ਆਇਸਕਰੀਮ ਬੱਚਿਆਂ ਤੋਂ ਲੈ ਕੇ ਵੱਡਿਆਂ ਤੱਕ ਸਭ ਨੂੰ ਖੂਬ ਪਸੰਦ ਹੁੰਦੀ ਹੈ। ਗਰਮੀਆਂ ਦੇ ਵਿੱਚ ਹਰ ਕੋਈ ਇਸ ਨੂੰ ਬਹੁਤ ਹੀ ਚਾਅ ਦੇ ਨਾਲ ਖਾਂਦਾ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਸ ਦੀ ਵਧੇਰੇ ਮਾਤਰਾ ਤੁਹਾਡੀ ਸਿਹਤ ਲਈ ਹਾਨੀਕਾਰਕ ਹੋ ਸਕਦੀ ਹੈ?

ਆਇਸਕਰੀਮ ’ਚ ਵਧੇਰੇ ਖੰਡ, ਚਰਬੀ, ਪ੍ਰੈਜ਼ਰਵੇਟਿਵ ਅਤੇ ਨਕਲੀ ਰੰਗ ਹੁੰਦੇ ਹਨ ਜੋ ਕਿ ਮੋਟਾਪਾ, ਡਾਇਬਟੀਜ਼, ਦਿਲ ਦੀਆਂ ਬਿਮਾਰੀਆਂ, ਦੰਦਾਂ ਦੀ ਸਮੱਸਿਆ ਅਤੇ ਹਾਜ਼ਮੇ ਦੀ ਗੜਬੜ ਪੈਦਾ ਕਰ ਸਕਦੇ ਹਨ।

Ice Cream ’ਚ ਮੌਜੂਦ ਟਰਾਂਸ ਫੈਟ ਅਤੇ ਕੋਲੈਸਟਰੋਲ ਹਾਈ ਬਲੱਡ ਪ੍ਰੈਸ਼ਰ ਅਤੇ ਹਾਰਟ ਡਿਜੀਜ਼ ਦਾ ਖਤਰਾ ਵਧਾ ਸਕਦੇ ਹਨ।

ਜ਼ਿਆਦਾ ਪ੍ਰੋਸੈਸਡ ਫੈਟ ਖਾਣ ਨਾਲ ਧਮਨੀਆਂ ਬੰਦ ਹੋਣ ਦੀ ਸੰਭਾਵਨਾ ਰਹਿੰਦੀ ਹੈ।

ਬਹੁਤ ਸਾਰੇ ਲੋਕ ਲੈਕਟੋਜ਼ ਇੰਟਾਲਰੈਂਟ ਹੁੰਦੇ ਹਨ, ਜਿਨ੍ਹਾਂ ਨੂੰ ਦੁੱਧ ਜਾਂ ਦੁੱਧ ਤੋਂ ਬਣੇ ਪਦਾਰਥ ਪਚਾਉਣ ’ਚ ਦਿੱਕਤ ਆਉਂਦੀ ਹੈ। ਇਸ ਦੇ ਸੇਵਨ ਨਾਲ ਕਬਜ਼, ਗੈਸ, ਦਸਤ ਅਤੇ ਪੇਟ ਦਰਦ ਹੋ ਸਕਦੇ ਹਨ।

ਆਇਸਕਰੀਮ ਖਾਣ ਨਾਲ ਗਲੇ ’ਚ ਖੰਘ, ਜੁਕਾਮ ਅਤੇ ਇੰਫੈਕਸ਼ਨ ਹੋਣ ਦੀ ਸੰਭਾਵਨਾ ਵਧ ਜਾਂਦੀ ਹੈ।

ਖਾਸ ਕਰਕੇ ਬੱਚਿਆਂ ਅਤੇ ਕਮਜ਼ੋਰ ਇਮਿਊਨਿਟੀ ਵਾਲੇ ਵਿਅਕਤੀਆਂ ਲਈ ਇਹ ਹਾਨੀਕਾਰਕ ਹੋ ਸਕਦੀ ਹੈ।

ਆਇਸਕਰੀਮ ’ਚ ਬਹੁਤ ਸਾਰੀ ਖੰਡ ਹੁੰਦੀ ਹੈ, ਜੋ ਖੂਨ ’ਚ ਸ਼ੁਗਰ ਲੈਵਲ ਨੂੰ ਵਧਾ ਸਕਦੀ ਹੈ।

ਆਇਸਕਰੀਮ ’ਚ ਵੱਧ ਕੈਲੋਰੀ ਅਤੇ ਸੈਚੁਰੇਟਿਡ ਚਰਬੀ ਹੁੰਦੀ ਹੈ, ਜੋ ਮੋਟਾਪਾ ਵਧਾਉਣ ’ਚ ਅਹਿਮ ਭੂਮਿਕਾ ਨਿਭਾਉਂਦੀ ਹੈ।

ਜੇਕਰ ਤੁਸੀਂ ਨਿਯਮਤ ਤੌਰ 'ਤੇ ਆਇਸਕਰੀਮ ਖਾਂਦੇ ਹੋ, ਤਾਂ ਇਹ ਬੇਲੀ ਫੈਟ ਵਧਾ ਸਕਦੀ ਹੈ।