Viral News: ਕੁੜੀਆਂ ਨਾਲ ਫਲਰਟ (Flirt) ਕਰਨਾ ਭਾਰਤ 'ਚ ਠੀਕ ਨਹੀਂ ਮੰਨਿਆ ਜਾਂਦਾ। ਸਾਡੇ ਬਜ਼ੁਰਗ ਸਾਨੂੰ ਇਨ੍ਹਾਂ ਹਰਕਤਾਂ ਤੋਂ ਦੂਰ ਰਹਿਣ ਦੀ ਸਲਾਹ ਦਿੰਦੇ ਹਨ, ਪਰ ਇੱਕ ਲੜਕਾ ਹੈ ਜੋ ਇਸ ਨੂੰ ਗਲਤ ਸਾਬਤ ਕਰ ਰਿਹਾ ਹੈ ਤੇ ਕੁੜੀਆਂ ਨਾਲ ਫਲਰਟ ਕਰਕੇ ਹਰ ਹਫ਼ਤੇ ਲੱਖਾਂ ਰੁਪਏ ਕਮਾ ਰਿਹਾ ਹੈ। ਸੁਣਨ 'ਚ ਤੁਹਾਨੂੰ ਅਜੀਬ ਲੱਗ ਸਕਦਾ ਹੈ ਪਰ ਇਹ ਸੱਚ ਹੈ।
ਅਮਰੀਕਾ ਦੇ ਅਲਬਾਮਾ ਦੇ ਇੱਕ ਲੜਕੇ ਨੇ ਇਸ ਕੰਮ ਨੂੰ ਆਪਣਾ ਕਿੱਤਾ ਬਣਾ ਲਿਆ ਹੈ। ਇਸ ਤੋਂ ਲੱਖਾਂ ਰੁਪਏ ਕਮਾ ਰਿਹਾ ਹੈ। ਉਸ ਦੇ ਕਾਰਨਾਮਿਆਂ ਦੀ ਕਾਫ਼ੀ ਚਰਚਾ ਹੈ। ਆਓ ਤੁਹਾਨੂੰ ਇਹ ਵੀ ਦੱਸਦੇ ਹਾਂ ਕਿ ਇਹ ਲੜਕਾ ਕੀ ਕਰਦਾ ਹੈ ਤੇ ਕਿਵੇਂ ਕਮਾ ਲੈਂਦਾ ਹੈ ਲੱਖਾਂ ਰੁਪਏ।
ਸੋਸ਼ਲ ਮੀਡੀਆ ਰਾਹੀਂ ਹੁੰਦਾ ਕੁਨੈਕਟ
ਰਿਪੋਰਟ ਮੁਤਾਬਕ ਅਲਬਾਮਾ ਦੇ ਯੇਰਕਵੁੱਡ (Yerkwood) 'ਚ ਰਹਿਣ ਵਾਲਾ ਜੇਵੀਅਰ ਲੋਂਗ (Jevier Loang) ਅਣਜਾਣ ਔਰਤਾਂ ਦਾ ਲਾਇਲਟੀ ਟੈਸਟ (Loyalty Test) ਕਰਨ ਦਾ ਕੰਮ ਕਰਦਾ ਹੈ। ਇਸ ਦੇ ਜ਼ਰੀਏ ਉਹ 1 ਹਫ਼ਤੇ 'ਚ ਡੇਢ ਲੱਖ ਰੁਪਏ ਤਕ ਕਮਾ ਲੈਂਦਾ ਹੈ। ਉਸ ਨੇ ਦੱਸਿਆ ਕਿ ਉਹ ਆਪਣੇ ਕੰਮ ਨੂੰ ਫਲਰਟ ਨਾਲ ਅੰਜਾਮ ਦਿੰਦਾ ਹੈ।
ਇਸ ਤੋਂ ਪਹਿਲਾਂ ਉਹ ਸੋਸ਼ਲ ਮੀਡੀਆ ਰਾਹੀਂ ਫਲਰਟ ਕਰਦਾ ਸੀ। ਇਸ ਤੋਂ ਉਹ ਦੇਖਦਾ ਹੈ ਕਿ ਔਰਤ ਕਿਵੇਂ ਰਿਐਕਟ ਕਰਦੀ ਹੈ। ਇਸ ਤੋਂ ਬਾਅਦ ਉਹ ਉਸ ਨਾਲ ਦੋਸਤੀ ਕਰਦਾ ਹੈ ਤੇ ਫਿਰ ਉਸ ਦੇ ਨੇੜੇ ਆਉਣ ਦੀ ਕੋਸ਼ਿਸ਼ ਕਰਦਾ ਹੈ। ਇਸ ਪ੍ਰੋਸੈਸ ਨਾਲ ਉਹ ਆਸਾਨੀ ਨਾਲ ਪਤਾ ਲਗਾ ਸਕਦਾ ਹੈ ਕਿ ਕੀ ਉਹ ਲੜਕੀ ਆਪਣੇ ਸਾਥੀ ਪ੍ਰਤੀ ਵਫ਼ਾਦਾਰ ਹੈ ਜਾਂ ਨਹੀਂ।
ਇਸ ਤਰ੍ਹਾਂ ਹੋਈ ਇਸ ਕੰਮ ਦੀ ਸ਼ੁਰੂਆਤ
ਜੇਵੀਅਰ ਦਾ ਕਹਿਣਾ ਹੈ ਕਿ ਇਹ ਕੰਮ ਸ਼ੁਰੂ ਕਰਦੇ ਸਮੇਂ ਉਸ ਨੇ ਕਦੇ ਨਹੀਂ ਸੋਚਿਆ ਸੀ ਕਿ ਇਹ ਮੇਰਾ ਕਿੱਤਾ ਬਣ ਜਾਵੇਗਾ। ਉਸ ਦਾ ਕਹਿਣਾ ਹੈ ਕਿ ਕੁਝ ਸਾਲ ਪਹਿਲਾਂ ਇੰਸਟਾਗ੍ਰਾਮ 'ਤੇ ਇੱਕ ਫ਼ੌਲੋਅਰ ਨੇ ਆਪਣੀ ਗਰਲਫ੍ਰੈਂਡ ਦਾ ਲਾਇਲਟੀ ਟੈਸਟ ਕਰਵਾਉਣ ਲਈ ਮਦਦ ਮੰਗੀ ਸੀ। ਉਸ ਨੇ ਉਸ ਦੀ ਮਦਦ ਕੀਤੀ ਤੇ ਇਸ ਘਟਨਾ ਦੀ ਵੀਡੀਓ ਟਿਕਟੌਕ 'ਤੇ ਸ਼ੇਅਰ ਕੀਤਾ।
ਇਸ ਤੋਂ ਬਾਅਦ ਵੱਡੀ ਗਿਣਤੀ 'ਚ ਲੋਕਾਂ ਨੇ ਆਪਣੀ ਗਰਲਫ੍ਰੈਂਡ ਦਾ ਲਾਇਲਟੀ ਟੈਸਟ ਕਰਵਾਉਣ ਲਈ ਉਸ ਨਾਲ ਸੰਪਰਕ ਕਰਨਾ ਸ਼ੁਰੂ ਕਰ ਦਿੱਤਾ। ਜਦੋਂ ਲੋਕਾਂ ਦਾ ਚੰਗਾ ਰਿਸਪੌਂਸ ਮਿਲਣ ਲੱਗਾ ਤਾਂ ਉਹ ਇਸ ਕੰਮ ਲਈ ਚਾਰਜ ਕਰਨ ਲੱਗਿਆ। ਉਹ ਇੱਕ ਟੈਸਟ ਲਈ ਫੀਸ ਲੈਂਦਾ ਹੈ। ਜੇਕਰ ਕੋਈ ਔਰਤ ਟੈਸਟ 'ਚ ਫੇਲ੍ਹ ਹੋ ਜਾਂਦੀ ਹੈ ਤਾਂ ਉਹ ਗਾਹਕ ਦੇ ਪੈਸੇ ਵਾਪਸ ਕਰ ਦਿੰਦਾ ਹੈ। ਉਹ ਇੱਕ ਦਿਨ 'ਚ 15 ਹਜ਼ਾਰ ਰੁਪਏ ਤਕ ਕਮਾ ਲੈਂਦਾ ਹੈ। ਜੇਵੀਅਰ ਨੇ ਟਿਕਟੌਕ 'ਤੇ ਆਪਣੇ ਲਾਇਲਟੀ ਟੈਸਟ ਦੇ ਨਤੀਜੇ ਵੀ ਸ਼ੇਅਰ ਕੀਤੇ।
ਇਕ ਗਾਹਕ ਨੇ ਦਿੱਤੇ ਇੰਨੇ ਪੈਸੇ
ਜੇਵੀਅਰ ਦਾ ਕਹਿਣਾ ਹੈ ਕਿ ਹੁਣ ਤਕ ਉਸ ਨੂੰ ਸਭ ਤੋਂ ਵੱਧ ਚਾਰਜ 55 ਹਜ਼ਾਰ ਰੁਪਏ ਮਿਲੇ ਹਨ। ਦੇਣ ਵਾਲਾ ਸ਼ਾਇਦ ਬਹੁਤ ਅਮੀਰ ਸੀ। ਉਸ ਦੀ ਗਰਲਫ੍ਰੈਂਡ ਲਾਇਲਟੀ ਟੈਸਟ 'ਚ ਫੇਲ ਹੋ ਗਈ ਸੀ। ਇਸ ਤੋਂ ਬਾਅਦ ਵੀ ਉਸ ਨੇ ਜ਼ਬਰਦਸਤੀ ਇਹ ਪੈਸੇ ਦਿੱਤੇ। ਉਸ ਦਾ ਕਹਿਣਾ ਹੈ ਕਿ ਮੈਨੂੰ ਕਿਸੇ ਨੌਕਰੀ ਦੀ ਲੋੜ ਨਹੀਂ। ਮੈਂ ਇਸ ਕੰਮ ਤੋਂ ਇਕ ਹਫ਼ਤੇ 'ਚ 1 ਲੱਖ 50 ਹਜ਼ਾਰ ਰੁਪਏ ਤੱਕ ਕਮਾ ਲੈਂਦਾ ਹਾਂ। ਟੈਸਟ 'ਚ ਪਾਸ ਅਤੇ ਫੇਲ ਹੋਣ ਦੇ ਆਧਾਰ 'ਤੇ ਜੇਵੀਅਰ ਦਾ ਕਹਿਣਾ ਹੈ ਕਿ ਜੋ ਲੜਕੀ ਮੈਨੂੰ ਆਪਣੇ ਬੁਆਏਫ੍ਰੈਂਡ ਨੂੰ ਦੱਸੇ ਬਿਨਾਂ ਆਪਣਾ ਨੰਬਰ ਦਿੰਦੀ ਹੈ, ਮੈਂ ਉਸ ਨੂੰ ਫੇਲ ਕਰਾਰ ਦਿੰਦਾ ਹਾਂ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ :
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id81111490