ਇੱਕ ਸਮਾਂ ਸੀ ਜਦੋਂ ਲੋਕ ਸਿਰਫ਼ ਗਹਿਣਿਆਂ ਦੇ ਰੂਪ ਵਿੱਚ ਹੀ ਸੋਨਾ ਖਰੀਦਦੇ ਸਨ ਪਰ ਹੁਣ ਇਸ ਵਿੱਚ ਨਿਵੇਸ਼ ਦੇ ਕਈ ਵਿਕਲਪ ਆ ਗਏ ਹਨ। ਤੁਸੀਂ ਡਿਜੀਟਲ ਗੋਲਡ, Gold ETF ਆਦਿ ਵਰਗੇ ਕਈ ਵਿਕਲਪਾਂ ਵਿੱਚ ਨਿਵੇਸ਼ ਕਰ ਸਕਦੇ ਹੋ।

Gold Investment Options: ਸੋਨੇ ਵਿੱਚ ਨਿਵੇਸ਼ ਕਰਨਾ ਭਾਰਤੀਆਂ ਦੀ ਪਹਿਲੀ ਪਸੰਦ ਰਿਹਾ ਹੈ। ਲੋਕ ਪੁਰਾਣੇ ਸਮੇਂ ਤੋਂ ਹੀ ਸੋਨੇ ਵਿੱਚ ਭਾਰੀ ਨਿਵੇਸ਼ ਕਰਨਾ ਪਸੰਦ ਕਰਦੇ ਹਨ।

ਭਾਰਤ 'ਚ ਤਿਉਹਾਰਾਂ ਦਾ ਸੀਜ਼ਨ ਕੁਝ ਹੀ ਦਿਨਾਂ 'ਚ ਸ਼ੁਰੂ ਹੋ ਜਾਵੇਗਾ। ਨਵਰਾਤਰੀ, ਦੁਰਗਾ ਪੂਜਾ, ਦੁਸਹਿਰਾ, ਧਨਤੇਰਸ ਅਤੇ ਦੀਵਾਲੀ ਵਰਗੇ ਤਿਉਹਾਰ ਕੁਝ ਹੀ ਦਿਨਾਂ ਵਿਚ ਆਉਣ ਵਾਲੇ ਹਨ। ਇਨ੍ਹਾਂ ਤਿਉਹਾਰਾਂ ਵਿੱਚ ਲੋਕ ਸੋਨਾ ਖਰੀਦਦੇ ਹਨ।

ਜੇ ਤੁਸੀਂ ਵੀ ਇਸ ਤਿਉਹਾਰੀ ਸੀਜ਼ਨ 'ਚ ਸੋਨਾ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਅਸੀਂ ਤੁਹਾਨੂੰ ਸੋਨੇ 'ਚ ਨਿਵੇਸ਼ ਕਰਨ ਦੇ ਵੱਖ-ਵੱਖ ਤਰੀਕਿਆਂ ਬਾਰੇ ਦੱਸਣ ਜਾ ਰਹੇ ਹਾਂ।

ਅੱਜ-ਕੱਲ੍ਹ, ਭੌਤਿਕ ਸੋਨੇ ਤੋਂ ਇਲਾਵਾ, ਡਿਜੀਟਲ ਸੋਨੇ ਨੂੰ ਵੀ ਇੱਕ ਵਧੀਆ ਨਿਵੇਸ਼ ਵਿਕਲਪ ਮੰਨਿਆ ਜਾਂਦਾ ਹੈ। ਜੇ ਤੁਸੀਂ ਵੀ ਸੋਨਾ ਖਰੀਦਣ ਬਾਰੇ ਸੋਚ ਰਹੇ ਹੋ ਤਾਂ ਤੁਸੀਂ ਵੀ ਇਨ੍ਹਾਂ ਵਿਕਲਪਾਂ ਨੂੰ ਅਜ਼ਮਾ ਸਕਦੇ ਹੋ।

ਭਾਰਤ ਵਿੱਚ ਜ਼ਿਆਦਾਤਰ ਲੋਨ ਭੌਤਿਕ ਸੋਨਾ ਖਰੀਦਣ ਨੂੰ ਤਰਜੀਹ ਦਿੰਦੇ ਹਨ। ਤੁਸੀਂ ਇਸ ਤਿਉਹਾਰੀ ਸੀਜ਼ਨ 'ਚ ਕਿਸੇ ਵੀ ਗਹਿਣਿਆਂ ਦੀ ਦੁਕਾਨ 'ਤੇ ਜਾ ਕੇ ਸੋਨਾ ਖਰੀਦ ਸਕਦੇ ਹੋ। ਭੌਤਿਕ ਸੋਨਾ ਖਰੀਦਣ ਵੇਲੇ, ਸਿਰਫ ਹਾਲਮਾਰਕਿੰਗ ਦੇ ਨਿਯਮਾਂ ਨੂੰ ਧਿਆਨ ਵਿੱਚ ਰੱਖੋ।

ਸਾਵਰੇਨ ਗੋਲਡ ਬਾਂਡ (SGB) ਸਰਕਾਰ ਦੁਆਰਾ ਸਮੇਂ-ਸਮੇਂ 'ਤੇ ਜਾਰੀ ਕੀਤਾ ਜਾਂਦਾ ਹੈ, ਇਸ ਲਈ ਇਹ ਤੁਹਾਨੂੰ ਇੱਕ ਸੁਰੱਖਿਅਤ ਨਿਵੇਸ਼ ਦੀ ਗਰੰਟੀ ਦਿੰਦਾ ਹੈ।

ਇਸ ਸੋਨੇ ਵਿੱਚ ਨਿਵੇਸ਼ ਕਰਨ ਨਾਲ, ਤੁਹਾਨੂੰ ਵਿਆਜ ਸਮੇਤ ਸਾਲਾਨਾ ਬਿਹਤਰ ਰਿਟਰਨ ਮਿਲਦਾ ਹੈ। ਸਾਵਰੇਨ ਗੋਲਡ ਬਾਂਡ ਵਿੱਚ, ਗਾਹਕਾਂ ਨੂੰ 999 ਸ਼ੁੱਧਤਾ ਵਾਲਾ ਸੋਨਾ ਮਿਲਦਾ ਹੈ। ਇਸ 'ਚ ਤੁਹਾਨੂੰ 2.50 ਫੀਸਦੀ ਦੀ ਵਿਆਜ ਦਰ ਮਿਲਦੀ ਹੈ।

ਗੋਲਡ ਈਟੀਐਫ ਵਿੱਚ ਨਿਵੇਸ਼ ਕਰਨ ਵਾਲੇ ਲੋਕਾਂ ਦੀ ਗਿਣਤੀ ਵੀ ਬਹੁਤ ਤੇਜ਼ੀ ਨਾਲ ਵੱਧ ਰਹੀ ਹੈ। ਗੋਲਡ ETF ਇੱਕ ਨਿਵੇਸ਼ ਵਿਕਲਪ ਹੈ।

ਜਿਸ ਵਿੱਚ ਨਿਵੇਸ਼ਕਾਂ ਦਾ ਪੈਸਾ ਲੰਬੇ ਸਮੇਂ ਤੱਕ ਅਜਿਹੇ ETF ਵਿੱਚ ਨਿਵੇਸ਼ ਕੀਤਾ ਜਾਂਦਾ ਹੈ ਜੋ ਸੋਨੇ ਵਿੱਚ ਨਿਵੇਸ਼ ਕਰਦੇ ਹਨ। ਅਜਿਹੇ 'ਚ ਤੁਹਾਨੂੰ ਸੋਨੋ ਨੂੰ ਇਸ 'ਚ ਸਟੋਰ ਕਰਨ ਦਾ ਰਿਸਕ ਲੈਣ ਦੀ ਵੀ ਲੋੜ ਨਹੀਂ ਹੈ।

ਗੋਲਡ ਮਿਉਚੁਅਲ ਫੰਡ (Gold Mutual Fund) ਵਿੱਚ ਨਿਵੇਸ਼ ਕਰਨ ਵਾਲੇ ਲੋਕਾਂ ਦੀ ਗਿਣਤੀ ਵੀ ਲਗਾਤਾਰ ਵੱਧ ਰਹੀ ਹੈ। ਇਹ ਇੱਕ ਓਪਨ ਐਂਡਡ ਫੰਡ ਹੈ ਜਿਸਦਾ ਸ਼ੁੱਧ ਮੁੱਲ (NAV) ਗੋਲਡ ETF 'ਤੇ ਨਿਰਭਰ ਕਰਦਾ ਹੈ।