Truck Accident Viral Video: ਜਦੋਂ ਕਿਸਮਤ ਮਾੜੀ ਹੋਵੇ ਤਾਂ ਬੰਦਾ ਜਿੰਨਾ ਮਰਜ਼ੀ ਸੁਰੱਖਿਅਤ ਥਾਂ 'ਤੇ ਹੋਵੇ, ਮੌਤ ਆਪਣਾ ਰਾਹ ਬਣਾ ਹੀ ਲੈਂਦੀ ਹੈ। ਹਾਲਾਂਕਿ ਕੁਝ ਲੋਕ ਕਿਸਮਤ ਦੇ ਇੰਨੇ ਅਮੀਰ ਹੁੰਦੇ ਹਨ ਕਿ ਮੌਤ ਉਨ੍ਹਾਂ ਨਾਲ ਟਕਰਾ ਤੇ ਵਾਪਸ ਵਾਪਸ ਪਰਤਣ ਲਈ ਮਜਬੂਰ ਹੋ ਜਾਂਦੀ ਹੈ। ਤੁਸੀਂ ਸੋਸ਼ਲ ਮੀਡੀਆ 'ਤੇ ਅਜਿਹੇ ਕਈ ਵੀਡੀਓ ਦੇਖੇ ਹੋਣਗੇ, ਜਿਨ੍ਹਾਂ 'ਚ ਮੌਤ ਦਾ ਕਹਿਰ ਲੋਕਾਂ ਨੂੰ ਨੇੜਿਓਂ ਛੂਹ ਕੇ ਲੰਘਦਾ ਹੈ। ਹੁਣ ਅਜਿਹਾ ਹੀ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਇੱਕ ਵਿਅਕਤੀ ਟਰੱਕ ਦੀ ਲਪੇਟ 'ਚ ਆਉਣ ਤੋਂ ਵਾਲ-ਵਾਲ ਬਚ ਗਿਆ।
ਵਾਇਰਲ ਹੋ ਰਹੀ ਇਸ ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਵਿਅਕਤੀ ਕਿਸੇ ਦੇ ਘਰ ਦੇ ਬਾਹਰ ਖੜ੍ਹਾ ਹੈ। ਉਹ ਕੁਝ ਦਸਤਾਵੇਜ਼ਾਂ ਦੀ ਜਾਂਚ ਕਰ ਰਿਹਾ ਹੈ। ਉਦੋਂ ਹੀ ਪਿੱਛੇ ਤੋਂ ਇੱਕ ਟਰੱਕ ਤੇਜ਼ ਰਫਤਾਰ ਨਾਲ ਆ ਰਿਹਾ ਹੈ, ਜੋ ਆਪਣਾ ਸੰਤੁਲਨ ਗੁਆ ਬੈਠਦਾ ਹੈ ਤੇ ਸਿੱਧਾ ਸਾਈਡ 'ਤੇ ਖੜ੍ਹੇ ਵਿਅਕਤੀ ਨਾਲ ਜਾ ਟਕਰਾਉਂਦਾ ਹੈ। ਵਿਅਕਤੀ ਸਾਈਡ 'ਤੇ ਖੜ੍ਹਾ ਸੀ, ਇਸ ਲਈ ਟਰੱਕ ਉਸ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਾ ਸਕਿਆ। ਟਰੱਕ ਦੀ ਅਚਾਨਕ ਟੱਕਰ ਕਾਰਨ ਨੇੜੇ ਦਾ ਇੱਕ ਦਰੱਖਤ ਵੀ ਡਿੱਗ ਗਿਆ।
ਇਹ ਵੀ ਪੜ੍ਹੋ : No Egg, No Sperm , Baby? ਦੁਨੀਆ ਦਾ ਪਹਿਲਾ ਸਿੰਥੈਟਿਕ ਮਨੁੱਖੀ ਭਰੂਣ, ਵਿਗਿਆਨੀਆਂ ਦੀ ਟੀਮ ਨੇ ਸਟੈਮ ਸੈੱਲਾਂ ਤੋਂ ਬਣਾਈ ਮਨੁੱਖੀ ਭਰੂਣ ਵਰਗੀ ਬਣਤਰ
ਵਾਲ-ਵਾਲ ਬਚੀ ਜਾਨ
ਇਸ ਘਟਨਾ ਤੋਂ ਬਾਅਦ ਵਿਅਕਤੀ ਆਪਣੀ ਜਾਨ ਬਚਣ ਮਗਰੋਂ ਦੌੜ ਗਿਆ। ਟਰੱਕ ਵਿੱਚ ਕੁਝ ਸਾਮਾਨ ਵੀ ਲੱਦਿਆ ਹੋਇਆ ਸੀ, ਜੋ ਜ਼ਮੀਨ ’ਤੇ ਖਿੱਲਰ ਗਿਆ। ਇਹ ਘਟਨਾ ਇੰਨੀ ਅਚਾਨਕ ਵਾਪਰੀ ਕਿ ਰੱਬ ਨਾ ਕਰੇ, ਜੇਕਰ ਵਿਅਕਤੀ ਟਰੱਕ ਦੇ ਅੱਗੇ ਹੁੰਦਾ ਤਾਂ ਸ਼ਾਇਦ ਉਹ ਕਦੇ ਨਾ ਬਚਦਾ। ਅਜੇ ਤੱਕ ਇਹ ਪਤਾ ਨਹੀਂ ਲੱਗ ਸਕਿਆ ਕਿ ਇਹ ਹਾਦਸਾ ਕਿੱਥੇ ਹੋਇਆ ਤੇ ਕਿਸ ਕਾਰਨ ਵਾਪਰਿਆ ਪਰ ਇਹ ਜ਼ਰੂਰ ਕਿਹਾ ਜਾ ਸਕਦਾ ਹੈ ਕਿ ਇਹ ਇੱਕ ਭਿਆਨਕ ਘਟਨਾ ਹੈ, ਜਿਸ ਵਿੱਚ ਕਿਸੇ ਦੀ ਜਾਨ ਵੀ ਜਾ ਸਕਦੀ ਸੀ।
ਇਹ ਵੀ ਪੜ੍ਹੋ : ਇੱਕ ਹੀ ਹਸਪਤਾਲ ਦੀਆਂ 12 ਨਰਸਾਂ ਇਕੱਠਿਆਂ ਪ੍ਰੈਗਨੈਂਟ! ਕਈਆਂ ਦੀ ਡਿਲਵਰੀ ਡੇਟ ਵੀ ਸੇਮ, ਸਾਲ ਦੇ ਅਖੀਰ ਤੱਕ ਬਣਨਗੀਆਂ ਮਾਂ
ਯੂਜ਼ਰਸ ਨੇ ਵਿਅਕਤੀ ਨੂੰ ਦੱਸਿਆ 'ਲੱਕੀ'
ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਇਸ ਵੀਡੀਓ ਨੂੰ ਦੇਖ ਕੇ ਯੂਜ਼ਰਸ ਦੇ ਹੱਥ-ਪੈਰ ਵੀ ਫੁੱਲ ਗਏ ਤੇ ਉਹ ਵਿਅਕਤੀ ਨੂੰ ਖੁਸ਼ਕਿਸਮਤ ਕਹਿ ਰਹੇ ਹਨ। ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਅਸੀਂ ਸਿਰਫ ਇਹੀ ਕਹਾਂਗੇ ਕਿ "ਜਾਕੋ ਰਾਖੇ ਸਾਈਆਂ ਮਾਰ ਸਕੇ ਨਾ ਕੋਈ"।