ਅੱਜਕੱਲ੍ਹ ਫੈਸ਼ਨ ਦੀ ਦੁਨੀਆ 'ਚ ਬ੍ਰਾਂਡੇਡ ਕੱਪੜਿਆਂ ਦਾ ਕ੍ਰੇਜ਼ ਹੈ। ਖਾਸ ਕਰਕੇ ਨੌਜਵਾਨਾਂ ਵਿੱਚ ਬ੍ਰਾਂਡੇਡ ਜੁੱਤੀਆਂ ਅਤੇ ਕੱਪੜੇ ਖਰੀਦਣ ਦਾ ਮੁਕਾਬਲਾ ਹੈ।

ਬਹੁਤ ਸਾਰੇ ਨੌਜਵਾਨ ਬ੍ਰਾਂਡੇਡ ਕੱਪੜੇ ਪਾਉਣ ਵਾਲ ਭੱਜਦੇ ਹਨ, ਪਰ ਕਈ ਵਾਰ ਉਨ੍ਹਾਂ ਨੂੰ ਪਤਾ ਨਹੀਂ ਚੱਲਦਾ ਹੈ ਅਤੇ ਉਹ ਕੱਪੜਿਆਂ ਨੂੰ ਲੈ ਕੇ ਧੋਖਾ ਖਾ ਲੈਂਦੇ ਹਨ

ਜਿਸ ਕਰਕੇ ਮਨ ਦੇ ਵਿੱਚ ਇਹੀ ਆਉਂਦਾ ਹੈ ਕਿ ਜਿਹੜਾ ਕੱਪੜਾ ਅਸੀਂ ਖਰੀਦਿਆ ਹੈ ਉਹ ਅਸਲੀ ਬ੍ਰਾਂਡੇਡ ਹੈ ਜਾਂ ਨਹੀਂ

ਇਸ ਨਾਲ ਨਾ ਸਿਰਫ਼ ਸਾਡੀ ਮਿਹਨਤ ਦੀ ਕਮਾਈ ਬਰਬਾਦ ਹੁੰਦੀ ਹੈ, ਸਗੋਂ ਸਾਨੂੰ ਉਹ ਗੁਣਵੱਤਾ ਵੀ ਨਹੀਂ ਮਿਲਦੀ ਜੋ ਅਸੀਂ ਚਾਹੁੰਦੇ ਹਾਂ।

ਜੇਕਰ ਤੁਸੀਂ ਬ੍ਰਾਂਡੇਡ ਕੱਪੜੇ ਖਰੀਦ ਰਹੇ ਹੋ ਤਾਂ ਬਟਨਾਂ 'ਤੇ ਵੀ ਧਿਆਨ ਦਿਓ। ਅਕਸਰ, ਅਸਲੀ ਬ੍ਰਾਂਡ ਵਾਲੇ ਕੱਪੜਿਆਂ ਦੇ ਬਟਨਾਂ 'ਤੇ ਬ੍ਰਾਂਡ ਦਾ ਨਾਮ ਗੁੰਦਿਆ ਹੁੰਦਾ ਹੈ

ਜੇਕਰ ਬਟਨ ਸਧਾਰਨ ਦਿਖਾਈ ਦਿੰਦੇ ਹਨ ਅਤੇ ਉਹਨਾਂ 'ਤੇ ਬ੍ਰਾਂਡ ਦਾ ਨਾਮ ਨਹੀਂ ਹੈ, ਤਾਂ ਇਹ ਨਕਲੀ ਹੋ ਸਕਦਾ ਹੈ

ਜੇਕਰ ਤੁਸੀਂ ਬ੍ਰਾਂਡੇਡ ਕੱਪੜੇ ਖਰੀਦ ਰਹੇ ਹੋ ਤਾਂ ਸਿਲਾਈ 'ਤੇ ਖਾਸ ਧਿਆਨ ਦਿਓ। ਚੰਗੇ ਬ੍ਰਾਂਡ ਦੀ ਸਿਲਾਈ ਸਾਫ਼ ਅਤੇ ਬਰਾਬਰ ਹੁੰਦੀ ਹੈ, ਅਤੇ ਧਾਗੇ ਵੀ ਉੱਚ ਗੁਣਵੱਤਾ ਦੇ ਹੁੰਦੇ ਹਨ

ਜੇਕਰ ਸਿਲਾਈ ਵਿੱਚ ਕੋਈ ਨੁਕਸ ਹੈ ਤਾਂ ਇਹ ਸੰਭਵ ਹੈ ਕਿ ਕੱਪੜਾ ਨਕਲੀ ਹੋਵੇ। ਇਸ ਲਈ, ਸਿਲਾਈ ਦੀ ਗੁਣਵੱਤਾ ਦੀ ਜਾਂਚ ਕਰਨਾ ਯਕੀਨੀ ਬਣਾਓ।

ਬ੍ਰਾਂਡ ਵਾਲੇ ਕੱਪੜਿਆਂ ਦੀ ਜ਼ਿਪ ਮੁਲਾਇਮ ਅਤੇ ਉੱਚ ਗੁਣਵੱਤਾ ਵਾਲੀ ਹੁੰਦੀ ਹੈ। ਅਕਸਰ ਜ਼ਿਪ 'ਤੇ ਬ੍ਰਾਂਡ ਦਾ ਨਾਮ ਵੀ ਲਿਖਿਆ ਜਾਂਦਾ ਹੈ।

ਜੇਕਰ ਜ਼ਿਪ ਕੰਮ ਨਹੀਂ ਕਰਦੀ ਜਾਂ ਇਸ 'ਤੇ ਬ੍ਰਾਂਡ ਦਾ ਨਾਮ ਨਹੀਂ ਹੈ, ਤਾਂ ਕੱਪੜੇ ਜਾਅਲੀ ਹੋ ਸਕਦੇ ਹਨ।

ਬ੍ਰਾਂਡ ਵਾਲੇ ਕੱਪੜਿਆਂ ਦੇ ਟੈਗਾਂ ਵਿੱਚ ਹਮੇਸ਼ਾ ਪੂਰੀ ਜਾਣਕਾਰੀ ਹੁੰਦੀ ਹੈ, ਜਿਵੇਂ ਕਿ ਫੈਬਰਿਕ ਦੇ ਵੇਰਵੇ, ਧੋਣ ਦੀਆਂ ਹਦਾਇਤਾਂ ਅਤੇ ਨਿਰਮਾਣ ਦਾ ਸਥਾਨ।

ਜੇਕਰ ਟੈਗ ਅਜੀਬ ਲੱਗਦਾ ਹੈ ਜਾਂ ਜਾਣਕਾਰੀ ਅਧੂਰੀ ਜਾਪਦੀ ਹੈ, ਤਾਂ ਇਹ ਸੰਭਵ ਹੈ ਕਿ ਕੱਪੜਾ ਅਸਲੀ ਨਹੀਂ ਹੈ। ਇਸ ਲਈ, ਖਰੀਦਦਾਰੀ ਕਰਦੇ ਸਮੇਂ ਟੈਗ ਨੂੰ ਧਿਆਨ ਨਾਲ ਦੇਖੋ।