ਅਕਸਰ ਲੋਕਾਂ ਨੂੰ ਲੱਗਦਾ ਹੈ ਕਿ ਕੁਝ ਖਾਸ ਚੀਜ਼ਾਂ ਨਾਲ ਹੀ ਕੈਂਸਰ ਦਾ ਰਿਸਕ ਵਧਦਾ ਹੈ, ਪਰ ਸਿਹਤ ਮਾਹਿਰ ਦਾ ਸਾਫ਼ ਕਹਿਣਾ ਹੈ ਕਿ ਸਮੱਸਿਆ ਚਾਹ, ਕੌਫੀ ਜਾਂ ਖਾਣੇ ਵਿੱਚ ਨਹੀਂ, ਸਗੋਂ ਉਨ੍ਹਾਂ ਦੇ ਤਾਪਮਾਨ ਵਿੱਚ ਹੈ।

ਬਹੁਤ ਜ਼ਿਆਦਾ ਗਰਮ ਚੀਜ਼ਾਂ ਪੀਣਾ ਜਾਂ ਖਾਣਾ ਹੀ ਅਸਲੀ ਖਤਰਾ ਹੈ।

ਜਦੋਂ ਅਸੀਂ ਬਹੁਤ ਜ਼ਿਆਦਾ ਗਰਮ ਖਾਣਾ ਖਾਂਦੇ ਹਾਂ ਜਾਂ ਉਬਲਦੀ ਹੋਈ ਚਾਹ ਪੀਂਦੇ ਹਾਂ, ਤਾਂ ਇਸ ਨਾਲ ਸਾਡੀ ਫੂਡ ਪਾਈਪ ਡੈਮੇਜ ਹੁੰਦੀ ਹੈ

ਜੇਕਰ ਅਜਿਹਾ ਲਗਾਤਾਰ ਹੁੰਦਾ ਰਹੇ, ਤਾਂ ਇਸ ਨਾਲ 'ਈਸੋਫੇਗਸ ਸਕੁਐਮਸ ਸੈੱਲ ਕਾਰਸੀਨੋਮਾ' ਨਾਮਕ ਬਿਮਾਰੀ ਹੋ ਸਕਦੀ ਹੈ, ਜੋ ਕਿ ਇੱਕ ਕਿਸਮ ਦਾ ਕੈਂਸਰ ਹੈ।

ਨਿਊਟ੍ਰੀਸ਼ਨਿਸਟ ਮੁਤਾਬਕ, 'ਇੰਟਰਨੈਸ਼ਨਲ ਏਜੰਸੀ ਫਾਰ ਰਿਸਰਚ ਆਨ ਕੈਂਸਰ' ਨੇ ਇਸ ਨੂੰ ਸਪੱਸ਼ਟ ਤੌਰ 'ਤੇ ਗਰੁੱਪ 2A ਕਾਰਸੀਨੋਜਨਿਕ ਦੀ ਸ਼੍ਰੇਣੀ ਵਿੱਚ ਰੱਖਿਆ ਹੈ। ਇਸ ਦਾ ਮਤਲਬ ਹੈ ਕਿ ਬਹੁਤ ਜ਼ਿਆਦਾ ਗਰਮ ਚੀਜ਼ਾਂ ਦਾ ਸੇਵਨ ਕੈਂਸਰ ਪੈਦਾ ਕਰਨ ਵਾਲੇ ਕਾਰਨਾਂ ਵਿੱਚ ਸ਼ਾਮਲ ਹੈ।

ਇਹ ਬਿਮਾਰੀ ਰਾਤੋ-ਰਾਤ ਨਹੀਂ ਹੁੰਦੀ।

ਅਜਿਹਾ ਨਹੀਂ ਹੈ ਕਿ ਅੱਜ ਤੁਸੀਂ ਗਰਮ ਚਾਹ ਪੀਤੀ ਅਤੇ ਕੱਲ੍ਹ ਤੁਹਾਨੂੰ ਕੈਂਸਰ ਹੋ ਜਾਵੇਗਾ, ਪਰ ਜੇਕਰ ਤੁਸੀਂ ਆਪਣੀ ਇਸ ਆਦਤ ਨੂੰ ਨਹੀਂ ਬਦਲਦੇ ਅਤੇ ਲਗਾਤਾਰ ਬਹੁਤ ਗਰਮ ਚੀਜ਼ਾਂ ਦਾ ਸੇਵਨ ਕਰਦੇ ਰਹਿੰਦੇ ਹੋ, ਤਾਂ ਭਵਿੱਖ ਵਿੱਚ ਇਸ ਦੇ ਹੋਣ ਦੀ ਸੰਭਾਵਨਾ ਬਹੁਤ ਜ਼ਿਆਦਾ ਵਧ ਜਾਂਦੀ ਹੈ।

ਇਸ ਲਈ, ਸਿਹਤ ਮਾਹਿਰ ਦਾ ਕਹਿਣਾ ਹੈ ਕਿ ਆਪਣੀ ਚਾਹ ਨੂੰ ਥੋੜ੍ਹਾ ਠੰਡਾ ਹੋਣ ਦਿਓ ਅਤੇ ਫਿਰ ਹੀ ਉਸ ਦਾ ਆਨੰਦ ਲਓ।