ਲੋਕ ਅਕਸਰ ਸਿਰਦਰਦ ਨੂੰ ਛੋਟੀ ਗੱਲ ਸਮਝ ਕੇ ਅਣਦੇਖਾ ਕਰ ਦਿੰਦੇ ਹਨ ਤੇ ਇਸਨੂੰ ਅੱਖਾਂ ਦੀ ਕਮਜ਼ੋਰੀ ਜਾਂ ਐਨਕ ਦੇ ਨੰਬਰ ਨਾਲ ਜੋੜ ਲੈਂਦੇ ਹਨ।

ਪਰ ਮਾਹਿਰਾਂ ਮੁਤਾਬਕ ਹਰ ਵਾਰ ਸਿਰਦਰਦ ਦਾ ਕਾਰਨ ਅੱਖਾਂ ਨਹੀਂ ਹੁੰਦੀਆਂ, ਕਈ ਵਾਰ ਇਹ ਸਰੀਰ ਵਿੱਚ ਵਿਟਾਮਿਨ-ਡੀ ਦੀ ਕਮੀ ਦਾ ਸੰਕੇਤ ਵੀ ਹੋ ਸਕਦਾ ਹੈ।

ਵਿਟਾਮਿਨ ਡੀ ਦੀ ਕਮੀ ਕਾਰਨ ਸਿਰਦਰਦ ਹੋ ਸਕਦਾ ਹੈ ਅਤੇ ਇਹ ਮਾਈਗ੍ਰੇਨ ਵਰਗੀ ਸਮੱਸਿਆ ਵੀ ਪੈਦਾ ਕਰ ਸਕਦੀ ਹੈ।

ਮਾਹਿਰ ਕਹਿੰਦੇ ਹਨ ਕਿ ਸਿਰਦਰਦ ਨੂੰ ਅਣਦੇਖਾ ਕਰਨਾ ਠੀਕ ਨਹੀਂ, ਕਿਉਂਕਿ ਇਹ ਅਕਸਰ ਵਿਟਾਮਿਨ ਡੀ ਦੀ ਕਮੀ ਦਾ ਪਹਿਲਾ ਸੰਕੇਤ ਹੋ ਸਕਦਾ ਹੈ।

ਵਿਟਾਮਿਨ ਡੀ ਦੀ ਕਮੀ ਸਿਰਫ਼ ਸਰੀਰ ਹੀ ਨਹੀਂ, ਸਗੋਂ ਮਾਨਸਿਕ ਸਿਹਤ ਨੂੰ ਵੀ ਪ੍ਰਭਾਵਿਤ ਕਰਦੀ ਹੈ।

ਇਸ ਨਾਲ ਤਣਾਅ, ਉਦਾਸੀ, ਚਿੜਚਿੜਾਪਣ ਅਤੇ ਥਕਾਵਟ ਜਿਹੇ ਲੱਛਣ ਆ ਸਕਦੇ ਹਨ। ਜੇ ਤੁਸੀਂ ਅਕਸਰ ਮਾਨਸਿਕ ਤੌਰ 'ਤੇ ਕਮਜ਼ੋਰ ਜਾਂ ਤਣਾਅ ਮਹਿਸੂਸ ਕਰਦੇ ਹੋ, ਤਾਂ ਇਹ ਵੀ ਵਿਟਾਮਿਨ ਡੀ ਦੀ ਕਮੀ ਦਾ ਸੰਕੇਤ ਹੋ ਸਕਦਾ ਹੈ।

ਇਹ ਵਾਲੇ ਸੁਪਰਫੂਡਸ ਨੂੰ ਆਪਣੀ ਖੁਰਾਕ 'ਚ ਕਰੋ ਸ਼ਾਮਲ- ਅੰਡੇ ਦੀ ਜ਼ਰਦੀ, ਚਰਬੀ ਵਾਲੀ ਮੱਛੀ ਜਿਵੇਂ ਸਾਲਮਨ ਤੇ ਮੈਕਰੇਲ, ਫੋਰਟੀਫਾਈਡ ਦੁੱਧ ਅਤੇ ਕੁਝ ਮਸ਼ਰੂਮ ਵਿਟਾਮਿਨ ਡੀ ਦੇ ਚੰਗੇ ਸਰੋਤ ਹਨ।

ਇਹਨਾਂ ਚੀਜ਼ਾਂ ਨੂੰ ਖੁਰਾਕ ਵਿੱਚ ਸ਼ਾਮਲ ਕਰਨ ਨਾਲ ਵਿਟਾਮਿਨ ਡੀ ਦੀ ਕਮੀ ਆਸਾਨੀ ਨਾਲ ਦੂਰ ਹੋ ਸਕਦੀ ਹੈ।

ਜੇਕਰ ਤੁਹਾਨੂੰ ਵਾਰ-ਵਾਰ ਸਿਰ ਦਰਦ, ਤਣਾਅ ਜਾਂ ਥਕਾਵਟ ਹੁੰਦੀ ਹੈ ਤਾਂ ਡਾਕਟਰ ਵਿਟਾਮਿਨ ਡੀ ਦੀ ਜਾਂਚ ਕਰਵਾਉਣ ਦੀ ਸਲਾਹ ਦਿੰਦੇ ਹਨ।

ਧੁੱਪ ਵਿੱਚ ਸਮਾਂ ਬਿਤਾਉਣਾ ਇਸਨੂੰ ਵਧਾਉਣ ਦਾ ਕੁਦਰਤੀ ਤਰੀਕਾ ਹੈ। ਪਰ ਖੁਰਾਕ ਬਦਲਣ ਜਾਂ ਸਪਲੀਮੈਂਟ ਲੈਣ ਤੋਂ ਪਹਿਲਾਂ ਮਾਹਰ ਦੀ ਸਲਾਹ ਲੈਣੀ ਚਾਹੀਦੀ ਹੈ।