ਅੱਜਕੱਲ੍ਹ ਲੋਕ ਖਾਣਾ ਖਾਂਦੇ ਹੋਏ ਵੀ ਮੋਬਾਈਲ ਛੱਡਦੇ ਨਹੀਂ। ਸਮਾਰਟਫੋਨ ਦੇ ਵਧਦੇ ਇਸਤੇਮਾਲ ਨਾਲ ਲੋਕ ਖਾਣੇ ਵੱਲ ਧਿਆਨ ਨਹੀਂ ਦਿੰਦੇ, ਜਿਸ ਕਰਕੇ ਉਹ ਜ਼ਰੂਰਤ ਤੋਂ ਵੱਧ ਖਾ ਲੈਂਦੇ ਹਨ ਜਾਂ ਚੰਗੀ ਤਰ੍ਹਾਂ ਚਬਾ ਕੇ ਨਹੀਂ ਖਾਂਦੇ। ਇਹ ਆਦਤ ਸਿਹਤ ਲਈ ਨੁਕਸਾਨਦਾਇਕ ਸਾਬਤ ਹੋ ਸਕਦੀ ਹੈ ਅਤੇ ਕਈ ਰੋਗਾਂ ਦਾ ਖ਼ਤਰਾ ਵਧਾ ਸਕਦੀ ਹੈ।

ਜਦੋਂ ਅਸੀਂ ਖਾਣੇ ਵੇਲੇ ਮੋਬਾਈਲ ਵਰਤਦੇ ਹਾਂ, ਤਾਂ ਸਾਡਾ ਧਿਆਨ ਭੋਜਨ ਵੱਲ ਨਹੀਂ ਹੁੰਦਾ।

ਇਸ ਕਾਰਨ ਖਾਣਾ ਢੰਗ ਨਾਲ ਨਹੀਂ ਪਚਦਾ, ਜਿਸ ਨਾਲ ਵਜ਼ਨ ਵਧ ਸਕਦਾ ਹੈ ਅਤੇ ਮੈਟਾਬੋਲਿਜ਼ਮ ਹੌਲਾ ਪੈਂਦਾ ਹੈ। ਇਨ੍ਹਾਂ ਕਾਰਨਾਂ ਕਰਕੇ ਸ਼ੂਗਰ ਹੋਣ ਦਾ ਖ਼ਤਰਾ ਵੱਧ ਜਾਂਦਾ ਹੈ।

ਖਾਣੇ ਵੇਲੇ ਫ਼ੋਨ ਦੇਖਣ ਕਾਰਨ ਅਸੀਂ ਭੋਜਨ ਚੰਗੀ ਤਰ੍ਹਾਂ ਨਹੀਂ ਚਬਾ ਪਾਂਦੇ।

ਇਸ ਨਾਲ ਪਾਚਨ ਰਸ ਢੰਗ ਨਾਲ ਕੰਮ ਨਹੀਂ ਕਰਦੇ ਅਤੇ ਪਾਚਨ ਪ੍ਰਣਾਲੀ ਖਰਾਬ ਹੋ ਜਾਂਦੀ ਹੈ। ਨਤੀਜੇ ਵਜੋਂ ਸਾਰੀ ਸਿਹਤ 'ਤੇ ਬੁਰਾ ਅਸਰ ਪੈਂਦਾ ਹੈ।

ਖਾਣੇ ਵੇਲੇ ਫੋਨ ਵਰਤਣ ਨਾਲ ਮੋਟਾਪਾ ਵੱਧ ਸਕਦਾ ਹੈ।

ਫੋਨ 'ਚ ਰੁੱਝੇ ਰਹਿਣ ਕਾਰਨ ਅਸੀਂ ਲੋੜ ਤੋਂ ਵੱਧ ਖਾ ਲੈਂਦੇ ਹਾਂ। ਇਹ ਵਾਧੂ ਖਾਣਾ ਮੋਟਾਪੇ ਦਾ ਕਾਰਨ ਬਣਦਾ ਹੈ।

ਹਰ ਸਮੇਂ ਸਕਰੀਨ ਦੇ ਨਾਲ ਜੁੜੇ ਰਹਿਣ ਨਾਲ ਦਿਮਾਗ 'ਤੇ ਦਬਾਅ ਪੈਂਦਾ ਹੈ, ਜੋ ਤਣਾਅ ਅਤੇ ਚਿੜਚਿੜਾਪਨ ਵਧਾ ਸਕਦਾ ਹੈ।

ਖਾਣੇ ਵੇਲੇ ਮੋਬਾਈਲ ਚਲਾਉਣ ਨਾਲ ਪਰਿਵਾਰਕ ਗੱਲਬਾਤ ਘੱਟ ਹੁੰਦੀ ਹੈ, ਜੋ ਰਿਸ਼ਤਿਆਂ ਵਿੱਚ ਦੂਰੀ ਪੈਦਾ ਕਰਦੀ ਹੈ।

ਇਸ ਲਈ ਜੇਕਰ ਤੁਹਾਨੂੰ ਵੀ ਇਹ ਆਦਤ ਹੈ ਤਾਂ ਅੱਜ ਹੀ ਸੁਧਾਰੋ ਅਤੇ ਚੰਗੀ ਅਤੇ ਸਿਹਤਮੰਦ ਜ਼ਿੰਦਗੀ ਦਾ ਆਨੰਦ ਲਓ।