ਡੇਂਗੂ ਇੱਕ ਖਤਰਨਾਕ ਵਾਇਰਸ ਹੈ ਜੋ ਮੱਛਰਾਂ ਦੇ ਕੱਟਣ ਨਾਲ ਫੈਲਦਾ ਹੈ। ਇਸ ਦੇ ਲੱਛਣਾਂ ਵਿੱਚ ਤੇਜ਼ ਬੁਖਾਰ, ਸਿਰ ਦਰਦ, ਮਾਸਪੇਸ਼ੀਆਂ ਵਿੱਚ ਦਰਦ ਅਤੇ ਚਮੜੀ ’ਤੇ ਲਾਲ ਧੱਬੇ ਸ਼ਾਮਲ ਹਨ।

ਇਹ ਬੁਖ਼ਾਰ ਸਰੀਰ ਨੂੰ ਕਾਫ਼ੀ ਨੁਕਸਾਨ ਪਹੁੰਚਾ ਸਕਦਾ ਹੈ ਅਤੇ ਸਮੇਂ ਸਿਰ ਇਲਾਜ ਨਾ ਹੋਣ ਤੇ ਗੰਭੀਰ ਰੂਪ ਧਾਰਨ ਕਰ ਸਕਦਾ ਹੈ। ਇਸ ਤੋਂ ਬਚਣ ਲਈ ਸਾਵਧਾਨੀਆਂ ਵਰਤਣੀਆਂ ਜ਼ਰੂਰੀ ਹਨ।

ਘਰ ਦੇ ਆਲੇ-ਦੁਆਲੇ ਖੜ੍ਹਾ ਪਾਣੀ ਨਾ ਇਕੱਠਾ ਹੋਣ ਦਿਓ। ਘਰ ਦੇ ਆਲੇ-ਦੁਆਲੇ ਖੜ੍ਹੇ ਪਾਣੀ ਨੂੰ ਹਟਾਓ ਜ਼ਰੂਰੀ ਹੈ, ਕਿਉਂਕਿ ਮੱਛਰ ਇਸ ਵਿੱਚ ਹੀ ਅੰਡੇ ਦਿੰਦੇ ਹਨ।

ਹਫ਼ਤੇ ਵਿੱਚ ਇੱਕ ਵਾਰ ਟੈਂਕੀ, ਕੂਲਰ, ਗਮਲੇ ਆਦਿ ਨੂੰ ਸਾਫ਼ ਕਰੋ।

ਪੂਰੇ ਕੱਪੜੇ ਪਾਓ: ਲੰਬੀਆਂ ਬਾਹੀਆਂ ਵਾਲੇ ਕੱਪੜੇ ਅਤੇ ਪੂਰੀ ਲੰਬਾਈ ਵਾਲੀਆਂ ਪੈਂਟਾਂ ਪਹਿਨੋ ਤਾਂ ਜੋ ਮੱਛਰ ਨਾ ਕੱਟ ਸਕਣ।

ਮੱਛਰਦਾਨੀ ਦੀ ਵਰਤੋਂ: ਰਾਤ ਨੂੰ ਸੌਂਦੇ ਸਮੇਂ ਮੱਛਰਦਾਨੀ ਜਾਂ ਮੱਛਰ ਭਜਾਉਣ ਵਾਲੇ ਉਪਕਰਣ ਵਰਤੋਂ।

ਮੱਛਰ ਭਜਾਉਣ ਵਾਲੀਆਂ ਕਰੀਮਾਂ: ਬਾਹਰ ਜਾਣ ਸਮੇਂ ਸਰੀਰ ’ਤੇ ਮੱਛਰ ਭਜਾਉਣ ਵਾਲੀਆਂ ਕਰੀਮਾਂ ਲਗਾਓ।

ਧੂੰਆਂ ਕਰੋ: ਮੱਛਰਾਂ ਨੂੰ ਦੂਰ ਰੱਖਣ ਲਈ ਸਮੇਂ-ਸਮੇਂ ’ਤੇ ਘਰ ਵਿੱਚ ਧੂੰਆਂ ਕਰੋ।

ਸਰਕਾਰੀ ਅਧਿਕਾਰੀਆਂ ਵੱਲੋਂ ਕੀਤੇ ਜਾਣ ਵਾਲੇ ਮੱਛਰ ਨਿਯੰਤਰਣ ਸਪਰੇਅ ਦਾ ਸਹਿਯੋਗ ਕਰੋ।

ਜੇ ਬੁਖ਼ਾਰ, ਦਰਦ, ਖੂਨ ਦੀ ਘਾਟ ਜਾਂ ਚੱਕਰ ਆਉਣ ਦੀ ਸ਼ਿਕਾਇਤ ਹੋਵੇ ਤਾਂ ਤੁਰੰਤ ਡਾਕਟਰ ਨੂੰ ਦਿਖਾਓ।