Ian Botham Crocodile Incident: ਇੰਗਲੈਂਡ ਦੇ ਮਹਾਨ ਕ੍ਰਿਕਟਰ ਇਆਨ ਬਾਥਮ ਨੇ ਇਕ ਕਹਾਣੀ ਸੁਣਾ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਇਹ ਅਸਲ ਵਿੱਚ ਕੋਈ ਕਹਾਣੀ ਨਹੀਂ ਬਲਕਿ ਇੱਕ ਸੱਚਾਈ ਹੈ

ਕਿਉਂਕਿ ਜੇਕਰ ਉਹ ਇੱਕ ਸਕਿੰਟ ਵੀ ਦੇਰ ਕਰ ਦਿੰਦੇ ਤਾਂ ਮਗਰਮੱਛ ਅਤੇ ਸ਼ਾਰਕ ਉਨ੍ਹਾਂ ਦੇ ਸਰੀਰ ਦੇ ਟੁਕੜੇ ਕਰ ਦਿੰਦੇ। ਇਆਨ ਬੋਥਮ ਅਤੇ ਸਾਬਕਾ ਆਸਟ੍ਰੇਲੀਆਈ ਕ੍ਰਿਕਟਰ ਮਰਵ ਹਿਊਜ ਇਕੱਠੇ ਮੱਛੀਆਂ ਫੜ ਰਹੇ ਸਨ,

ਪਰ ਫਿਰ ਬੋਥਮ ਨਦੀ ਵਿੱਚ ਜਾ ਡਿੱਗੇ ਅਤੇ ਉਨ੍ਹਾਂ ਦੇ ਨਾਲ ਜੋ ਹੋਇਆ, ਉਹ ਇੱਕ ਅਜਿਹੀ ਘਟਨਾ ਹੋਵੇਗੀ ਜੋ ਉਹ ਸਾਰੀ ਉਮਰ ਯਾਦ ਰੱਖਣਗੇ।

ਇਹ ਘਟਨਾ ਆਸਟ੍ਰੇਲੀਆ ਦੇ ਉੱਤਰੀ ਖੇਤਰ ਵਿੱਚ ਸਥਿਤ ਮੋਇਲ ਨਦੀ ਵਿੱਚ ਵਾਪਰੀ। ਇਆਨ ਬੋਥਮ ਅਤੇ ਮੇਰਵ ਹਿਊਜ ਚਾਰ ਦਿਨਾਂ ਫਿਸ਼ਿੰਗ ਟੂਰ 'ਤੇ ਗਏ ਸਨ।

ਇਸ ਦੌਰਾਨ ਉਨ੍ਹਾਂ ਦੀ ਚੱਪਲ ਕਿਸ਼ਤੀ ਨਾਲ ਬੰਨ੍ਹੀ ਰੱਸੀ 'ਚ ਫਸ ਗਈ, ਜਿਸ ਕਾਰਨ ਉਹ ਪਾਣੀ 'ਚ ਡਿੱਗ ਗਏ। ਡਿੱਗਣ ਕਾਰਨ ਉਨ੍ਹਾਂ ਦੇ ਸਰੀਰ 'ਤੇ ਝਰੀਟਾਂ ਆਈਆਂ,

ਪਰ ਇਸ ਤੋਂ ਵੀ ਭਿਆਨਕ ਗੱਲ ਇਹ ਸੀ ਕਿ ਉਹ ਮਗਰਮੱਛ ਅਤੇ ਖਤਰਨਾਕ ਸ਼ਾਰਕ ਦੀ ਚਪੇਟ ਵਿੱਚ ਆਉਣ ਤੋਂ ਬੱਟ ਗਏ। ਇਸ ਘਟਨਾ ਨੂੰ ਯਾਦ ਕਰਦੇ ਹੋਏ ਇਆਨ ਬੋਥਮ ਨੇ ਕਿਹਾ, ਮੈਂ ਮਗਰਮੱਛਾਂ ਦਾ ਸ਼ਿਕਾਰ ਹੋਣ ਤੋਂ ਬਚ ਗਿਆ ਸੀ।

ਮੈਂ ਇਸ ਵਿੱਚ ਡਿੱਗਣ ਨਾਲੋਂ ਤੇਜ਼ੀ ਨਾਲ ਪਾਣੀ ਵਿੱਚੋਂ ਬਾਹਰ ਆ ਗਿਆ ਸੀ। ਕੁਝ ਮਗਰਮੱਛ ਸ਼ਾਇਦ ਮੈਨੂੰ ਦੇਖ ਰਹੇ ਸਨ। ਪਰ ਪਾਣੀ ਵਿੱਚ ਮੈਂ ਇਹ ਨਹੀਂ ਦੇਖ ਸਕਿਆ ਕਿ ਅੰਦਰ ਕੀ ਸੀ।

ਇੰਗਲੈਂਡ ਦੇ ਦਿੱਗਜ ਕ੍ਰਿਕਟਰ ਨੇ ਦੱਸਿਆ ਕਿ ਇਹ ਸਭ ਬਹੁਤ ਤੇਜ਼ੀ ਨਾਲ ਹੋਇਆ, ਪਰ ਚੰਗੀ ਗੱਲ ਇਹ ਹੈ ਕਿ ਉਹ ਹੁਣ ਸੁਰੱਖਿਅਤ ਅਤੇ ਪੂਰੀ ਤਰ੍ਹਾਂ ਸਿਹਤਮੰਦ ਹਨ।

ਆਸਟ੍ਰੇਲੀਆ ਵਿੱਚ 2 ਲੱਖ ਤੋਂ ਵੱਧ ਮਗਰਮੱਛ ਰਹਿੰਦੇ ਹਨ ਅਤੇ ਇਨ੍ਹਾਂ ਦੀ ਗਿਣਤੀ ਖਾਸ ਕਰਕੇ ਉੱਤਰੀ ਖੇਤਰਾਂ ਵਿੱਚ ਜ਼ਿਆਦਾ ਹੈ। ਮੋਇਲ ਨਦੀ ਮਗਰਮੱਛਾਂ ਲਈ ਵੀ ਮਸ਼ਹੂਰ ਹੈ, ਜਿਸ ਵਿਚ ਆਮ ਤੌਰ 'ਤੇ ਇਕ ਵਰਗ ਕਿਲੋਮੀਟਰ ਦੇ ਅੰਦਰ 5 ਮਗਰਮੱਛ ਦਿਖਾਈ ਦਿੰਦੇ ਹਨ।

ਇਸ ਲਈ ਬੋਥਮ ਦਾ ਪਾਣੀ 'ਚੋਂ ਸੁਰੱਖਿਅਤ ਬਾਹਰ ਆਉਣਾ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਹੈ। ਇਆਨ ਬੋਥਮ ਦੇ ਕ੍ਰਿਕਟ ਕਰੀਅਰ 'ਤੇ ਨਜ਼ਰ ਮਾਰੀਏ ਤਾਂ ਉਨ੍ਹਾਂ ਨੇ ਇੰਗਲੈਂਡ ਲਈ 102 ਟੈਸਟ ਮੈਚ ਖੇਡੇ ਅਤੇ 383 ਵਿਕਟਾਂ ਲੈਣ ਦੇ ਨਾਲ-ਨਾਲ 5,200 ਦੌੜਾਂ ਵੀ ਬਣਾਈਆਂ।

ਉਸਨੇ ਆਪਣੇ ਟੈਸਟ ਕਰੀਅਰ ਵਿੱਚ 14 ਸੈਂਕੜੇ ਅਤੇ 22 ਅਰਧ ਸੈਂਕੜੇ ਵੀ ਲਗਾਏ। ਦੂਜੇ ਪਾਸੇ 116 ਵਨਡੇ ਮੈਚਾਂ 'ਚ ਉਸ ਦੇ ਨਾਂ 145 ਵਿਕਟਾਂ ਅਤੇ 2,113 ਦੌੜਾਂ ਵੀ ਹਨ।

ਇਹ ਅੰਕੜੇ ਉਸਨੂੰ ਇੰਗਲੈਂਡ ਦੇ ਹੀ ਨਹੀਂ ਸਗੋਂ ਅੰਤਰਰਾਸ਼ਟਰੀ ਕ੍ਰਿਕਟ ਇਤਿਹਾਸ ਦੇ ਮਹਾਨ ਆਲਰਾਊਂਡਰਾਂ ਵਿੱਚੋਂ ਇੱਕ ਬਣਾਉਂਦੇ ਹਨ।