ਅੱਜਕੱਲ ਲੋਕ ਰੁਝੇਵਿਆਂ ਕਾਰਨ ਕੁਦਰਤ ਤੋਂ ਦੂਰ ਹੋ ਗਏ ਹਨ, ਜਿਸ ਨਾਲ ਉਨ੍ਹਾਂ ਦੀ ਸਿਹਤ ਵੀ ਪ੍ਰਭਾਵਿਤ ਹੋ ਰਹੀ ਹੈ।

ਸਭ ਤੋਂ ਪਹਿਲਾ ਅਸਰ ਨੀਂਦ 'ਤੇ ਪੈਂਦਾ ਹੈ। ਜੇਕਰ ਤੁਸੀਂ 7 ਘੰਟਿਆਂ ਤੋਂ ਘੱਟ ਨੀਂਦ ਲੈਂਦੇ ਹੋ ਤਾਂ ਇਹ ਬੀਪੀ, ਸ਼ੂਗਰ, ਥਾਇਰਾਇਡ ਅਤੇ ਕੋਲੈਸਟ੍ਰੋਲ ਨੂੰ ਅਸੰਤੁਲਿਤ ਕਰ ਸਕਦਾ ਹੈ।

ਅਧਿਐਨ ਮੁਤਾਬਕ, ਇਨ੍ਹਾਂ ਹਾਲਾਤਾਂ ਨਾਲ ਮੌਤ ਦਾ ਖ਼ਤਰਾ ਵੀ 14% ਤੱਕ ਵੱਧ ਜਾਂਦਾ ਹੈ।

9 ਘੰਟੇ ਤੋਂ ਵੱਧ ਨੀਂਦ ਲੈਣਾ ਵੀ ਘਾਤਕ ਸਾਬਤ ਹੋ ਸਕਦਾ ਹੈ, ਕਿਉਂਕਿ ਇਸ ਨਾਲ ਮੌਤ ਦਾ ਖ਼ਤਰਾ 34% ਵੱਧ ਜਾਂਦਾ ਹੈ।

ਇਹ ਸਾਬਤ ਕਰਦਾ ਹੈ ਕਿ ਹਰ ਚੀਜ਼ ਦੀ ਅਤਿ ਨੁਕਸਾਨਦਾਇਕ ਹੋ ਸਕਦੀ ਹੈ, ਭਾਵੇਂ ਉਹ ਨੀਂਦ ਹੀ ਕਿਉਂ ਨਾ ਹੋਵੇ। ਇਸ ਲਈ, ਸਮੇਂ ਸਿਰ ਸੌਣ ਅਤੇ ਉੱਠਣ ਦੀ ਆਦਤ ਬਣਾਓ। ਰੋਜ਼ਾਨਾ ਯੋਗਾ ਤੇ ਪ੍ਰਾਣਾਯਾਮ ਕਰੋ, ਜਿਸ ਨਾਲ ਸਿਹਤ ਵਿੱਚ ਹੌਲੀ-ਹੌਲੀ ਸੁਧਾਰ ਆਵੇਗਾ।

ਨੀਂਦ ਦੀ ਗੁਣਵੱਤਾ ਤੁਹਾਡੀ ਸਿਹਤ ਨਾਲ ਸਿੱਧੀ ਤੌਰ 'ਤੇ ਜੁੜੀ ਹੋਈ ਹੈ। ਘੱਟ ਜਾਂ ਵੱਧ ਨੀਂਦ ਦੋਵੇਂ ਹਾਨੀਕਾਰਕ ਹਨ।

ਅੰਕੜਿਆਂ ਮੁਤਾਬਕ 58% ਲੋਕ ਰਾਤ 11 ਵਜੇ ਤੋਂ ਬਾਅਦ ਸੌਂਦੇ ਹਨ ਅਤੇ 88% ਲੋਕ ਰਾਤ ਦੌਰਾਨ ਕਈ ਵਾਰੀ ਜਾਗਦੇ ਹਨ।

ਦੇਸ਼ ਵਿੱਚ ਹਰ ਚੌਥਾ ਵਿਅਕਤੀ ਇਨਸੌਮਨੀਆ ਦੀ ਸਮੱਸਿਆ ਨਾਲ ਜੂਝ ਰਿਹਾ ਹੈ, ਜਦਕਿ ਸਿਰਫ਼ 35% ਲੋਕ ਹੀ ਪੂਰੀ 8 ਘੰਟਿਆਂ ਦੀ ਨੀਂਦ ਲੈ ਪਾਉਂਦੇ ਹਨ।

ਨੀਂਦ ਦੀ ਘਾਟ ਸਰੀਰ ਅਤੇ ਮਨ ਦੋਹਾਂ 'ਤੇ ਗੰਭੀਰ ਅਸਰ ਪਾਂਦੀ ਹੈ। 18 ਘੰਟੇ ਬਿਨਾਂ ਨੀਂਦ ਦਿੰਦੇ ਹੋਏ ਹਾਈ ਬਲੱਡ ਪ੍ਰੈਸ਼ਰ ਅਤੇ ਦਿਲ 'ਤੇ ਦਬਾਅ ਵਧਦਾ ਹੈ।

24 ਘੰਟਿਆਂ ਬਾਅਦ ਚਿੜਚਿੜਾਪਣ ਅਤੇ ਆਲਸ ਹੋਣ ਲੱਗਦਾ ਹੈ। 36 ਘੰਟਿਆਂ ਬਾਅਦ ਧਿਆਨ ਕੇਂਦਰਤ ਕਰਨਾ ਔਖਾ ਹੋ ਜਾਂਦਾ ਹੈ।

48 ਘੰਟਿਆਂ ਤੱਕ ਨੀਂਦ ਨਾ ਆਉਣ ਨਾਲ ਤਣਾਅ, ਗੁੱਸਾ ਅਤੇ ਮਾਨਸਿਕ ਬੇਚੈਨੀ ਵਧਦੀ ਹੈ। 48 ਘੰਟਿਆਂ ਤੋਂ ਵੱਧ ਨੀਂਦ ਨਾ ਲੈਣ ਵਾਲਿਆਂ ਵਿੱਚ ਨਕਾਰਾਤਮਕ ਸੋਚ ਅਤੇ ਭਰਮ ਜਿਵੇਂ ਲੱਛਣ ਨਜ਼ਰ ਆਉਂਦੇ ਹਨ।