Broadcasters Hike Channel Prices: ਨਵੇਂ ਸਾਲ 'ਚ ਟੀਵੀ ਦੇਖਣ ਲਈ ਤੁਹਾਨੂੰ ਜ਼ਿਆਦਾ ਪੈਸੇ ਖਰਚ ਕਰਨੇ ਪੈਣਗੇ। ਜ਼ੀ ਐਂਟਰਟੇਨਮੈਂਟ (Zee Entertainment) ,

ਵਾਇਕਾਮ 18 (Viacom 18) ਅਤੇ ਸੋਨੀ ਪਿਕਚਰਜ਼ ਨੈੱਟਵਰਕ ਇੰਡੀਆ (Sony Pictures Networks India) ਵਰਗੇ ਦੇਸ਼ ਦੇ ਪ੍ਰਮੁੱਖ ਪ੍ਰਸਾਰਕਾਂ (Top Broadcasters) ਨੇ ਆਪਣੇ

ਟੀਵੀ ਚੈਨਲਾਂ (TV channels) ਦੇ ਰੇਟ ਵਧਾ ਕੇ ਆਮ ਲੋਕਾਂ ਨੂੰ ਵੱਡਾ ਝਟਕਾ ਦਿੱਤਾ ਹੈ। ਇਸ ਘੋਸ਼ਣਾ ਤੋਂ ਬਾਅਦ, ਹੁਣ ਗਾਹਕਾਂ ਨੂੰ ਆਪਣੇ ਪਸੰਦੀਦਾ ਚੈਨਲ ਨੂੰ ਦੇਖਣ ਲਈ ਜ਼ਿਆਦਾ ਪੈਸੇ ਦੇਣੇ ਪੈਣਗੇ।

ਵਾਇਆਕਾਮ 18 ਅਤੇ ਨੈੱਟਵਰਕ 18 ਦੀ ਡਿਸਟ੍ਰੀਬਿਊਸ਼ਨ ਆਰਮ ਨੇ ਆਪਣੇ ਚੈਨਲਾਂ ਦੀਆਂ ਦਰਾਂ 20 ਤੋਂ 25 ਫੀਸਦੀ ਵਧਾਉਣ ਦਾ ਫੈਸਲਾ ਕੀਤਾ ਹੈ।

ਉਥੇ ਹੀ ਜ਼ੀ ਐਂਟਰਟੇਨਮੈਂਟ ਨੇ ਚੈਨਲਾਂ ਦੀਆਂ ਦਰਾਂ 9 ਤੋਂ 10 ਫੀਸਦੀ ਤੱਕ ਵਧਾ ਦਿੱਤੀਆਂ ਹਨ। ਸੋਨੀ ਨੇ ਚੈਨਲਾਂ ਦੇ ਰੇਟ 9 ਤੋਂ 10 ਫੀਸਦੀ ਤੱਕ ਵਧਾ ਦਿੱਤੇ ਹਨ। ਜਦੋਂ ਕਿ ਡਿਜ਼ਨੀ ਸਟਾਰ ਨੇ ਅਜੇ ਤੱਕ ਵਾਧੇ ਦੀ ਜਾਣਕਾਰੀ ਨਹੀਂ ਦਿੱਤੀ ਹੈ।

ਪ੍ਰਸਾਰਕਾਂ ਨੇ ਸਪੱਸ਼ਟ ਕੀਤਾ ਹੈ ਕਿ ਵਧੀਆਂ ਦਰਾਂ 1 ਫਰਵਰੀ 2024 ਤੋਂ ਲਾਗੂ ਹੋਣਗੀਆਂ।

ਟੈਲੀਕਾਮ ਰੈਗੂਲੇਟਰੀ ਅਥਾਰਟੀ ਆਫ ਇੰਡੀਆ ਭਾਵ ਟਰਾਈ ਦੇ ਨਿਯਮਾਂ ਮੁਤਾਬਕ ਬ੍ਰਾਡਕਾਸਟਰ ਆਪਣੇ ਐਲਾਨ ਦੇ 30 ਦਿਨਾਂ ਬਾਅਦ ਹੀ ਨਵੀਆਂ ਦਰਾਂ ਨੂੰ ਲਾਗੂ ਕਰ ਸਕਦੇ ਹਨ। ਅਜਿਹੇ 'ਚ ਟਰਾਈ ਗਾਹਕਾਂ ਦੇ ਹਿੱਤ 'ਚ ਦਰਾਂ ਦੀ ਸਹੀ ਨਿਗਰਾਨੀ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ।