ਤੁਹਾਨੂੰ 6 ਅਜਿਹੇ ਨਿਊਟ੍ਰੀਐਂਟਸ ਬਾਰੇ ਦੱਸਾਂਗੇ, ਜੋ ਤੁਹਾਡੇ ਵਾਲਾਂ ਨੂੰ ਸੰਘਣੇ, ਮਜ਼ਬੂਤ ​ਤੇ ਚਮਕਦਾਰ ਬਣਾ ਸਕਦੇ ਹਨ।

ਵਿਟਾਮਿਨ ਈ ਇੱਕ ਸ਼ਕਤੀਸ਼ਾਲੀ ਐਂਟੀਆਕਸੀਡੈਂਟ ਹੈ ਜੋ ਖੋਪੜੀ ਵਿੱਚ ਖੂਨ ਦੇ ਗੇੜ ਨੂੰ ਵਧਾਉਂਦਾ ਹੈ ਤੇ ਵਾਲਾਂ ਦੇ ਰੋਮਾਂ ਨੂੰ ਸਿਹਤਮੰਦ ਰੱਖਦਾ ਹੈ।

ਇਹ ਵਾਲਾਂ ਨੂੰ ਆਕਸੀਡੇਟਿਵ ਤਣਾਅ ਤੋਂ ਬਚਾਉਂਦਾ ਹੈ, ਜੋ ਕਿ ਵਾਲਾਂ ਦੇ ਝੜਨ ਦਾ ਇੱਕ ਵੱਡਾ ਕਾਰਨ ਹੈ।

ਬਦਾਮ, ਸੂਰਜਮੁਖੀ ਦੇ ਬੀਜ, ਐਵੋਕਾਡੋ ਤੇ ਪਾਲਕ ਵਿਟਾਮਿਨ ਈ ਦੇ ਵਧੀਆ ਸਰੋਤ ਹਨ। ਇਨ੍ਹਾਂ ਦਾ ਨਿਯਮਿਤ ਵਿੱਚ ਸੇਵਨ ਕਰਨ ਨਾਲ ਵਾਲਾਂ ਦਾ ਵਿਕਾਸ ਬਿਹਤਰ ਹੁੰਦਾ ਹੈ।

ਵਾਲਾਂ ਦਾ ਮੁੱਖ ਹਿੱਸਾ ਕੇਰਾਟਿਨ ਹੈ, ਜੋ ਕਿ ਇੱਕ ਪ੍ਰੋਟੀਨ ਹੈ। ਇਸ ਲਈ ਪ੍ਰੋਟੀਨ ਵਾਲਾਂ ਲਈ ਸਭ ਤੋਂ ਜ਼ਰੂਰੀ ਪੌਸ਼ਟਿਕ ਤੱਤ ਹਨ।

ਪ੍ਰੋਟੀਨ ਦੀ ਘਾਟ ਕਾਰਨ ਵਾਲ ਕਮਜ਼ੋਰ ਹੋ ਜਾਂਦੇ ਹਨ ਤੇ ਟੁੱਟਣ ਲੱਗ ਪੈਂਦੇ ਹਨ ਤੇ ਉਨ੍ਹਾਂ ਦਾ ਵਾਧਾ ਵੀ ਹੌਲੀ ਹੋ ਜਾਂਦਾ ਹੈ।

ਆਂਡੇ, ਮੱਛੀ, ਚਿਕਨ, ਦਾਲਾਂ, ਸੋਇਆਬੀਨ, ਨੱਟਸ ਤੇ ਬੀਜ ਵਰਗੇ ਭੋਜਨ ਪ੍ਰੋਟੀਨ ਦੇ ਚੰਗੇ ਸਰੋਤ ਹਨ। ਜੇ ਤੁਸੀਂ ਸ਼ਾਕਾਹਾਰੀ ਹੋ ਤਾਂ ਤੁਸੀਂ ਦਾਲਾਂ, ਰਾਜਮਾ, ਛੋਲੇ ਵਰਗੇ ਵਿਕਲਪ ਚੁਣ ਸਕਦੇ ਹੋ।

ਆਇਰਨ ਦੀ ਕਮੀ ਨਾਲ ਅਨੀਮੀਆ ਹੋ ਸਕਦਾ ਹੈ, ਜੋ ਵਾਲਾਂ ਦੇ ਝੜਨ ਦਾ ਇੱਕ ਵੱਡਾ ਕਾਰਨ ਹੈ।

ਆਇਰਨ ਸਰੀਰ ਵਿੱਚ ਆਕਸੀਜਨ ਪਹੁੰਚਾਉਣ ਵਿੱਚ ਮਦਦ ਕਰਦਾ ਹੈ ਤੇ ਵਾਲਾਂ ਦੇ ਰੋਮਾਂ ਨੂੰ ਪੋਸ਼ਣ ਦਿੰਦਾ ਹੈ।

ਪਾਲਕ, ਬੀਨਜ਼, ਦਾਲਾਂ, ਟੋਫੂ, ਕੱਦੂ ਦੇ ਬੀਜ ਤੇ ਰੈੱਡ ਮੀਟ ਆਇਰਨ ਦੇ ਚੰਗੇ ਸਰੋਤ ਹਨ।