ਦਰਅਸਲ ਗੂਗਲ ਦੇ ਇੱਕ ਫੈਸਲੇ ਕਾਰਨ ਕਰੋੜਾਂ ਪੁਰਾਣੇ ਸਮਾਰਟਫੋਨ ਕਬਾੜ ਬਣਨ ਜਾ ਰਹੇ ਹਨ।

ਗੂਗਲ ਆਪਣੇ ਕੁਝ ਪੁਰਾਣੇ ਐਂਡਰਾਇਡ ਵਰਜ਼ਨ ਵਿੱਚ ਸੁਰੱਖਿਆ ਅਪਡੇਟਾਂ ਦੀ ਸਪੋਰਟ ਬੰਦ ਕਰਨ ਜਾ ਰਿਹਾ ਹੈ।

ਸਭ ਤੋਂ ਵੱਡਾ ਝਟਕਾ ਐਂਡਰਾਇਡ 12 ਜਾਂ 12L ਓਪਰੇਟਿੰਗ ਸਿਸਟਮ ਲਈ ਹੈ।

ਗੂਗਲ ਨੇ ਇਨ੍ਹਾਂ ਅਡੀਸ਼ਨਾਂ 'ਤੇ ਸੁਰੱਖਿਆ ਅਪਡੇਟ ਦੇਣਾ ਬੰਦ ਕਰ ਦਿੱਤਾ ਹੈ।

ਇਸ ਦਾ ਮਤਲਬ ਹੈ ਕਿ ਹੁਣ ਤੁਹਾਡੇ ਸਮਾਰਟਫੋਨ ਦੀ ਸੁਰੱਖਿਆ ਖਤਰੇ ਵਿੱਚ ਹੈ ਤੇ ਇਹ ਹੈਕਰਾਂ ਲਈ ਇੱਕ ਆਸਾਨ ਨਿਸ਼ਾਨਾ ਬਣ ਸਕਦਾ ਹੈ।

ਗੂਗਲ ਹਰੇਕ ਐਂਡਰਾਇਡ ਵਰਜ਼ਨ ਨੂੰ ਕੁਝ ਸਾਲਾਂ ਲਈ ਅਪਡੇਟ ਸਪੋਰਟ ਪ੍ਰਦਾਨ ਕਰਦਾ ਹੈ। ਆਮ ਤੌਰ 'ਤੇ ਇਹ ਸਮਾਂ 3 ਤੋਂ 4 ਸਾਲ ਹੁੰਦਾ ਹੈ।

ਐਂਡਰਾਇਡ 12 ਤੇ 12L ਹੁਣ ਇਸ ਸੀਮਾ ਨੂੰ ਪਾਰ ਕਰ ਚੁੱਕੇ ਹਨ। ਇਸ ਲਈ ਗੂਗਲ ਹੁਣ ਇਨ੍ਹਾਂ ਵਰਜ਼ਨਾਂ ਲਈ ਸੁਰੱਖਿਆ ਅਪਡੇਟ ਭੇਜਣਾ ਬੰਦ ਕਰ ਰਿਹਾ ਹੈ।

ਸੁਰੱਖਿਆ ਅਪਡੇਟਸ ਨੂੰ ਰੋਕਣ ਦਾ ਮਤਲਬ ਹੈ ਕਿ ਫੋਨ ਦੀ ਸੁਰੱਖਿਆ ਘੱਟ ਜਾਵੇਗੀ।

ਫ਼ੋਨ ਵਿੱਚ ਬੱਗ ਵੱਧ ਸਕਦੇ ਹਨ, ਜੋ ਇਸ ਦੀ ਕਾਰਗੁਜ਼ਾਰੀ ਨੂੰ slow ਕਰ ਸਕਦੇ ਹਨ।

ਤੁਹਾਡਾ ਡੇਟਾ, ਪਾਸਵਰਡ, ਬੈਂਕਿੰਗ ਐਪਸ ਤੇ ਔਨਲਾਈਨ ਭੁਗਤਾਨ ਹੁਣ ਜੋਖਮ ਵਿੱਚ ਹੋ ਸਕਦੇ ਹਨ।

ਜੇਕਰ ਤੁਸੀਂ ਐਂਡਰਾਇਡ 12 ਜਾਂ 12L 'ਤੇ ਚੱਲਣ ਵਾਲਾ ਫ਼ੋਨ ਵਰਤ ਰਹੇ ਹੋ, ਤਾਂ ਹੁਣੇ ਸੁਚੇਤ ਹੋ ਜਾਓ।