ਦੀਵਾਲੀ ਖੁਸ਼ੀਆਂ ਅਤੇ ਰੌਸ਼ਨੀ ਦਾ ਤਿਉਹਾਰ ਹੈ, ਪਰ ਪਟਾਕਿਆਂ ਦਾ ਧੂੰਆਂ, ਧੂੜ ਅਤੇ ਰਸਾਇਣਕ ਕਣ ਸਿਹਤ ਲਈ ਖਤਰਾ ਬਣ ਸਕਦੇ ਹਨ।

ਡਾਕਟਰਾਂ ਨੇ ਅੱਖਾਂ, ਚਮੜੀ ਅਤੇ ਫੇਫੜਿਆਂ ਦੀ ਸੁਰੱਖਿਆ ਲਈ ਚੇਤਾਵਨੀ ਦਿੱਤੀ ਹੈ। ਥੋੜ੍ਹੀ ਸਾਵਧਾਨੀ ਨਾਲ ਤੁਸੀਂ ਤਿਉਹਾਰ ਦਾ ਆਨੰਦ ਸੁਰੱਖਿਅਤ ਤਰੀਕੇ ਨਾਲ ਲੈ ਸਕਦੇ ਹੋ।

ਅੱਖਾਂ ਦਾ ਖ਼ਿਆਲ ਰੱਖੋ: ਪਟਾਕਿਆਂ ਦਾ ਧੂੰਆਂ ਅਤੇ ਧੂੜ ਅੱਖਾਂ 'ਚ ਜਲਣ, ਖੁਜਲੀ ਅਤੇ ਲਾਲੀ ਪੈਦਾ ਕਰ ਸਕਦੇ ਹਨ। ਡਾਕਟਰਾਂ ਦੀ ਸਲਾਹ ਹੈ ਕਿ ਸੁਰੱਖਿਆ ਚਸ਼ਮਾ ਪਹਿਨੋ ਅਤੇ ਬੱਚਿਆਂ ਨੂੰ ਪਟਾਕਿਆਂ ਦੇ ਨੇੜੇ ਨਾ ਜਾਣ ਦਿਓ।

ਚਮੜੀ ਦੀ ਸੁਰੱਖਿਆ: ਧੂੜ, ਧੂੰਆਂ ਅਤੇ ਪਟਾਕਿਆਂ ਦੇ ਰਸਾਇਣ ਚਮੜੀ 'ਤੇ ਖੁਜਲੀ, ਰੈਸ਼ ਜਾਂ ਜਲਣ ਪੈਦਾ ਕਰ ਸਕਦੇ ਹਨ।

ਬਚਾਅ ਲਈ, ਘਰ ਤੋਂ ਬਾਹਰ ਜਾਣ ਤੋਂ ਪਹਿਲਾਂ ਮੌਇਸਚਰਾਈਜ਼ਰ ਲਗਾਓ ਅਤੇ ਪਟਾਕਿਆਂ ਦੇ ਬਾਅਦ ਚਮੜੀ ਨੂੰ ਸਾਬਣ ਤੇ ਪਾਣੀ ਨਾਲ ਧੋਵੋ।

ਫੇਫੜਿਆਂ ਦੀ ਸੁਰੱਖਿਆ: ਪਟਾਕਿਆਂ ਦੇ ਧੂੰਆਂ ਵਿੱਚ ਮੌਜੂਦ PM 2.5 ਅਤੇ PM 10 ਕਣ ਫੇਫੜਿਆਂ ਵਿੱਚ ਜਾ ਸਕਦੇ ਹਨ। ਇਸ ਨਾਲ ਸਾਹ ਲੈਣ ਵਿੱਚ ਮੁਸ਼ਕਿਲ, ਅਸਥਮਾ ਜਾਂ ਅਲਰਜੀ ਹੋ ਸਕਦੀ ਹੈ।

ਡਾਕਟਰਾਂ ਦੀ ਸਲਾਹ: ਮਾਸਕ ਪਹਿਨੋ, ਬੱਚਿਆਂ ਅਤੇ ਬਜ਼ੁਰਗਾਂ ਨੂੰ ਧੂੰਏਂ ਤੋਂ ਦੂਰ ਰੱਖੋ।

ਘਰ ਵਿੱਚ ਏਅਰ ਪਿਊਰੀਫਾਇਰ ਜਾਂ ਤੁਲਸੀ ਦੇ ਪੌਦੇ ਰੱਖੋ। ਜੇ ਸਾਹ ਲੈਣ ਵਿੱਚ ਮੁਸ਼ਕਿਲ ਹੋਵੇ, ਤਾਂ ਤੁਰੰਤ ਡਾਕਟਰ ਨਾਲ ਸੰਪਰਕ ਕਰੋ।

ਸੁਰੱਖਿਅਤ ਦੀਵਾਲੀ ਲਈ: ਧੂੰਏਂ ਵਾਲੇ ਪਟਾਕੇ ਘੱਟ ਵਰਤੋ, ਬੱਚਿਆਂ ਨੂੰ ਪਟਾਕਿਆਂ ਤੋਂ ਦੂਰ ਰੱਖੋ।

ਘਰ ਦੇ ਅੰਦਰ ਹੀ ਦੀਵਾ ਅਤੇ ਰੌਸ਼ਨੀ ਦਾ ਆਨੰਦ ਲਓ।

ਹੱਥ ਤੇ ਚਿਹਰਾ ਸਮੇਂ-ਸਮੇਂ ਧੋਵੋ ਅਤੇ ਸਰੀਰ ਨੂੰ ਸਿਹਤਮੰਦ ਰੱਖਣ ਲਈ ਪਾਣੀ ਪੀਓ ਤੇ ਸੰਤੁਲਿਤ ਭੋਜਨ ਕਰੋ।