ਸਟ੍ਰੈੱਸ ਅੱਜਕੱਲ੍ਹ ਜੀਵਨ ਦਾ ਇੱਕ ਆਮ ਹਿੱਸਾ ਬਣ ਗਿਆ ਹੈ। ਕੰਮ ਦਾ ਦਬਾਅ, ਪੈਸਿਆਂ ਦੀ ਚਿੰਤਾ ਜਾਂ ਨਿੱਜੀ ਮੁੱਦੇ ਸਟ੍ਰੈੱਸ ਵਧਾਉਂਦੇ ਹਨ।

ਜ਼ਿਆਦਾਤਰ ਲੋਕ ਜਾਣਦੇ ਹਨ ਕਿ ਸਟ੍ਰੈੱਸ ਦਿਲ, ਦਿਮਾਗ ਅਤੇ ਪਾਚਣ ਤੰਤਰ ਨੂੰ ਪ੍ਰਭਾਵਿਤ ਕਰਦਾ ਹੈ, ਪਰ ਇਹ ਤੁਹਾਡੀਆਂ ਕਿਡਨੀਆਂ 'ਤੇ ਵੀ ਨੁਕਸਾਨ ਪਹੁੰਚਾ ਸਕਦਾ ਹੈ।

ਸਟ੍ਰੈੱਸ ਤੁਹਾਡੀਆਂ ਕਿਡਨੀਆਂ 'ਤੇ ਨਕਾਰਾਤਮਕ ਅਸਰ ਪਾਉਂਦਾ ਹੈ।

ਇਹ ਬਲੱਡ ਪ੍ਰੈਸ਼ਰ ਵਧਾ ਸਕਦਾ ਹੈ, ਸੋਜ਼ਿਸ਼ ਪੈਦਾ ਕਰ ਸਕਦਾ ਹੈ ਅਤੇ ਹਾਰਮੋਨਲ ਸੰਤੁਲਨ ਨੂੰ ਵਿਗਾੜ ਸਕਦਾ ਹੈ।

ਸਮੇਂ ਨਾਲ ਇਹ ਕਿਡਨੀ ਦੀਆਂ ਬਿਮਾਰੀਆਂ ਵਧਾ ਸਕਦਾ ਹੈ ਜਾਂ ਮੌਜੂਦਾ ਸਮੱਸਿਆਵਾਂ ਨੂੰ ਹੋਰ ਭਾਰੀ ਕਰ ਸਕਦਾ ਹੈ।

ਜਦੋਂ ਤੁਸੀਂ ਤਣਾਅ ਮਹਿਸੂਸ ਕਰਦੇ ਹੋ, ਸਰੀਰ ਕੋਰਟੀਸੋਲ ਤੇ ਐਡ੍ਰੇਨਾਲਾਈਨ ਹਾਰਮੋਨ ਛੱਡਦਾ ਹੈ। ਲੰਬੇ ਸਮੇਂ ਤੱਕ ਇਹ ਹਾਰਮੋਨਜ਼ ਬਲੱਡ ਪ੍ਰੈਸ਼ਰ ਅਤੇ ਬਲੱਡ ਸ਼ੂਗਰ ਵਧਾ ਸਕਦੇ ਹਨ, ਜੋ ਕਿਡਨੀ ਦੀਆਂ ਬਿਮਾਰੀਆਂ ਦਾ ਮੁੱਖ ਖਤਰਾ ਬਣਦੇ ਹਨ।

ਕ੍ਰੋਨਿਕ ਸਟ੍ਰੈੱਸ ਇਮਿਊਨਿਟੀ ਕਮਜ਼ੋਰ ਕਰਦਾ ਹੈ ਅਤੇ ਸੋਜ਼ਿਸ਼ ਵਧਾਉਂਦਾ ਹੈ, ਜਿਸ ਨਾਲ ਕਿਡਨੀ 'ਚ ਇਨਫੈਕਸ਼ਨ ਹੋ ਸਕਦਾ ਹੈ।

ਇਹ ਅਕਸਰ ਖਰਾਬ ਡਾਈਟ, ਘੱਟ ਕਸਰਤ ਅਤੇ ਸਹੀ ਹਾਈਡਰੇਸ਼ਨ ਨਾ ਹੋਣ ਵਰਗੀ ਅਣਹੈਲਥੀ ਆਦਤਾਂ ਵੀ ਪੈਦਾ ਕਰਦਾ ਹੈ, ਜੋ ਕਿਡਨੀ ਲਈ ਨੁਕਸਾਨਦਾਇਕ ਹਨ।

ਸਟ੍ਰੈੱਸ ਹਾਈ ਬਲੱਡ ਪ੍ਰੈਸ਼ਰ ਤੇ ਡਾਇਬੀਟੀਜ਼ ਵਰਗੀਆਂ ਹਾਲਤਾਂ ਨਾਲ ਜੁੜਿਆ ਹੋਇਆ ਹੈ, ਜੋ ਕਿ ਕਿਡਨੀ ਫੇਲ੍ਹ ਹੋਣ ਦੇ ਦੋ ਮੁੱਖ ਕਾਰਨ ਹਨ।

ਕਿਡਨੀ 'ਤੇ ਸਟ੍ਰੈੱਸ ਹੋਣ ਦੇ ਨਿਸ਼ਾਨ: ਥਕਾਵਟ ਅਤੇ ਇਕਾਗਰਤਾ ਘਟਣਾ, ਅੱਡੀਆਂ ਜਾਂ ਹੱਥ-ਪੈਰਾਂ 'ਚ ਸੋਜ਼ਿਸ਼, ਰਾਤ ਨੂੰ ਵਾਰ-ਵਾਰ ਪਿਸ਼ਾਬ, ਯੂਰਿਨ ਵਿੱਚ ਖੂਨ ਜਾਂ ਝੱਗਦਾਰ ਪਿਸ਼ਾਬ, ਤੇ ਹਾਈ ਬਲੱਡ ਪ੍ਰੈਸ਼ਰ ਨਾਲ ਸਿਰਦਰਦ।