦੇ ਵਿਚਕਾਰ ਸੌਣ ਦਾ ਟੀਚਾ ਰੱਖੋ। ਨੀਂਦ ਤੋਂ ਘੱਟ ਤੋਂ ਘੱਟ 30-60 ਮਿੰਟ ਪਹਿਲਾਂ ਮੋਬਾਈਲ, ਲੈਪਟਾਪ ਅਤੇ ਟੀਵੀ ਵਰਗੇ ਗੈਜੇਟਸ ਤੋਂ ਦੂਰੀ ਬਣਾਓ, ਕਿਉਂਕਿ ਇਹਨਾਂ ਦੀ ਬਲੂ ਲਾਈਟ ਨੀਂਦ ਲਿਆਉਣ ਵਾਲੇ ਹਾਰਮੋਨ ਮੇਲਾਟੋਨਿਨ ਦੀ ਪ੍ਰੋਡਕਸ਼ਨ ਵਿੱਚ ਰੁਕਾਵਟ ਪਾਉਂਦੀ ਹੈ।
7/7
ਰਾਤ ਦਾ ਖਾਣਾ ਹਲਕਾ ਤੇ ਸੌਣ ਤੋਂ ਘੱਟ ਤੋਂ ਘੱਟ 2-3 ਘੰਟੇ ਪਹਿਲਾਂ ਕਰ ਲਓ, ਤਾਂ ਜੋ ਪਚਾਉਣ ਵਿੱਚ ਆਸਾਨੀ ਰਹੇ ਅਤੇ ਨੀਂਦ ਵਿੱਚ ਖਲਲ ਨਾ ਪਵੇ। ਬੈੱਡਰੂਮ ਨੂੰ ਸ਼ਾਂਤ, ਹਨੇਰਾ ਤੇ ਠੰਢਾ ਰੱਖੋ ਅਤੇ ਜੇ ਲੋੜ ਹੋਵੇ ਤਾਂ ਪਰਦੇ ਵਰਤੋਂ। ਸ਼ਾਮ ਤੋਂ ਬਾਅਦ ਚਾਹ, ਕੌਫੀ, ਐਨਰਜੀ ਡ੍ਰਿੰਕਸ ਅਤੇ ਸਿਗਰਟਨੋਸ਼ੀ ਤੋਂ ਵੀ ਪਰਹੇਜ਼ ਕਰੋ, ਤਾਂ ਕਿ ਦਿਲ ਅਤੇ ਸਰੀਰ ਦੋਹਾਂ ਨੂੰ ਪੂਰਾ ਆਰਾਮ ਮਿਲੇ।
Published at : 03 Oct 2025 09:50 PM (IST)