ਪੀਰੀਅਡਜ਼ ਦੌਰਾਨ ਕਿਹੜੀਆਂ ਐਕਸਰਸਾਈਜ਼ ਨਹੀਂ ਕਰਨੀਆਂ ਚਾਹੀਦੀਆਂ?

ਪੀਰੀਅਡਜ਼ ਦੌਰਾਨ ਸਰੀਰ ਵਿੱਚ ਕਾਫ਼ੀ ਹਾਰਮੋਨਲ ਬਦਲਾਅ ਹੁੰਦੇ ਹਨ, ਜਿਸ ਕਾਰਨ ਪੇਟ ਦਰਦ, ਥਕਾਵਟ ਅਤੇ ਐਂਠਣ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।

ਅਜਿਹੇ ਸਮੇਂ ਜੇ ਤੁਸੀਂ ਬਹੁਤ ਭਾਰੀ ਵਰਕਆਉਟ ਕਰਦੇ ਹੋ, ਤਾਂ ਇਹ ਦਰਦ ਅਤੇ ਬੇਆਰਾਮੀ ਨੂੰ ਹੋਰ ਵਧਾ ਸਕਦਾ ਹੈ। ਇਨ੍ਹਾਂ ਭਾਰੀ ਵਰਕਆਉਟ ਤੋਂ ਬਚੋ।

ਹਾਈ-ਇੰਟੈਂਸਿਟੀ ਇੰਟਰਵਲ ਟ੍ਰੇਨਿੰਗ (HIIT): ਇਸ ਵਿੱਚ ਤੇਜ਼ ਜੰਪ ਅਤੇ ਉੱਚ ਤੀਬਰਤਾ ਵਾਲੀਆਂ ਕਸਰਤਾਂ ਹੁੰਦੀਆਂ ਹਨ, ਜਿਸ ਨਾਲ ਕੁਝ ਮਹਿਲਾਵਾਂ ਵਿੱਚ ਬਲੀਡਿੰਗ ਵੱਧ ਸਕਦਾ ਹੈ।

ਡੈੱਡਲਿਫਟ ਜਾਂ ਭਾਰੀ ਵਜ਼ਨ ਚੁੱਕਣ ਵਾਲੀਆਂ ਕਸਰਤਾਂ: ਆਪਣੀ ਸਮਰੱਥਾ ਤੋਂ ਵੱਧ ਵਜ਼ਨ ਚੁੱਕਣ ਨਾਲ ਪੇਟ ਦੇ ਹੇਠਲੇ ਹਿੱਸੇ ਦਾ ਦਰਦ ਵੱਧ ਸਕਦਾ ਹੈ।

ਉਲਟੇ ਹੋ ਕੇ ਕੀਤੇ ਜਾਣ ਵਾਲੇ ਯੋਗ ਆਸਨ: ਜਿਵੇਂ ਕਿ ਸ਼ੀਰਸ਼ ਆਸਨ ਅਤੇ ਹਲ ਆਸਨ। ਪੀਰੀਅਡਜ਼ ਦੌਰਾਨ ਇਨ੍ਹਾਂ ਤੋਂ ਬਚਣਾ ਬਿਹਤਰ ਮੰਨਿਆ ਜਾਂਦਾ ਹੈ।

ਪੇਟ 'ਤੇ ਜ਼ਿਆਦਾ ਦਬਾਅ ਪਾਉਣ ਵਾਲੇ ਕ੍ਰੰਚਜ਼: ਇਹ ਪੇਟ ਦੇ ਹਿੱਸੇ 'ਤੇ ਵੱਧ ਦਬਾਅ ਪਾਉਂਦੇ ਹਨ, ਜਿਸ ਨਾਲ ਬੇਆਰਾਮੀ ਵੱਧ ਸਕਦੀ ਹੈ।

ਬਹੁਤ ਜ਼ਿਆਦਾ ਦੌੜਨਾ ਜਾਂ ਲੰਬੇ ਸਮੇਂ ਤੱਕ ਕਾਰਡੀਓ ਕਰਨਾ: ਇਸ ਸਮੇਂ ਸਰੀਰ ਦੀ ਐਨਰਜੀ ਪਹਿਲਾਂ ਹੀ ਘੱਟ ਹੁੰਦੀ ਹੈ।

ਜ਼ਿਆਦਾ ਕਾਰਡੀਓ ਕਰਨ ਨਾਲ ਥਕਾਵਟ, ਕਮਜ਼ੋਰੀ ਜਾਂ ਚੱਕਰ ਆ ਸਕਦੇ ਹਨ।

ਇਸ ਦੀ ਥਾਂ ਤੁਸੀਂ ਹਲਕੀ ਸੈਰ , ਸਟ੍ਰੈਚਿੰਗ, ਪ੍ਰਾਣਾਯਾਮ ਜਾਂ ਬਟਰਫਲਾਈ ਆਸਨ ਵਰਗੀਆਂ ਹਲਕੀਆਂ ਕਸਰਤਾਂ ਕਰ ਸਕਦੇ ਹੋ।