ਅੱਜ ਦੇ ਤੇਜ਼ੀ ਭਰੇ ਦੌਰ ਵਿੱਚ ਮਾਈਕ੍ਰੋਵੇਵ ਦੀ ਵਰਤੋਂ ਆਮ ਹੋ ਗਈ ਹੈ।

ਖਾਣਾ ਪਕਾਉਣ ਦੇ ਸ਼ੌਕੀਨ ਸਵਾਦਿਸ਼ਟ ਪਕਵਾਨ ਬਣਾਉਣ ਲਈ ਮਾਈਕ੍ਰੋਵੇਵ ਓਵਨ ਦੀ ਵਰਤੋਂ ਕਰਦੇ ਹਨ। ਸੌਖ ਅਤੇ ਸਮੇਂ ਦੀ ਬੱਚਤ ਲਈ ਕੁਝ ਲੋਕ ਭੋਜਨ ਨੂੰ ਗਰਮ ਕਰਨ ਲਈ ਮਾਈਕ੍ਰੋਵੇਵ ਨੂੰ ਤਰਜੀਹ ਦਿੰਦੇ ਹਨ।

ਦੱਸ ਦੇਈਏ ਕਿ ਮਾਈਕ੍ਰੋਵੇਵ ਨੇ ਸਾਡੇ ਕੰਮ ਨੂੰ ਆਸਾਨ ਬਣਾ ਦਿੱਤਾ ਹੈ। ਪਰ ਇਸਦੇ ਨਾਲ ਹੀ ਮਾਈਕ੍ਰੋਵੇਵ ਵਿੱਚ ਕੁਝ ਚੀਜ਼ਾਂ ਨੂੰ ਗਰਮ ਕਰਨ ਨਾਲ ਤੁਹਾਡੇ ਸਰੀਰ ਨੂੰ ਕਈ ਸਮੱਸਿਆਵਾਂ ਹੋ ਸਕਦੀਆਂ ਹਨ।

ਚਾਵਲਾਂ ਵਿੱਚ ਬੈਸੀਲਸ ਸੇਰੀਅਸ ਨਾਮ ਦਾ ਬੈਕਟੀਰੀਆ ਪਾਇਆ ਜਾਂਦਾ ਹੈ, ਜੋ ਭੋਜਨ ਵਿੱਚ ਜ਼ਹਿਰ ਦਾ ਕਾਰਨ ਬਣਦਾ ਹੈ। ਇਹ ਬੈਕਟੀਰੀਆ ਚੌਲਾਂ ਨੂੰ ਪਕਾਏ ਜਾਣ ਤੋਂ ਬਾਅਦ ਵੀ ਜਿਉਂਦੇ ਰਹਿੰਦੇ ਹਨ । ਮਾਈਕ੍ਰੋਵੇਵ ਵਿੱਚ ਚੌਲਾਂ ਨੂੰ ਗਰਮ ਨਹੀਂ ਕਰਨਾ ਚਾਹੀਦਾ ਹੈ।

ਮਾਈਕ੍ਰੋਵੇਵ ਵਿੱਚ ਉਬਲੇ ਹੋਏ ਆਂਡੇ ਨੂੰ ਦੁਬਾਰਾ ਗਰਮ ਕਰਨ ਨਾਲ ਉਨ੍ਹਾਂ ਵਿੱਚੋਂ ਕਾਰਸੀਨੋਜਨਿਕ ਜ਼ਹਿਰੀਲੇ ਪਦਾਰਥ ਨਿਕਲਦੇ ਹਨ, ਜੋ ਸਿਹਤ ਲਈ ਬਹੁਤ ਹਾਨੀਕਾਰਕ ਹੁੰਦੇ ਹਨ।

ਮਾਈਕ੍ਰੋਵੇਵ ਵਿੱਚ ਕੌਫੀ ਨੂੰ ਦੁਬਾਰਾ ਗਰਮ ਕਰਨ ਤੋਂ ਪਰਹੇਜ਼ ਕਰੋ। ਕਿਉਂਕਿ ਕੌਫੀ ਠੰਡਾ ਹੋਣ ਤੋਂ ਬਾਅਦ ਤੇਜ਼ਾਬ ਬਣ ਜਾਂਦੀ ਹੈ।

ਜਦੋਂ ਅਸੀਂ ਕੋਲਡ ਕੌਫੀ ਨੂੰ ਦੁਬਾਰਾ ਗਰਮ ਕਰਦੇ ਹਾਂ, ਤਾਂ ਇਸਦਾ ਸੁਆਦ ਫਿੱਕਾ ਪੈ ਸਕਦਾ ਹੈ। ਕੌਫੀ ਨੂੰ ਦੁਬਾਰਾ ਗਰਮ ਕਰਨ ਦੀ ਬਜਾਏ, ਇਸਨੂੰ ਥਰਮੋ-ਫਲਾਸਕ ਵਿੱਚ ਸਟੋਰ ਕਰੋ ਅਤੇ ਜਦੋਂ ਮਰਜ਼ੀ ਪੀਓ।

ਮਾਈਕ੍ਰੋਵੇਵ ਓਵਨ ਨਮੀ ਨੂੰ ਸੋਖ ਲੈਂਦੇ ਹਨ, ਜਿਸਦਾ ਮਤਲਬ ਹੈ ਕਿ ਇਸ ਵਿੱਚ ਮੱਛੀ ਗਰਮ ਕਰਨ ਨਾਲ ਉਸਦੀ ਸਾਰੀ ਕੋਮਲਤਾ ਦੂਰ ਹੋ ਸਕਦੀ ਹੈ।

ਇਸ ਤੋਂ ਇਲਾਵਾ ਸਮੁੰਦਰੀ ਭੋਜਨ ਨੂੰ ਵੀ ਮਾਈਕ੍ਰੋਵੇਵ ਵਿੱਚ ਗਰਮ ਨਹੀਂ ਕਰਨਾ ਚਾਹੀਦਾ। ਚਿਕਨ ਨੂੰ ਮਾਈਕ੍ਰੋਵੇਵ ਵਿੱਚ ਗਰਮ ਕਰਨ ਤੋਂ ਵੀ ਬਚਣਾ ਚਾਹੀਦਾ ਹੈ।

ਮਾਈਕ੍ਰੋਵੇਵ 'ਚ ਚਿਕਨ ਜਾਂ ਚਿਕਨ ਦੀ ਕਿਸੇ ਵੀ ਡਿਸ਼ ਨੂੰ ਗਰਮ ਕਰਨ ਨਾਲ ਇਸ 'ਚ ਮੌਜੂਦ ਪ੍ਰੋਟੀਨ ਸਮੇਤ ਕਈ ਪੌਸ਼ਟਿਕ ਤੱਤ ਨਸ਼ਟ ਹੋ ਜਾਂਦੇ ਹਨ। ਇਸ ਦੇ ਨਾਲ ਹੀ ਤੁਹਾਨੂੰ ਪੇਟ ਦਰਦ ਅਤੇ ਦਸਤ ਵੀ ਹੋ ਸਕਦੇ ਹਨ।