ਗਰਦਨ ਦੀ ਚਮੜੀ ਵਿੱਚ ਅਚਾਨਕ ਬਦਲਾਅ ਸਿਰਫ਼ ਸੁੰਦਰਤਾ ਦੀ ਸਮੱਸਿਆ ਨਹੀਂ, ਬਲਕਿ ਲਿਵਰ ਅਤੇ ਮੈਟਾਬੋਲਿਕ ਸਿਹਤ ਦਾ ਸੰਕੇਤ ਵੀ ਹੋ ਸਕਦਾ ਹੈ।

ਜੇ ਗਰਦਨ ਦਾ ਰੰਗ ਗੂੜ੍ਹਾ ਹੋਵੇ, ਚਮੜੀ ਮੋਟੀ ਜਾਂ ਨਰਮ ਮਹਿਸੂਸ ਹੋਵੇ, ਖਾਰਸ਼ ਜਾਂ ਪੀਲਾਪਨ ਦਿਖਾਈ ਦੇਵੇ, ਤਾਂ ਇਸਨੂੰ ਕਦੇ ਵੀ ਨਜ਼ਰਅੰਦਾਜ਼ ਨਾ ਕਰੋ।

ਗਰਦਨ ਦਾ ਭੂਰਾ ਜਾਂ ਕਾਲਾ ਪੈਣਾ, ਜਾਂ ਚਮੜੀ ਦਾ ਮੋਟਾ ਅਤੇ ਮਖਮਲੀ ਜਿਹਾ ਟੈਕਸਚਰ ਹੋ ਜਾਣਾ, ਅਕਸਰ ਇਨਸੁਲਿਨ ਪ੍ਰਤੀਰੋਧ (Insulin Resistance) ਜਾਂ ਫੈਟੀ ਲਿਵਰ ਵੱਲ ਸੰਕੇਤ ਕਰਦਾ ਹੈ।

ਇਹ ਲੱਛਣ ਮੋਟਾਪੇ, ਡਾਇਬੀਟੀਜ਼ ਜਾਂ ਪੀ.ਸੀ.ਓ.ਡੀ. ਨਾਲ ਜੂਝ ਰਹੇ ਲੋਕਾਂ 'ਚ ਜ਼ਿਆਦਾ ਦਿਖਾਈ ਦੇ ਸਕਦੇ ਹਨ।

ਗਰਦਨ ਅਤੇ ਸਰੀਰ 'ਚ ਤੇਜ਼ ਖਾਰਸ਼: ਜੇਕਰ ਲਿਵਰ ਦੀਆਂ ਬਾਈਲ (ਪਿੱਤ) ਡਕਟਸ 'ਚ ਰੁਕਾਵਟ ਆ ਜਾਵੇ ਤਾਂ ਸਰੀਰ 'ਚ ਬਾਈਲ ਸਾਲਟ ਜਮ੍ਹਾਂ ਹੋਣ ਲੱਗਦੇ ਹਨ।

ਇਸ ਦਾ ਅਸਰ ਪੂਰੇ ਸਰੀਰ ਵਿੱਚ ਤੇਜ਼ ਖਾਰਸ਼ ਦੇ ਰੂਪ ਵਿੱਚ ਦਿਖਾਈ ਦੇ ਸਕਦਾ ਹੈ, ਖਾਸ ਤੌਰ 'ਤੇ ਗਰਦਨ, ਪਿੱਠ ਅਤੇ ਹੱਥਾਂ-ਪੈਰਾਂ 'ਤੇ। ਕਈ ਵਾਰ ਚਮੜੀ 'ਤੇ ਨਿਸ਼ਾਨ ਵੀ ਨਜ਼ਰ ਆਉਂਦੇ ਹਨ।

ਜਦੋਂ ਲਿਵਰ ਨਾਲ ਜੁੜੀ ਸਮੱਸਿਆ ਪੀਲੀਆ ਦਾ ਰੂਪ ਲੈ ਲੈਂਦੀ ਹੈ ਤਾਂ ਅਸਰ ਸਿਰਫ਼ ਅੱਖਾਂ ਅਤੇ ਚਿਹਰੇ 'ਤੇ ਹੀ ਨਹੀਂ, ਸਗੋਂ ਗਰਦਨ ਦੀ ਚਮੜੀ 'ਤੇ ਵੀ ਪੀਲੇਪਨ ਦੇ ਰੂਪ ਵਿੱਚ ਦਿਖਾਈ ਦੇ ਸਕਦਾ ਹੈ।

ਢਿੱਡ ਦੇ ਸੱਜੇ ਹਿੱਸੇ 'ਚ ਦਰਦ ਜਾਂ ਭਾਰੀਪਨ: ਕੁਝ ਮੁੱਢਲੇ ਲੱਛਣਾਂ 'ਚ ਢਿੱਡ ਦੇ ਸੱਜੇ ਹਿੱਸੇ 'ਚ ਦਰਦ ਜਾਂ ਭਾਰੀਪਨ, ਭੁੱਖ ਘੱਟ ਲੱਗਣਾ, ਥਕਾਨ, ਕਮਜ਼ੋਰੀ, ਅਤੇ ਵਜ਼ਨ ਦਾ ਨਾ ਵਧਣਾ ਜਾਂ ਘਟਣਾ ਸ਼ਾਮਲ ਹਨ।

ਅਜਿਹੇ ਸੰਕੇਤਾਂ ਦੇ ਦਿਸਣ 'ਤੇ ਅਲਟਰਾਸਾਊਂਡ ਅਤੇ ਲਿਵਰ ਫੰਕਸ਼ਨ ਟੈਸਟ (LFT) ਕਰਵਾਉਣਾ ਸਮਝਦਾਰੀ ਹੈ।

ਲਿਵਰ ਨੂੰ ਨੁਕਸਾਨ ਪਹੁੰਚਾਉਣ ਵਾਲੀਆਂ 5 ਆਮ ਗਲਤੀਆਂ ਤੁਰੰਤ ਛੱਡੋ। ਇਸ ਵਿੱਚ ਸ਼ਰਾਬ ਪੀਣਾ, ਮੋਟਾਪਾ, ਜੰਕ ਅਤੇ ਪ੍ਰੋਸੈਸਡ ਖਾਣਾ, ਨੀਂਦ ਦੀ ਘਾਟ ਅਤੇ ਸਰੀਰਕ ਗਤੀਵਿਧੀ ਦੀ ਕਮੀ ਸ਼ਾਮਿਲ ਹਨ। ਇਹਨਾਂ ਆਦਤਾਂ ਨੂੰ ਛੱਡ ਕੇ ਹੀ ਤੁਸੀਂ ਆਪਣੇ ਲਿਵਰ ਨੂੰ ਸਿਹਤਮੰਦ ਰੱਖ ਸਕਦੇ ਹੋ