ਅਕਸਰ ਲੋਕ ਸਵੇਰੇ ਉੱਠਦਿਆਂ ਹੀ ਚਾਹ ਜਾਂ ਕੌਫੀ ਪੀ ਲੈਂਦੇ ਹਨ। ਕਈ ਲੋਕ ਇਸ ਨੂੰ ਪੇਟ ਸਾਫ਼ ਕਰਨ ਲਈ ਮੰਨਦੇ ਹਨ। ਪਰ ਡਾਕਟਰਾਂ ਦੇ ਮੁਤਾਬਕ, ਇਹ ਆਦਤ ਲੰਬੇ ਸਮੇਂ ਵਿੱਚ ਅੰਤੜੀਆਂ ਲਈ ਨੁਕਸਾਨਦਾਇਕ ਹੋ ਸਕਦੀ ਹੈ।

ਲੋਕ ਸਵੇਰੇ ਚਾਹ ਜਾਂ ਕੌਫੀ ਇਸ ਲਈ ਪੀਦੇ ਹਨ ਕਿਉਂਕਿ ਇਸ 'ਚ ਮੌਜੂਦ ਕੈਫੀਨ ਅੰਤੜੀਆਂ ਦੀ ਗਤੀ ਤੇਜ਼ ਕਰ ਦਿੰਦੀ ਹੈ। ਇਸ ਨਾਲ ਪੇਟ ਤੁਰੰਤ ਸਾਫ਼ ਹੋ ਜਾਂਦਾ ਹੈ, ਪਰ ਲੰਬੇ ਸਮੇਂ ਇਹ ਆਦਤ ਨਿਰਭਰਤਾ ਬਣਾਉਂਦੀ ਹੈ।

ਅੰਤੜੀਆਂ ਦੀ ਕੁਦਰਤੀ ਗਤੀ ਘਟ ਜਾਂਦੀ ਹੈ।

ਸਰੀਰ ਆਪਣਾ ਪੇਟ ਸਾਫ਼ ਕਰਨ ਦੀ ਸਮਰੱਥਾ ਗੁਆ ਬੈਠਦਾ ਹੈ।

ਲੰਬੇ ਸਮੇਂ ਇਹ ਆਦਤ ਕ੍ਰਾਨਿਕ ਕਬਜ਼ ਦਾ ਕਾਰਨ ਬਣ ਸਕਦੀ ਹੈ।

ਕੈਫੀਨ ਇਕ ਡਾਇਯੂਰੇਟਿਕ ਹੈ, ਜੋ ਸਰੀਰ ਤੋਂ ਪਾਣੀ ਕੱਢ ਦਿੰਦੀ ਹੈ, ਜਿਸ ਨਾਲ ਐਸਿਡਿਟੀ, ਗੈਸ ਅਤੇ ਹਾਰਟਬਰਨ ਵੱਧ ਸਕਦੇ ਹਨ।

ਡਾਕਟਰਾਂ ਦੇ ਮੁਤਾਬਕ, ਰੋਜ਼ਾਨਾ ਕੈਫੀਨ ਲੈਣ ਨਾਲ ਅੰਤੜੀਆਂ ਇਸਦੀ ਆਦਤ ਬਣਾਉ ਲੈਂਦੀਆਂ ਹਨ ਅਤੇ ਬਿਨਾਂ ਚਾਹ ਜਾਂ ਕੌਫੀ ਦੇ ਸਹੀ ਤਰੀਕੇ ਨਾਲ ਕੰਮ ਨਹੀਂ ਕਰਦੀਆਂ।

ਸਵੇਰੇ ਕੈਫੀਨ ਲੈਣ ਨਾਲ ਕੋਰਟਿਸੋਲ ਹਾਰਮੋਨ ਦਾ ਸੰਤੁਲਨ ਵੀ ਖਰਾਬ ਹੁੰਦਾ ਹੈ, ਜਿਸ ਨਾਲ ਦਿਨ ਭਰ ਬੇਚੈਨੀ ਜਾਂ ਥਕਾਵਟ ਹੋ ਸਕਦੀ ਹੈ।

ਸਵੇਰੇ ਕੋਸਾ ਪਾਣੀ ਜਾਂ ਨਿੰਬੂ ਪਾਣੀ ਪੀਣਾ ਸ਼ੁਰੂ ਕਰੋ। ਨਿਯਮਿਤ ਸਮੇਂ ਟਾਇਲਟ ਜਾਣ ਦੀ ਆਦਤ ਬਣਾਓ।

ਰੋਜ਼ਾਨਾ ਕਸਰਤ ਅਤੇ ਯੋਗ ਕਰੋ, ਖਾਸ ਕਰਕੇ ਪਵਨਮੁਕਤਾਸਨ ਤੇ ਮਾਲਾਸਨ, ਜੋ ਅੰਤੜੀਆਂ ਨੂੰ ਕੁਦਰਤੀ ਤੌਰ 'ਤੇ ਸਰਗਰਮ ਕਰਦੇ ਹਨ।