ਜ਼ਿਆਦਾ ਪਾਣੀ ਪੀਣ ਨਾਲ ਸਰੀਰ ’ਚ ਸੋਡੀਅਮ ਦੀ ਘਾਟ ਹੋ ਸਕਦੀ ਹੈ, ਜੋ ਦਿਮਾਗ ਅਤੇ ਹੋਰ ਅੰਗਾਂ ’ਤੇ ਬੁਰਾ ਅਸਰ ਪਾ ਸਕਦੀ ਹੈ। ਆਓ ਜਾਣਦੇ ਹਾਂ ਪਾਣੀ ਪੀਣ ਦੀ ਸਹੀ ਮਾਤਰਾ ਬਾਰੇ।

ਸਰੀਰ ’ਚ ਪਾਣੀ ਬਹੁਤ ਵੱਧ ਜਾਣ ਕਾਰਨ ਖੂਨ ’ਚ ਸੋਡੀਅਮ ਦੀ ਮਾਤਰਾ ਘੱਟ ਹੋ ਜਾਂਦੀ ਹੈ, ਜਿਸ ਨਾਲ ਸੈਲਜ਼ ਸੋਜ ਜਾਂਦੀਆਂ ਹਨ।

ਦਿਮਾਗ ਦੇ ਸੈਲਜ਼ ਵੀ ਸੁੱਜਣ ਲੱਗਦੇ ਹਨ, ਜਿਸ ਨਾਲ ਚੱਕਰ, ਉਲਟੀ, ਬੇਹੋਸ਼ੀ ਜਾਂ ਗੰਭੀਰ ਮਾਮਲਿਆਂ ’ਚ ਕੋਮਾ ਵੀ ਆ ਸਕਦਾ ਹੈ।

ਗੁਰਦੇ ਇਕ ਸਮੇਂ 'ਚ ਇਕ ਨਿਸ਼ਚਿਤ ਮਾਤਰਾ ਤੋਂ ਵੱਧ ਪਾਣੀ ਨੂੰ ਫਿਲਟਰ ਨਹੀਂ ਕਰ ਸਕਦੇ। ਵੱਧ ਪਾਣੀ ਪੀਣ ਨਾਲ ਉਨ੍ਹਾਂ ’ਤੇ ਦਬਾਅ ਪੈਂਦਾ ਹੈ।

ਸਰੀਰ ’ਚ ਸੋਡੀਅਮ, ਪੋਟੈਸ਼ੀਅਮ ਆਦਿ ਦੀ ਸੰਤੁਲਨ ਗੜਬੜ ਹੋ ਜਾਂਦੀ ਹੈ ਜੋ ਦਿਲ ਦੀ ਧੜਕਣ, ਮਾਸਪੇਸ਼ੀਆਂ ਤੇ ਨਰਵ ਸਿਸਟਮ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ।

ਹਰ ਇਨਸਾਨ ਨੂੰ ਰੋਜ਼ 2–3 ਲੀਟਰ ਪਾਣੀ ਦੀ ਲੋੜ ਹੁੰਦੀ ਹੈ, ਪਰ ਇਹ ਮਾਤਰਾ ਉਮਰ, ਲਿੰਗ, ਮੌਸਮ, ਅਤੇ ਸਰੀਰਕ ਗਤਿਵਿਧੀਆਂ ਦੇ ਅਨੁਸਾਰ ਵੱਖਰੀ ਹੋ ਸਕਦੀ ਹੈ।

ਪਿਆਸ ਲੱਗਣ 'ਤੇ ਪਾਣੀ ਪੀਣਾ ਸਭ ਤੋਂ ਵਧੀਆ ਸੰਕੇਤ ਹੁੰਦਾ ਹੈ।

ਪਿਸ਼ਾਬ ਦਾ ਰੰਗ ਹਲਕਾ ਪੀਲਾ ਹੋਣਾ ਚੰਗੀ ਹਾਈਡ੍ਰੇਸ਼ਨ ਦੀ ਨਿਸ਼ਾਨੀ ਹੁੰਦੀ ਹੈ।