ਕੈਂਸਰ ਦਾ ਖ਼ਤਰਾ ਮਰਦਾਂ ਅਤੇ ਔਰਤਾਂ ਦੋਵਾਂ ਵਿੱਚ ਵੱਖਰਾ ਹੁੰਦਾ ਹੈ ਤੇ ਇਹ ਸਿਰਫ਼ ਸਰੀਰ ਦੀ ਬਣਤਰ ਤੱਕ ਹੀ ਸੀਮਿਤ ਨਹੀਂ ਹੈ।

ਜੀਵਨ ਸ਼ੈਲੀ, ਹਾਰਮੋਨਲ ਪ੍ਰਭਾਵ, ਜੈਨੇਟਿਕ ਅਤੇ ਸਮਾਜਿਕ-ਆਰਥਿਕ ਕਾਰਨ ਵੀ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ।

ਭਾਰਤ ਵਿੱਚ ਕੈਂਸਰ ਦੇ ਮਾਮਲੇ ਲਗਾਤਾਰ ਵਧ ਰਹੇ ਹਨ। 2015 ਤੋਂ 2019 ਦੇ

ਦੌਰਾਨ ਲਗਭਗ 7.08 ਲੱਖ ਕੈਂਸਰ ਦੇ ਮਾਮਲੇ ਤੇ 2.06 ਲੱਖ ਮੌਤਾਂ ਦਰਜ ਕੀਤੀਆਂ ਗਈਆਂ।

ਮਾਹਿਰਾਂ ਦਾ ਮੰਨਣਾ ਹੈ ਕਿ ਸਾਲ 2024 ਵਿੱਚ, 15.6 ਲੱਖ ਨਵੇਂ ਕੈਂਸਰ ਮਰੀਜ਼ ਅਤੇ 8.74 ਲੱਖ ਮੌਤਾਂ ਹੋਣਗੀਆਂ।

ਭਾਰਤ ਵਿੱਚ, ਕੁੱਲ ਕੈਂਸਰ ਦੇ ਮਾਮਲਿਆਂ ਵਿੱਚੋਂ 51 ਪ੍ਰਤੀਸ਼ਤ ਔਰਤਾਂ ਹਨ, ਪਰ ਮੌਤ ਦਰ ਸਿਰਫ਼ 45 ਪ੍ਰਤੀਸ਼ਤ ਹੈ।

ਔਰਤਾਂ ਵਿੱਚ ਛਾਤੀ ਅਤੇ ਬੱਚੇਦਾਨੀ ਦੇ ਕੈਂਸਰ ਦੀ ਪਛਾਣ ਜਲਦੀ ਹੋ ਜਾਂਦੀ ਹੈ ਤੇ ਇਲਾਜ ਵੀ ਜਲਦੀ ਸ਼ੁਰੂ ਹੋ ਜਾਂਦਾ ਹੈ।

ਔਰਤਾਂ ਵਿੱਚ 40 ਪ੍ਰਤੀਸ਼ਤ ਕੈਂਸਰ ਦੇ ਮਾਮਲੇ ਇਨ੍ਹਾਂ ਦੋਵਾਂ ਬਿਮਾਰੀਆਂ ਨਾਲ ਸਬੰਧਤ ਹਨ।

ਹੁਣ ਮੂੰਹ ਦਾ ਕੈਂਸਰ ਮਰਦਾਂ ਵਿੱਚ ਸਭ ਤੋਂ ਵੱਧ ਪਾਇਆ ਜਾ ਰਿਹਾ ਹੈ, ਜੋ ਕਿ ਪਹਿਲਾਂ ਫੇਫੜਿਆਂ ਦੇ ਕੈਂਸਰ ਤੋਂ ਪਿੱਛੇ ਸੀ।

ਤੰਬਾਕੂ ਦੀ ਖਪਤ ਥੋੜ੍ਹੀ ਘੱਟ ਗਈ ਹੈ, ਪਰ ਸ਼ਰਾਬ ਪੀਣ ਦੀ ਆਦਤ ਵਧੀ ਹੈ, ਜਿਸ ਕਾਰਨ ਇਹ ਕੈਂਸਰ ਵਧਿਆ ਹੈ।