ਹਰ ਕਿਸੇ ਨੂੰ ਦਹੀਂ ਖਾਣਾ ਬਹੁਤ ਪਸੰਦ ਹੁੰਦਾ ਹੈ। ਬਹੁਤ ਸਾਰੇ ਘਰਾਂ ਦੇ ਵਿੱਚ ਸਵੇਰ ਦਾ ਨਾਸ਼ਤਾ ਦਹੀਂ ਦੇ ਨਾਲ ਹੀ ਹੁੰਦਾ ਹੈ

ਦਹੀਂ ਖਾਣ ਨਾਲ ਸਿਹਤ ਨੂੰ ਕਈ ਫਾਇਦੇ ਮਿਲਦੇ ਹਨ

ਬਹੁਤ ਸਾਰੇ ਲੋਕ ਘਰ ਦੇ ਵਿੱਚ ਹੀ ਬਾਜ਼ਾਰ ਵਰਗਾ ਗਾੜ੍ਹਾ ਦਹੀਂ ਜਮਾਉਣ ਦੀ ਕੋਸ਼ਿਸ਼ ਕਰਦੇ ਹਨ, ਪਰ ਉਹ ਸਫਲ ਨਹੀਂ ਹੋ ਪਾਉਂਦੇ

ਇਸ ਦੇ ਲਈ ਇਹ ਜ਼ਰੂਰੀ ਹੈ ਕਿ ਸਭ ਤੋਂ ਪਹਿਲਾਂ ਤੁਸੀਂ ਆਪਣੀਆਂ ਗਲਤੀਆਂ 'ਤੇ ਧਿਆਨ ਦਿਓ ਕਿ ਦਹੀਂ ਠੀਕ ਕਿਉਂ ਨਹੀਂ ਸੈੱਟ ਹੋ ਰਿਹਾ

ਕੁੱਝ ਲੋਕਾਂ ਨੂੰ ਦਹੀਂ ਜਮਾਉਣ ਦਾ ਸਹੀ ਤਰੀਕਾ ਨਹੀਂ ਪਤਾ ਹੁੰਦਾ, ਜਿਸ ਕਾਰਨ ਕਈ ਵਾਰ ਦਹੀਂ ਸੈੱਟ ਨਹੀਂ ਹੋ ਪਾਉਂਦਾ

ਕਈ ਵਾਰ ਅਸੀਂ ਦੁੱਧ ਨੂੰ ਉਬਾਲ ਕੇ ਤੁਰੰਤ ਠੰਡਾ ਕਰ ਦਿੰਦੇ ਹਾਂ, ਜਿਸ ਕਾਰਨ ਦੁੱਧ ਦਹੀਂ ਹੋ ਕੇ ਪਾਣੀ ਵਿਚ ਬਦਲ ਜਾਂਦਾ ਹੈ

ਇਸ ਲਈ ਕਦੇ ਵੀ ਗਰਮ ਦੁੱਧ 'ਚ ਦਹੀਂ ਪਾਉਣ ਦੀ ਗਲਤੀ ਨਾ ਕਰੋ

ਦਹੀਂ ਬਣਾਉਣ ਤੋਂ ਪਹਿਲਾਂ ਦੁੱਧ ਨੂੰ ਠੰਡਾ ਹੋਣ ਲਈ ਛੱਡ ਦਿਓ ਅਤੇ ਫਿਰ ਉਸ ਵਿੱਚ ਦਹੀਂ ਦਾ ਜਾਗ ਲਗਾਓ

ਇਹ ਜ਼ਰੂਰੀ ਹੈ ਕਿ ਜਦੋਂ ਵੀ ਤੁਸੀਂ ਦਹੀਂ ਨੂੰ ਸੈੱਟ ਕਰਨ ਲਈ ਰੱਖੋ, ਤਾਂ ਇਸ ਨੂੰ ਘੱਟੋ-ਘੱਟ 8 ਘੰਟਿਆਂ ਤੱਕ ਹਿਲਾਓ ਨਾ

ਦਹੀਂ ਜਮਾਉਣ ਸਮੇਂ, ਦੁੱਧ ਨਾ ਤਾਂ ਪੂਰੀ ਤਰ੍ਹਾਂ ਗਰਮ ਹੋਣਾ ਚਾਹੀਦਾ ਹੈ ਅਤੇ ਨਾ ਹੀ ਪੂਰੀ ਤਰ੍ਹਾਂ ਠੰਡਾ

ਦੁੱਧ ਦਾ ਤਾਪਮਾਨ ਜਾਣਨ ਲਈ, ਇਸ 'ਚ 1 ਉਂਗਲੀ ਡੁਬੋ ਦਿਓ ਤੇ ਜੇਕਰ ਤੁਸੀਂ ਉਂਗਲੀ 'ਚ ਥੋੜ੍ਹਾ ਜਿਹਾ ਸੇਕ ਮਹਿਸੂਸ ਕਰਦੇ ਹੋ ਤਾਂ ਇਹ ਦਹੀਂ ਜਮਾਉਣ ਲਈ ਸਹੀ ਸਮੇਂ ਹੈ

ਇਨ੍ਹਾਂ ਟਿਪਸ ਦੇ ਨਾਲ ਤੁਸੀਂ ਘਰ ਦੇ ਵਿੱਚ ਗਾੜ੍ਹਾ ਦਹੀਂ ਜਮਾ ਪਾਉਂਗੇ