ਟਮਾਟਰ ਸਾਡੀ ਸਿਹਤ ਲਈ ਫਾਇਦੇਮੰਦ ਮੰਨੇ ਜਾਂਦੇ ਹਨ। ਇਨ੍ਹਾਂ ਵਿੱਚ ਵਿਟਾਮਿਨ ਸੀ, ਪੋਟਾਸ਼ੀਅਮ, ਫਾਈਬਰ ਅਤੇ ਐਂਟੀਓਕਸੀਡੈਂਟ ਮਿਲਦੇ ਹਨ ਜੋ ਸਰੀਰ ਲਈ ਲਾਭਕਾਰੀ ਹਨ। ਪਰ ਕੁਝ ਲੋਕਾਂ ਲਈ ਟਮਾਟਰ ਖਾਣਾ ਨੁਕਸਾਨਦਾਇਕ ਵੀ ਹੋ ਸਕਦਾ ਹੈ।

ਕੁਝ ਲੋਕਾਂ ਨੂੰ ਟਮਾਟਰ ਨਾਲ ਐਲਰਜੀ ਹੋ ਸਕਦੀ ਹੈ। ਇਸ ਕਾਰਨ ਉਨ੍ਹਾਂ ਨੂੰ ਖੁਜਲੀ, ਚਮੜੀ 'ਤੇ ਚਕੱਤੇ, ਸੋਜ ਅਤੇ ਮੂੰਹ ਵਿੱਚ ਝਨਝਨਾਹਟ ਹੋ ਸਕਦੀ ਹੈ।

ਟਮਾਟਰ ਵਿੱਚ ਮੌਜੂਦ ਹਿਸਟਾਮਾਈਨ ਨਾਂ ਦਾ ਤੱਤ ਚਮੜੀ ਦੀ ਬਿਮਾਰੀ ਜਿਵੇਂ ਐਗਜ਼ੀਮਾ ਨੂੰ ਵਧਾ ਸਕਦਾ ਹੈ। ਜੇ ਟਮਾਟਰ ਖਾਣ ਤੋਂ ਬਾਅਦ ਇਹ ਲੱਛਣ ਆਉਣ, ਤਾਂ ਟਮਾਟਰ ਨਹੀਂ ਖਾਣਾ ਚਾਹੀਦਾ।

ਟਮਾਟਰ ਵਿੱਚ ਸੋਲਾਨਿਨ ਨਾਂ ਦਾ ਤੱਤ ਹੁੰਦਾ ਹੈ ਜੋ ਜੋੜਾਂ ਵਿੱਚ ਸੋਜ ਅਤੇ ਦਰਦ ਵਧਾ ਸਕਦਾ ਹੈ।

ਜਿਨ੍ਹਾਂ ਨੂੰ ਗਠੀਆ ਜਾਂ ਰੂਮੈਟਾਇਡ ਆਰਥਰਾਈਟਿਸ ਦੀ ਸਮੱਸਿਆ ਹੈ, ਉਨ੍ਹਾਂ ਨੂੰ ਟਮਾਟਰ ਘੱਟ ਖਾਣਾ ਚਾਹੀਦਾ ਹੈ। ਕਈ ਵਾਰੀ ਟਮਾਟਰ ਖਾਣ ਨਾਲ ਜੋੜਾਂ ਵਿੱਚ ਦਰਦ ਤੇ ਅਕੜਾਅ ਹੋ ਸਕਦਾ ਹੈ।

ਟਮਾਟਰ 'ਚ ਆਕਸਲੇਟ ਪਾਇਆ ਜਾਂਦਾ ਹੈ ਜੋ ਕੈਲਸ਼ੀਅਮ ਨਾਲ ਮਿਲ ਕੇ ਗੁਰਦੇ ਵਿੱਚ ਪੱਥਰੀ ਬਣਾ ਸਕਦਾ ਹੈ।

ਜਿਨ੍ਹਾਂ ਨੂੰ ਕਿਡਨੀ ਸਟੋਨ ਦੀ ਸਮੱਸਿਆ ਹੈ ਜਾਂ ਪਰਿਵਾਰ ਵਿੱਚ ਇਹ ਬਿਮਾਰੀ ਰਹੀ ਹੋਵੇ, ਉਨ੍ਹਾਂ ਨੂੰ ਟਮਾਟਰ ਘੱਟ ਖਾਣਾ ਚਾਹੀਦਾ ਹੈ।

ਟਮਾਟਰ ਦੇ ਬੀਜ ਅਤੇ ਛਿਲਕੇ ਵਿੱਚ ਆਕਸਲੇਟ ਵੱਧ ਹੁੰਦਾ ਹੈ, ਇਸ ਲਈ ਬੀਜ ਕੱਢ ਕੇ ਖਾਣਾ ਚੰਗਾ ਰਹਿੰਦਾ ਹੈ।

ਟਮਾਟਰ ਵਿੱਚ ਸਿਟ੍ਰਿਕ ਐਸਿਡ ਅਤੇ ਮੈਲਿਕ ਐਸਿਡ ਹੁੰਦੇ ਹਨ ਜੋ ਪੇਟ ਵਿੱਚ ਐਸੀਡਿਟੀ ਵਧਾ ਸਕਦੇ ਹਨ।

ਜਿਨ੍ਹਾਂ ਨੂੰ ਗੈਸ, ਐਸਿਡ ਰਿਫਲਕਸ ਜਾਂ ਪੇਟ ਵਿੱਚ ਜਲਨ ਦੀ ਸਮੱਸਿਆ ਹੈ, ਉਨ੍ਹਾਂ ਨੂੰ ਟਮਾਟਰ ਘੱਟ ਜਾਂ ਨਾ ਹੀ ਖਾਣਾ ਚਾਹੀਦਾ ਹੈ। ਖਾਲੀ ਪੇਟ ਟਮਾਟਰ ਖਾਣ ਨਾਲ ਇਹ ਸਮੱਸਿਆ ਹੋਰ ਵੱਧ ਸਕਦੀ ਹੈ।