ਆਸਟਰੇਲੀਆ 'ਚ ਇਸ ਫਾਰਮੂਲੇ ਤਹਿਤ ਹੋਵੇਗਾ ਟੀ20 ਵਿਸ਼ਵ ਕੱਪ, ਪ੍ਰਧਾਨ ਮੰਤਰੀ ਨੇ ਦਿੱਤੇ ਸੰਕੇਤ

ਮੌਰੀਸਨ ਨੇ ਸ਼ੁੱਕਰਵਾਰ ਬਿਆਨ ਦਿੱਤਾ ਕਿ ਲੌਕਡਾਊਨ ਦੀਆਂ ਨਵੀਆਂ ਗਾਈਡਲਾਇਨਜ਼ 'ਚ 40 ਹਜ਼ਾਰ ਲੋਕਾਂ ਦੀ ਸਮਰੱਥਾ ਰੱਖਣ ਵਾਲੇ ਖੇਡ ਸਟੇਡੀਅਮ 10 ਹਜ਼ਾਰ ਲੋਕਾਂ ਦੀ ਮੇਜ਼ਬਾਨੀ ਕਰਨ ਲਈ ਸੁਤੰਤਰ ਰਹਿਣਗੇ।

ਸਿਡਨੀ: ਸਾਲ 2020 ਦੇ ਆਖੀਰ 'ਚ ਆਸਟਰੇਲੀਆ 'ਚ ਟੀ-20 ਵਿਸ਼ਵ ਕੱਪਹੋਣ ਦੀ ਉਮੀਦ ਬੱਝ ਗਈ ਹੈ। ਦਰਅਸਲ ਆਸਟਰੇਲੀਆ ਦੇ ਪ੍ਰਧਾਨ ਮੰਤਰੀ ਸਕੌਟ ਮੌਰੀਸਨ ਦੇਸ਼ 'ਚ ਕੋਰੋਨਾ ਵਾਇਰਸ ਮਹਾਮਾਰੀ ਵਿਚਾਲੇ ਲੌਕਡਾਊਨ 'ਚ ਹੋਰ ਛੋਟ ਦੇਣਾ ਚਾਹੁੰਦੇ ਹਨ।

ਮੌਰੀਸਨ ਨੇ ਸ਼ੁੱਕਰਵਾਰ ਬਿਆਨ ਦਿੱਤਾ ਕਿ ਲੌਕਡਾਊਨ ਦੀਆਂ ਨਵੀਆਂ ਗਾਈਡਲਾਇਨਜ਼ 'ਚ 40 ਹਜ਼ਾਰ ਲੋਕਾਂ ਦੀ ਸਮਰੱਥਾ ਰੱਖਣ ਵਾਲੇ ਖੇਡ ਸਟੇਡੀਅਮ 10 ਹਜ਼ਾਰ ਲੋਕਾਂ ਦੀ ਮੇਜ਼ਬਾਨੀ ਕਰਨ ਲਈ ਸੁਤੰਤਰ ਰਹਿਣਗੇ।

ਸਕੌਟ ਮੌਰੀਸਨ ਦੇ ਇਸ ਬਿਆਨ ਤੋਂ ਬਾਅਦ ਟੀ20 ਵਿਸ਼ਵ ਕੱਪ ਹੋਣ ਦੀਆਂ ਸੰਭਾਵਨਾਵਾਂ ਵਧ ਗਈਆਂ ਹਨ। ਆਸਟਰੇਲੀਆ 'ਚ ਵਿਸ਼ਵ ਕੱਪ ਤੋਂ ਬਾਅਦ ਭਾਰਤ ਖਿਲਾਫ ਟੈਸਟ ਸੀਰੀਜ਼ ਖੇਡੀ ਜਾਣੀ ਹੈ। ICC ਨੇ ਅਗਲੇ ਮਹੀਨੇ ਟੀ20 ਵਿਸ਼ਵ ਕੱਪ ਕਰਾਏ ਜਾਣ 'ਤੇ ਫੈਸਲਾ ਕਰਨਾ ਹੈ।

ਆਸਟਰੇਲੀਆ ਦੇ ਪੀਐਮ ਸਕੌਟ ਮੌਰੀਸਨ ਨੇ ਸ਼ੁੱਕਰਵਾਰ ਕੈਬਨਿਟ ਬੈਠਕ ਤੋਂ ਬਾਅਦ ਇਹ ਫੈਸਲਾ ਕੀਤਾ। ਮੌਰੀਸਨ ਨੇ ਕਿਹਾ ਦੇਸ਼ 'ਚ ਮੁੱਖ ਸਿਹਤ ਅਧਿਕਾਰੀਆਂ ਦੇ ਸਹਿਯੋਗ ਨਾਲ ਇਨ੍ਹਾਂ ਸਥਾਨਾਂ ਲਈ ਨਿਯਮ ਬਣਾਏ ਜਾ ਰਹੇ ਹਨ। ਆਸਟਰੇਲੀਆ ਉਨ੍ਹਾਂ ਦੇਸ਼ਾਂ 'ਚ ਸ਼ਾਮਲ ਹੈ ਜਿੱਥੇ ਕੋਰੋਨਾ ਵਾਇਰਸ ਦੇ ਘੱਟ ਮਾਮਲੇ ਆਏ ਹਨ। ਆਸਟਰੇਲੀਆ 'ਚ 7000 ਕੁੱਲ ਪੌਜ਼ੇਟਿਵ ਮਾਮਲੇ ਦਰਜ ਕੀਤੇ ਗਏ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ