ਸ਼ਰਾਬ ਪੀਣਾ ਸਿਹਤ ਲਈ ਹਾਨੀਕਾਰਕ ਹੁੰਦੀ ਹੈ, ਜਿਸ ਕਰਕੇ ਬੋਤਲ ਦੇ ਉੱਤੇ ਵੀ ਲਿਖਿਆ ਹੁੰਦਾ ਹੈ। ਪਰ ਫਿਰ ਵੀ ਲੋਕ ਇਸ ਨੂੰ ਪੀਂਦੇ ਹਨ, ਕੁੱਝ ਲੋਕ ਇਸ ਨੂੰ ਛੱਡਣਾ ਚਾਹੁੰਦੇ ਹਨ, ਪਰ ਉਹ ਛੱਡ ਨਹੀਂ ਪਾਉਂਦੇ।

ਸ਼ਰਾਬ ਦੀ ਆਦਤ ਪੁਰਾਣੀ ਹੋ ਜਾਵੇ ਤਾਂ ਲੀਵਰ ਖਰਾਬ ਹੋਣਾ ਸ਼ੁਰੂ ਹੋ ਜਾਂਦਾ ਹੈ।

ਅਜਿਹੀ ਖੋਜ ’ਚ ਇਹ ਸਾਬਤ ਹੋਇਆ ਹੈ ਕਿ ਇਕ ਦਵਾਈ ਸ਼ਰਾਬ ਦੀ ਆਦਤ ਨੂੰ ਠੀਕ ਕਰ ਸਕਦੀ ਹੈ।

ਇਹ ਇਕ ਅਜਿਹੀ ਦਵਾਈ ਹੈ ਜੋ ਪੇਪਟਾਇਡ 1 ਰੀਸੈਪਟਰਾਂ (GLP-1RAs) ਨੂੰ ਰੋਕਦੀ ਹੈ। ਇਹ ਦਵਾਈ ਭਾਰ ਘਟਾਉਣ ’ਚ ਮਦਦ ਕਰਨ ਲਈ ਤਿਆਰ ਕੀਤੀ ਗਈ ਹੈ।

ਵੱਡੇ ਪੈਮਾਨੇ 'ਤੇ ਕੀਤੇ ਗਏ ਅਧਿਐਨ ਤੋਂ ਪਤਾ ਲੱਗਾ ਹੈ ਕਿ ਇਹ ਦਵਾਈ ਸ਼ਰਾਬ ਦੀ ਸੰਵੇਦਨਾ ਨੂੰ ਬਹੁਤ ਘੱਟ ਕਰ ਸਕਦੀ ਹੈ।

ਭਾਵ ਸ਼ਰਾਬ ਦੀ ਆਦਤ ਤੋਂ ਛੁਟਕਾਰਾ ਪਾਇਆ ਜਾ ਸਕਦਾ ਹੈ। ਇਹ ਵੀ ਸਾਬਤ ਹੋ ਚੁੱਕਾ ਹੈ ਕਿ ਭਾਰ ਘਟਾਉਣ ਦੀ ਦਵਾਈ ਗੁਰਦਿਆਂ ਅਤੇ ਜਿਗਰ ਲਈ ਫਾਇਦੇਮੰਦ ਹੈ।

ਇਸ ਦਾ ਅਧਿਐਨ ’ਚ ਟ੍ਰਾਇਲ ਕੀਤਾ ਗਿਆ ਹੈ। ਇਸ ਟ੍ਰਾਇਲ ’ਚ 88190 ਲੋਕਾਂ ਨੂੰ ਸ਼ਾਮਲ ਕੀਤਾ ਗਿਆ ਸੀ।

ਇਨ੍ਹਾਂ ਲੋਕਾਂ ਨੇ ਭਾਰ ਘਟਾਉਣ ਦੇ ਟੀਕੇ Exenatide, Dulaglutide, Liraglutide, Semaglutide ਜਾਂ Tirzepatide ਦੇ ਟੀਕਿਆਂ ’ਚੋਂ ਕੋਈ ਇਕ ਲਿਆ।

ਇਹ ਸਾਰੀਆਂ ਦਵਾਈਆਂ ਭਾਰ ਘਟਾਉਣ ਲਈ ਹਨ। ਇਸ ਤੋਂ ਇਲਾਵਾ ਕੁਝ ਲੋਕਾਂ ਨੇ ਭਾਰ ਘਟਾਉਣ ਲਈ ਪਲੇਸਬੋ ਲਿਆ ਭਾਵ ਕਿ ਉਸ ਨੂੰ ਦੱਸਿਆ ਗਿਆ ਕਿ ਇਹ ਭਾਰ ਘਟਾਉਣ ਦੀ ਦਵਾਈ ਹੈ ਪਰ ਇਸ ’ਚ ਕੋਈ ਸਮੱਗਰੀ ਨਹੀਂ ਸੀ।

ਅਧਿਐਨ 'ਚ ਪਾਇਆ ਗਿਆ ਕਿ ਕੁਝ ਮਹੀਨਿਆਂ ਬਾਅਦ, ਭਾਰ ਘਟਾਉਣ ਦੀ ਦਵਾਈ ਲੈਣ ਵਾਲੇ ਲੋਕਾਂ ’ਚ ਸ਼ਰਾਬ ਦਾ ਸੇਵਨ ਕਰਨ ਦਾ ਰੁਝਾਨ 29 ਫੀਸਦੀ ਤੱਕ ਘੱਟ ਗਿਆ।

ਇੰਨਾ ਹੀ ਨਹੀਂ, ਇਨ੍ਹਾਂ 'ਚੋਂ ਜ਼ਿਆਦਾਤਰ ਲੋਕ ਜੋ ਕਦੇ-ਕਦੇ ਬਹੁਤ ਜ਼ਿਆਦਾ ਸ਼ਰਾਬ ਪੀਂਦੇ ਸਨ, ਨੇ ਵੀ ਇਹ ਆਦਤ ਗੁਆ ਦਿੱਤੀ।

ਇਸ ’ਚ ਅਜੇ ਹੋਰ ਖੋਜ ਦੀ ਲੋੜ ਹੈ। ਇਸ ਤੋਂ ਬਾਅਦ ਸ਼ਰਾਬ ਦੀ ਲਤ ਤੋਂ ਛੁਟਕਾਰਾ ਪਾਉਣ ਲਈ ਇਸ ਦਵਾਈ ਨੂੰ ਡਰੱਗ ਰੈਗੂਲੇਟਰੀ ਏਜੰਸੀ ਤੋਂ ਮਨਜ਼ੂਰੀ ਮਿਲ ਸਕਦੀ ਹੈ। ਫਿਲਹਾਲ ਟ੍ਰਾਇਲ ਚੱਲ ਰਿਹਾ ਹੈ।