Accidents Avoiding Technique: ਹਰ ਰੋਜ਼ ਦੁਨੀਆ ਭਰ ਵਿੱਚ ਸੜਕ ਹਾਦਸਿਆਂ ਕਾਰਨ ਹਜ਼ਾਰਾਂ ਮੌਤਾਂ ਹੁੰਦੀਆਂ ਹਨ। ਜਿਸ ਤਰ੍ਹਾਂ ਵਿਗਿਆਨ ਤਰੱਕੀ ਕਰ ਰਿਹਾ ਹੈ, ਬਹੁਤ ਸਾਰੀਆਂ ਤਕਨੀਕਾਂ ਵੀ ਸੜਕਾਂ 'ਤੇ ਆ ਗਈਆਂ ਹਨ। ਪਹਾੜੀ ਖੇਤਰਾਂ ਵਿੱਚ ਦੁਰਘਟਨਾਵਾਂ ਹੋਣ ਦੀ ਸੰਭਾਵਨਾ ਸਭ ਤੋਂ ਵੱਧ ਹੁੰਦੀ ਹੈ, ਕਿਉਂਕਿ ਇਹਨਾਂ ਖੇਤਰਾਂ ਦੀਆਂ ਸੜਕਾਂ ਮੋੜਵੀਂਆਂ ਹੁੰਦੀਆਂ ਹਨ। ਇਸ ਕਾਰਨ ਅਕਸਰ ਇੱਕ ਮੋੜ 'ਤੇ ਦੋ ਵਾਹਨਾਂ ਦੀ ਆਪਸ ਵਿੱਚ ਟੱਕਰ ਹੋ ਜਾਂਦੀ ਹੈ। ਅਜਿਹੇ ਹਾਦਸਿਆਂ ਤੋਂ ਬਚਣ ਲਈ ਭਾਰਤ ਵਿਚ ਕਈ ਥਾਵਾਂ 'ਤੇ ਆਧੁਨਿਕ ਤਕਨੀਕ ਦੀ ਵਰਤੋਂ ਕੀਤੀ ਜਾਂਦੀ ਹੈ।
ਸੜਕਾਂ 'ਤੇ ਅਡਵਾਂਸ ਤਕਨੀਕ
ਸਾਲ 2017 ਵਿੱਚ, ਹਿੰਦੁਸਤਾਨ ਪੈਟਰੋਲੀਅਮ ਅਤੇ ਲੀਓ ਬਰਨੇਟ ਨੇ ਪਹਾੜੀ ਖੇਤਰਾਂ ਦੀਆਂ ਮੋੜਵੀਆਂ ਸੜਕਾਂ 'ਤੇ ਹਾਦਸਿਆਂ ਤੋਂ ਬਚਣ ਲਈ ਇੱਕ ਅਨੋਖੀ ਤਕਨੀਕ ਵਿਕਸਿਤ ਕੀਤੀ ਤਸੀ। ਇਸ ਤਹਿਤ ਮੋੜਵੀਆਂ ਸੜਕਾਂ 'ਤੇ ਵਾਹਨਾਂ ਦੀ ਬਜਾਏ ਸੜਕ 'ਤੇ ਹੀ ਹਾਰਨ ਵਜਣੇ ਸ਼ੁਰੂ ਹੋ ਜਾਂਦੇ ਹਨ। ਇਸ ਪ੍ਰਣਾਲੀ ਦੇ ਸ਼ੁਰੂ ਹੋਣ ਤੋਂ ਬਾਅਦ ਹਾਦਸਿਆਂ ਵਿੱਚ ਕਾਫੀ ਕਮੀ ਆਈ ਹੈ। ਇਹ ਤਕਨੀਕ ਪਹਿਲੀ ਵਾਰ ਜੰਮੂ ਅਤੇ ਸ਼੍ਰੀਨਗਰ ਨੂੰ ਜੋੜਨ ਵਾਲੇ NH 1 'ਤੇ ਵਰਤੀ ਗਈ ਸੀ। NH 1 'ਤੇ ਸੜਕਾਂ ਬਹੁਤ ਮੋੜਵੀਆਂ ਹਨ। ਅਜਿਹੇ 'ਚ ਸਾਹਮਣੇ ਤੋਂ ਕੋਈ ਗੱਡੀ ਆ ਰਹੀ ਹੈ ਜਾਂ ਨਹੀਂ, ਇਹ ਪਤਾ ਨਹੀਂ ਲੱਗਦਾ ਸੀ ਦੇਖੋ ਵੀਡੀਓ-
ਸੜਕਾਂ ਤੋਂ ਆਉਂਦੀ ਹੈ ਆਵਾਜ਼
ਕਈ ਵਾਰ ਵਾਹਨ ਚਾਲਕ ਪਹਾੜੀ ਸੜਕਾਂ 'ਤੇ ਹਾਰਨ ਵਜਾਉਣਾ ਭੁੱਲ ਜਾਂਦੇ ਸਨ। ਇਸ ਕਾਰਨ ਭਿਆਨਕ ਹਾਦਸਾ ਹੋਣ ਦੀ ਸੰਭਾਵਨਾ ਰਹਿੰਦੀ ਸੀ। ਅਜਿਹੇ 'ਚ ਇਸ ਨਵੀਂ ਤਕਨੀਕ ਨੇ ਬਹੁਤ ਪ੍ਰਭਾਵਸ਼ਾਲੀ ਢੰਗ ਨਾਲ ਕੰਮ ਕੀਤਾ ਹੈ। ਇਸ ਵਿੱਚ ਸੜਕਾਂ ਦੇ ਚਾਰੇ ਪਾਸੇ ਸਮਾਰਟ ਲਾਈਫ ਪੋਲ (Smart life polls) ਲਗਾਏ ਗਏ। ਜਿਵੇਂ ਹੀ ਕੋਈ ਕਾਰ ਉਨ੍ਹਾਂ ਦੇ ਨੇੜੇ ਪਹੁੰਚਦੀ ਹੈ ਤਾਂ ਸੜਕ ਤੋਂ ਹਾਰਨ ਵੱਜਣਾ ਸ਼ੁਰੂ ਹੋ ਜਾਂਦਾ ਹੈ, ਯਾਨੀ ਸੜਕ ਤੋਂ ਆਵਾਜ਼ ਆਉਣੀ ਸ਼ੁਰੂ ਹੋ ਜਾਂਦੀ ਹੈ। ਇਹ ਦੂਜੇ ਪਾਸੇ ਦੇ ਡਰਾਈਵਰ ਨੂੰ ਸੁਚੇਤ ਕਰਦਾ ਹੈ ਅਤੇ ਹਾਦਸਾ ਟਲ ਜਾਂਦਾ ਹੈ। ਹੁਣ ਇਸ ਤਕਨੀਕ ਨੂੰ ਦੇਸ਼ ਦੀਆਂ ਹੋਰ ਸੜਕਾਂ 'ਤੇ ਵੀ ਲਾਗੂ ਕਰਨ ਦੀ ਯੋਜਨਾ ਹੈ। ਰੋਹਤਾਂਗ ਪਾਸ ਤੋਂ ਲੈ ਕੇ ਲੇਹ ਮਨਾਲੀ ਹਾਈਵੇ ਤੱਕ ਵੀ ਅਜਿਹੀ ਤਕਨੀਕ ਲਗਾਉਣ ਦੀ ਯੋਜਨਾ ਹੈ।