ਕੇਲੇ ਦੇ ਛਿਲਕੇ ਨਾਲ ਇਸ ਤਰ੍ਹਾਂ ਬਣਾਓ ਫੇਸ ਪੈਕ

ਆਓ ਅੱਜ ਤੁਹਾਨੂੰ ਕੇਲੇ ਦੇ ਛਿਲਕੇ ਨਾਲ ਆਸਾਨ ਤਰੀਕੇ ਨਾਲ ਫੇਸ ਪੈਕ ਬਣਾਉਣਾ ਸਿਖਾਈਏ।

ਕੇਲੇ ਦੇ ਛਿਲਕੇ ਦੇ ਅੰਦਰਲੇ ਹਿੱਸੇ ਨੂੰ ਸਿੱਧਾ ਚਿਹਰੇ ‘ਤੇ 5–10 ਮਿੰਟ ਤੱਕ ਰਗੜੋ ਅਤੇ ਸੁੱਕਣ ਤੋਂ ਬਾਅਦ ਚਿਹਰਾ ਪਾਣੀ ਨਾਲ ਧੋ ਲਵੋ।

ਕੇਲੇ ਦੇ ਛਿਲਕੇ ਨੂੰ ਮਿਕਸੀ ਵਿੱਚ ਪੀਸ ਕੇ ਉਸ ਵਿੱਚ 1 ਚਮਚ ਦਹੀਂ ਮਿਲਾਓ। ਇਹ ਖਰਾਬ ਅਤੇ ਮਰੀ ਹੋਈ ਸਕਿਨ ਹਟਾਉਣ ਲਈ ਬਹੁਤ ਫਾਇਦੇਮੰਦ ਹੈ।

ਛਿਲਕੇ ਦੇ ਪੇਸਟ ਵਿੱਚ ਇੱਕ ਚਮਚ ਸ਼ਹਿਦ ਮਿਲਾਕੇ 15 ਮਿੰਟ ਲਈ ਲਗਾਓ। ਇਸ ਨਾਲ ਚਿਹਰੇ ‘ਤੇ ਕੁਦਰਤੀ ਨਿਖਾਰ ਆਉਂਦਾ ਹੈ।

ਛਿਲਕੇ ਨੂੰ ਛੋਟੇ ਟੁਕੜਿਆਂ ਵਿੱਚ ਕੱਟ ਕੇ ਪੀਸ ਲਵੋ ਅਤੇ ਉਸ ਵਿੱਚ ਥੋੜ੍ਹੀ ਹਲਦੀ ਮਿਲਾਕੇ ਚਿਹਰੇ ‘ਤੇ ਲਗਾਓ। ਇਸ ਨਾਲ ਦਾਗ-ਧੱਬੇ ਹਲਕੇ ਹੋ ਸਕਦੇ ਹਨ।

ਛਿਲਕੇ ਦੇ ਪੇਸਟ ਵਿੱਚ ਓਟਸ ਮਿਲਾਕੇ 5 ਮਿੰਟ ਸਕ੍ਰਬ ਕਰੋ, ਫਿਰ 10 ਮਿੰਟ ਪੈਕ ਵਾਂਗ ਲਗਾਕੇ ਸਾਫ਼ ਪਾਣੀ ਨਾਲ ਧੋ ਲਵੋ। ਇਸ ਨਾਲ ਚਿਹਰੇ ‘ਤੇ ਕੁਦਰਤੀ ਗਲੋ ਆਉਂਦੀ ਹੈ।

ਪੇਸਟ ਵਿੱਚ ਚਾਵਲ ਦਾ ਆਟਾ ਮਿਲਾਕੇ ਲਗਾਉਣ ਨਾਲ ਵੀ ਚਮੜੀ ਵਿੱਚ ਨਿਖਾਰ ਆਉਂਦਾ ਹੈ।

ਪੇਸਟ ਵਿੱਚ 1 ਚਮਚ ਗੁਲਾਬ ਜਲ ਮਿਲਾਕੇ ਲਗਾਉਣ ਨਾਲ ਚਮੜੀ ਨੂੰ ਠੰਡਕ ਅਤੇ ਤਾਜ਼ਗੀ ਮਿਲਦੀ ਹੈ।

ਪੇਸਟ ਵਿੱਚ ਨਿੰਬੂ ਦਾ ਰਸ ਮਿਲਾਉਣ ਨਾਲ ਆਇਲੀ ਸਕਿਨ ਦਾ ਵਾਧੂ ਤੇਲ ਸਾਫ਼ ਹੁੰਦਾ ਹੈ ਅਤੇ ਨੀਮ ਪਾਊਡਰ ਮਿਲਾਉਣ ਨਾਲ ਕੀਲ-ਮੁਹਾਂਸੇ ਘਟਾਉਣ ਵਿੱਚ ਮਦਦ ਮਿਲਦੀ ਹੈ।