ਪੰਜਾਬ ਸਰਕਾਰ ਉਪਭੋਗਤਾਵਾਂ ਨੂੰ ਹਰ ਮਹੀਨੇ 300 ਯੂਨਿਟ ਫਰੀ ਬਿਜਲੀ ਦੇ ਰਹੀ ਹੈ।

ਇਸ ਨਾਲ ਸਿਆਲ ਵਿੱਚ ਤਾਂ 70-80 ਫੀਸਦੀ ਲੋਕਾਂ ਦੇ ਜ਼ੀਰੋ ਬਿੱਲ ਆ ਜਾਂਦੇ ਹਨ ,ਪਰ ਗਰਮੀਆਂ ਵਿੱਚ ਏਸੀ ਤੇ ਪੱਖੇ ਚੱਲਣ ਨਾਲ ਝਟਕਾ ਲੱਗਦਾ ਹੈ।

ਕੇਂਦਰ ਸਰਕਾਰ ਦੀ ਇੱਕ ਸਕੀਮ ਦਾ ਫਾਇਦਾ ਲੈ ਕੇ ਬਹੁਤ ਸਾਰੇ ਉਪਭੋਗਤਾ ਗਰਮੀਆਂ ਵਿੱਚ ਵੀ ਜ਼ੀਰੋ ਬਿੱਲ ਲਿਆ ਸਕਦੇ ਹਨ।

ਦਰਅਸਲ ਭਰਤ ਸਰਕਾਰ ਇਸ ਸੋਲਰ ਪੈਨਲ ਲਗਾਉਣ ਲਈ ਕਾਫੀ ਸਬਸਿਡੀ ਦੇ ਰਹੀ ਹੈ।

ਸੋਲਰ ਪੈਨਲ ਸੂਰਜੀ ਊਰਜਾ ਤੋਂ ਬਿਜਲੀ ਪੈਦਾ ਕਰਦੇ ਹਨ ਤੇ ਇੱਕ ਈਕੋ-ਫ੍ਰੈਂਡਲੀ ਊਰਜਾ ਸ੍ਰੋਤ ਪ੍ਰਦਾਨ ਕਰਦੇ ਹਨ।

ਇਸ ਨਾਲ ਜਿੱਥੇ ਸਸਤੀ ਬਿਜਲੀ ਮਿਲਦੀ ਹੈ, ਉੱਥੇ ਹੀ ਵਾਤਾਵਰਨ ਵੀ ਸ਼ੁੱਧ ਰਹਿੰਦਾ ਹੈ।

ਇਸ ਸਾਲ ਸਰਕਾਰ ਨੇ ਪ੍ਰਧਾਨ ਮੰਤਰੀ ਸੂਰਜ ਘਰ ਮੁਫਤ ਬਿਜਲੀ ਯੋਜਨਾ ਸ਼ੁਰੂ ਕੀਤੀ ਹੈ।

ਇਸ ਵਿੱਚ ਨਾ ਸਿਰਫ ਸਬਸਿਡੀ ਦਿੱਤੀ ਜਾਂਦੀ ਹੈ ਬਲਕਿ 300 ਯੂਨਿਟ ਮੁਫਤ ਬਿਜਲੀ ਵੀ ਦਿੱਤੀ ਜਾਂਦੀ ਹੈ।

ਤੁਸੀਂ ਬਿਨਾਂ ਬੈਟਰੀ ਦੇ 1 kW ਸੋਲਰ ਸਿਸਟਮ ਲਗਾਉਣ ਲਈ ₹ 30,000 ਤੱਕ ਦੀ ਸਬਸਿਡੀ ਪ੍ਰਾਪਤ ਕਰ ਸਕਦੇ ਹੋ।

ਸਬਸਿਡੀ ਦਾ ਲਾਭ ਲੈ ਕੇ ਤੁਸੀਂ ਇਸ ਸੋਲਰ ਸਿਸਟਮ ਨੂੰ ਸਿਰਫ ₹15,000 ਤੋਂ ₹25,000 ਵਿੱਚ ਸਥਾਪਤ ਕਰਵਾ ਸਕਦੇ ਹੋ।