ਗਰਮੀ ਆਉਂਦਿਆਂ ਹੀ ਬਾਜ਼ਾਰਾਂ 'ਚ ਅੰਬਾਂ ਦਾ ਹੜ੍ਹ ਹੀ ਆ ਜਾਂਦਾ ਹੈ। ਵੱਖ-ਵੱਖ ਕਿਸਮਾਂ ਦੇ ਅੰਬ ਮਾਰਕਿਟ ਦੇ ਵਿੱਚ ਪਹੁੰਚਣ ਲੱਗ ਪੈਂਦੇ ਹਨ। ਲੋਕ ਵੀ ਬਹੁਤ ਹੀ ਸ਼ੌਕ ਦੇ ਨਾਲ ਇਸ ਫਲ ਨੂੰ ਖਾਉਂਦੇ ਹਨ।

ਅੰਬ, ਜਿਸ ਨੂੰ 'ਫਲਾਂ ਦਾ ਰਾਜਾ' ਕਿਹਾ ਜਾਂਦਾ ਹੈ, ਸਵਾਦ ਅਤੇ ਪੋਸ਼ਣ ਭਰਪੂਰ ਹੁੰਦਾ ਹੈ, ਪਰ ਹਾਲ ਹੀ ’ਚ ਸਿਹਤ ਵਿਭਾਗ ਵੱਲੋਂ ਇਕ ਚਿਤਾਵਨੀ ਜਾਰੀ ਕੀਤੀ ਗਈ ਹੈ ਜਿਸ ਅਨੁਸਾਰ ਕੁਝ ਵਿਸ਼ੇਸ਼ ਸਿਹਤ ਹਾਲਤ ਵਾਲੇ ਲੋਕਾਂ ਲਈ ਅੰਬ ਖਾਣਾ ਗੰਭੀਰ ਨੁਕਸਾਨ ਪਹੁੰਚਾ ਸਕਦਾ ਹੈ।

ਸਿਹਤ ਮਾਹਿਰਾਂ ਨੇ ਕਿਹਾ ਹੈ ਕਿ ਅੰਬ ਭਾਵੇਂ ਕੁਦਰਤੀ ਮਿਠਾਸ ਅਤੇ ਪੋਸ਼ਕ ਤੱਤ ਰੱਖਦਾ ਹੈ ਪਰ ਇਸ ’ਚ ਮੌਜੂਦ ਵਧੇਰੇ ਫਰਕਟੋਜ਼, ਤਸਿਰੀ ਤਾਸੀਰ ਅਤੇ ਕੁਝ ਰਸਾਇਣਕ ਪਦਾਰਥ (ਜੋ ਅਕਸਰ ਪੱਕਾਉਣ ਲਈ ਵਰਤੇ ਜਾਂਦੇ ਹਨ) ਕੁਝ ਲੋਕਾਂ ਲਈ ਖਤਰਨਾਕ ਸਾਬਤ ਹੋ ਸਕਦੇ ਹਨ।

ਅਮਲ ਜਾਂ ਹਾਜ਼ਮੇ ਦੀ ਸਮੱਸਿਆ ਵਾਲੇ ਲੋਕ ਨੂੰ ਅੰਬਾਂ ਖਾਣ ਤੋਂ ਪ੍ਰੇਹਾਜ਼ ਕਰਨਾ ਚਾਹੀਦਾ ਹੈ। ਖ਼ਾਸ ਕਰਕੇ ਖਾਲੀ ਪੇਟ ਖਾਣ ਨਾਲ ਅਜੀਰਨ ਜਾਂ ਅਲਸਰ ਵਧ ਸਕਦੇ ਹਨ।

ਐਨਲਰਜੀ ਵਾਲੇ ਲੋਕ ਵੀ ਅੰਬ ਸੋਚ-ਸਮਝ ਕੇ ਖਾਣ। ਕੁਝ ਵਿਅਕਤੀਆਂ ਨੂੰ ਅੰਬ ਦੀ ਚਮੜੀ ਜਾਂ ਸਿਰਲੇਟ ਨਾਲ ਅਲਰਜੀ ਹੋ ਸਕਦੀ ਹੈ, ਜਿਸ ਨਾਲ ਛਾਲੇ ਜਾਂ ਸਾਹ ਲੈਣ ’ਚ ਦਿੱਕਤ ਆ ਸਕਦੀ ਹੈ।

ਅੰਬ ਦੀ ਗਰਮ ਤਾਸੀਰ ਕਾਰਨ ਪਿੰਪਲ, ਨਾਕੋਂ ਖੂਨ ਜਾਂ ਚਮੜੀ ਦੀ ਖਾਰਸ਼ ਹੋ ਸਕਦੀ ਹੈ।

ਮੋਟਾਪੇ ਵਾਲੇ ਵਿਅਕਤੀ ਵੀ ਅੰਬ ਖਾਣ ਵਾਲੇ ਧਿਆਨ ਦੇਣ। ਇਸ ’ਚ ਵਧੇਰੇ ਕੈਲੋਰੀਜ਼ ਹੁੰਦੀਆਂ ਹਨ ਜੋ ਭਾਰ ਵਧਾਉਣ ਦਾ ਕਾਰਨ ਬਣ ਸਕਦੀਆਂ ਹਨ।

ਅੰਬ 'ਚ ਸ਼ੂਗਰ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ, ਜੋ ਬਲੱਡ ਸ਼ੂਗਰ ਲੈਵਲ ਵਧਾ ਸਕਦੀ ਹੈ। ਇਸ ਕਰਕੇ ਡਾਇਬਟੀਜ਼ ਵਾਲੇ ਲੋਕਾਂ ਨੂੰ ਸਾਵਧਾਨ ਰਹਿਣਾ ਚਾਹੀਦਾ ਹੈ।

ਕਿਉਂਕਿ ਅੰਬ ਭਾਰੀ ਹੁੰਦਾ ਹੈ, ਇਹ ਹਜ਼ਮ ਕਰਨ ਵਿੱਚ ਔਖਾ ਹੋ ਸਕਦਾ ਹੈ। ਲਿਵਰ ਜਾਂ ਪੇਟ ਦੀ ਕਿਸੇ ਵੀ ਗੰਭੀਰ ਸਮੱਸਿਆ ਵਾਲਿਆਂ ਲਈ ਇਹ ਮੁਸੀਬਤ ਵਧਾ ਸਕਦਾ ਹੈ।