Traffic Challan Scam: ਸਰਕਾਰੀ ਅਧਿਕਾਰੀ ਅਤੇ ਕਾਨੂੰਨ ਲਾਗੂ ਕਰਨ ਵਾਲੀਆਂ ਏਜੰਸੀਆਂ ਲੋਕਾਂ ਨੂੰ ਫਰਜ਼ੀ ਈ-ਚਲਾਨ ਸਕੀਮਾਂ ਬਾਰੇ ਚੇਤਾਵਨੀਆਂ ਦੇ ਰਹੀਆਂ ਹਨ। ਜੋ ਵਿਸ਼ੇਸ਼ ਤੌਰ 'ਤੇ ਟ੍ਰੈਫਿਕ ਚਲਾਨ ਅਲਰਟ ਦੀ ਨਕਲ ਕਰਕੇ ਐਸਐਮਐਸ ਰਾਹੀਂ ਵਾਹਨ ਮਾਲਕਾਂ ਨੂੰ ਨਿਸ਼ਾਨਾ ਬਣਾ ਰਹੇ ਹਨ।
ਇਸ ਘੁਟਾਲੇ ਨੂੰ ਅੰਜਾਮ ਦੇਣ ਵਾਲੇ ਅਪਰਾਧੀ ਈ-ਚਲਾਨ ਵਾਂਗ ਐਸਐਮਐਸ ਚੇਤਾਵਨੀਆਂ ਭੇਜਦੇ ਹਨ, ਜਿਸ ਵਿੱਚ ਭੁਗਤਾਨ ਕਰਨ ਲਈ ਇੱਕ ਲਿੰਕ ਵੀ ਹੁੰਦਾ ਹੈ। ਮੈਸੇਜ ਮਿਲਣ ਤੋਂ ਬਾਅਦ ਜਦੋਂ ਕੋਈ ਵਿਅਕਤੀ ਲਿੰਕ 'ਤੇ ਕਲਿੱਕ ਕਰਦਾ ਹੈ ਤਾਂ ਮੋਬਾਈਲ ਹੈਕਰਾਂ ਦੇ ਕਬਜ਼ੇ 'ਚ ਆ ਜਾਂਦਾ ਹੈ। ਜਿਸ ਕਾਰਨ ਹੈਕਰਾਂ ਨੂੰ ਕ੍ਰੈਡਿਟ/ਡੈਬਿਟ ਕਾਰਡ ਦੀ ਜਾਣਕਾਰੀ ਤੱਕ ਪਹੁੰਚ ਮਿਲਦੀ ਹੈ।
ਜਿਵੇਂ ਕਿ ਕਾਨੂੰਨ ਲਾਗੂ ਕਰਨ ਵਾਲੀਆਂ ਏਜੰਸੀਆਂ ਦੁਆਰਾ ਸਲਾਹ ਦਿੱਤੀ ਗਈ ਹੈ, ਘੁਟਾਲੇ ਕਰਨ ਵਾਲਿਆਂ ਨੇ ਟ੍ਰੈਫਿਕ ਅਧਿਕਾਰੀਆਂ ਦੁਆਰਾ ਵਰਤੇ ਗਏ ਫਾਰਮੈਟਿੰਗ ਨੂੰ ਧਿਆਨ ਨਾਲ ਕਾਪੀ ਕੀਤਾ ਹੈ। ਹਾਲਾਂਕਿ ਜੇਕਰ ਇਸ ਪਾਸੇ ਧਿਆਨ ਦਿੱਤਾ ਜਾਵੇ ਤਾਂ ਇਸ ਤੋਂ ਬਚਿਆ ਜਾ ਸਕਦਾ ਹੈ। ਕਿਉਂਕਿ ਅਧਿਕਾਰਤ ਈ-ਚਲਾਨ ਲਿੰਕ "https://echallan.parivahan.gov.in/" ਹੈ। ਜਦੋਂ ਕਿ ਘੁਟਾਲੇ ਕਰਨ ਵਾਲੇ ਅਜਿਹੇ ਲਿੰਕਾਂ ਦੀ ਵਰਤੋਂ ਕਰਦੇ ਹਨ, ਜੋ ਦਿੱਖ ਵਿੱਚ ਲਗਭਗ ਇੱਕੋ ਜਿਹੇ ਹੁੰਦੇ ਹਨ। ਪਰ ਉਹਨਾਂ ਵਿੱਚ ਥੋੜ੍ਹਾ ਜਿਹਾ ਅੰਤਰ ਹੈ। ਜਿਸ ਨੂੰ ਜਲਦਬਾਜ਼ੀ ਵਿੱਚ ਨਜ਼ਰਅੰਦਾਜ਼ ਕਰ ਦਿੱਤਾ ਜਾਂਦਾ ਹੈ। ਉਦਾਹਰਨ ਲਈ https://echallan.parivahan.in/ ਇੱਥੇ ਲੋਕਾਂ ਨੂੰ ਇਹ ਜਾਣਨ ਦੀ ਲੋੜ ਹੈ ਕਿ ਅਧਿਕਾਰਤ ਈ-ਚਲਾਨ ਭੁਗਤਾਨ ਲਿੰਕ ਦੇ ਅੰਤ ਵਿੱਚ ਹਮੇਸ਼ਾ "gov.in" ਹੁੰਦਾ ਹੈ।
ਸਾਵਧਾਨ ਰਹਿਣ ਤੋਂ ਇਲਾਵਾ, ਜਲਦਬਾਜ਼ੀ ਵਿੱਚ ਭੁਗਤਾਨ ਨਾ ਕਰਨਾ ਇਸ ਤੋਂ ਬਚਣ ਦਾ ਇੱਕ ਹੋਰ ਤਰੀਕਾ ਹੈ। ਸਾਈਬਰ ਕ੍ਰਾਈਮ ਪੁਲਿਸ ਦੇ ਸੀਨੀਅਰ ਅਧਿਕਾਰੀ ਵੀ ਇਸੇ ਗੱਲ 'ਤੇ ਜ਼ੋਰ ਦਿੰਦੇ ਹਨ। ਵਾਹਨ ਮਾਲਕਾਂ ਨੂੰ ਕਿਸੇ ਵੀ ਲਿੰਕ 'ਤੇ ਕਲਿੱਕ ਕਰਨ ਤੋਂ ਪਹਿਲਾਂ ਅਜਿਹੇ ਸੰਦੇਸ਼ਾਂ ਨੂੰ ਧਿਆਨ ਨਾਲ ਪੜ੍ਹ ਲੈਣਾ ਚਾਹੀਦਾ ਹੈ। ਪ੍ਰਮਾਣਿਕਤਾ ਸੰਦੇਸ਼ ਵਿੱਚ ਵੈਧ ਵੇਰਵੇ ਸ਼ਾਮਿਲ ਹੁੰਦੇ ਹਨ ਜਿਵੇਂ ਕਿ ਇੰਜਣ ਨੰਬਰ ਅਤੇ ਵਾਹਨ ਦਾ ਚੈਸੀ ਨੰਬਰ। ਜਦੋਂ ਕਿ ਘੁਟਾਲੇਬਾਜ਼ਾਂ ਵੱਲੋਂ ਭੇਜੇ ਗਏ ਐਸਐਮਐਸ ਵਿੱਚ ਅਜਿਹੀ ਜਾਣਕਾਰੀ ਗਾਇਬ ਰਹਿੰਦੀ ਹੈ। ਇਸ ਤੋਂ ਇਲਾਵਾ, ਅਜਿਹਾ ਕੋਈ ਸੰਦੇਸ਼ ਮਿਲਣ ਤੋਂ ਬਾਅਦ ਸਾਵਧਾਨੀ ਦੇ ਤੌਰ 'ਤੇ, ਅਧਿਕਾਰਤ ਵੈਬਸਾਈਟ 'ਤੇ ਜਾ ਕੇ ਵੀ ਇਸ ਦੀ ਪੁਸ਼ਟੀ ਕੀਤੀ ਜਾਣੀ ਚਾਹੀਦੀ ਹੈ। ਤਾਂ ਜੋ ਤੁਹਾਨੂੰ ਪਤਾ ਲੱਗ ਸਕੇ ਕਿ ਅਸਲ ਵਿੱਚ ਤੁਹਾਡੇ ਵਾਹਨ ਦਾ ਚਲਾਨ ਜਾਰੀ ਕੀਤਾ ਗਿਆ ਹੈ ਜਾਂ ਨਹੀਂ। ਇਸ ਤੋਂ ਇਲਾਵਾ, ਇਹ ਨੋਟ ਕਰਨਾ ਮਹੱਤਵਪੂਰਨ ਹੈ ਕਿ ਅਧਿਕਾਰਤ ਈ-ਚਲਾਨ ਕਦੇ ਵੀ ਨਿੱਜੀ ਮੋਬਾਈਲ ਨੰਬਰਾਂ ਤੋਂ ਨਹੀਂ ਭੇਜੇ ਜਾਂਦੇ ਹਨ।
ਇਹ ਵੀ ਪੜ੍ਹੋ: Success Story: ਪਤੀ-ਪਤਨੀ ਦੋਵੇਂ ਆਈਏਐਸ ਅਧਿਕਾਰੀ, ਫਿਰ ਵੀ ਆਂਗਣਵਾੜੀ ਵਿੱਚ ਕਰਵਾਇਆ ਪੁੱਤਰ ਦਾ ਦਾਖ਼ਲਾ
ਜੇਕਰ ਤੁਸੀਂ ਕਿਸੇ ਤਰ੍ਹਾਂ ਇਸ ਘਪਲੇ 'ਚ ਫਸ ਜਾਂਦੇ ਹੋ ਤਾਂ ਇਸ ਦੀ ਸ਼ਿਕਾਇਤ ਸਹੀ ਜਗ੍ਹਾ 'ਤੇ ਕਰਨੀ ਜ਼ਰੂਰੀ ਹੋ ਜਾਂਦੀ ਹੈ। ਜਿਸ ਲਈ ਤੁਰੰਤ ਨੈਸ਼ਨਲ ਸਾਈਬਰ ਕ੍ਰਾਈਮ ਰਿਪੋਰਟਿੰਗ ਪੋਰਟਲ 1930 'ਤੇ ਸੰਪਰਕ ਕਰਕੇ ਅਤੇ www.cybercrime.gov.in ਰਾਹੀਂ ਸਮੇਂ ਸਿਰ ਸ਼ਿਕਾਇਤ ਦਰਜ ਕਰਾਉਣ ਨਾਲ ਅਣਅਧਿਕਾਰਤ ਲੈਣ-ਦੇਣ ਨੂੰ ਰੋਕਣ ਅਤੇ ਤੁਹਾਡੀ ਮਿਹਨਤ ਦੀ ਕਮਾਈ ਨੂੰ ਸੁਰੱਖਿਅਤ ਰੱਖਣ ਵਿੱਚ ਮਦਦ ਮਿਲ ਸਕਦੀ ਹੈ। ਇਸ ਤੋਂ ਇਲਾਵਾ ਇਸ ਬਾਰੇ ਆਪਣੇ ਬੈਂਕ ਨੂੰ ਸੂਚਿਤ ਕਰੋ, ਨਾਲ ਹੀ ਆਪਣੇ ਨਜ਼ਦੀਕੀ ਪੁਲਿਸ ਸਟੇਸ਼ਨ ਜਾ ਕੇ ਸ਼ਿਕਾਇਤ ਦਰਜ ਕਰਵਾਓ।
ਇਹ ਵੀ ਪੜ੍ਹੋ: Relationship: ਸੁਪਰੀਮ ਕੋਰਟ ਨੇ ਕਿਹਾ - ਜੇਕਰ ਰਿਸ਼ਤਾ ਟੁੱਟਣ ਦੀ ਕਗਾਰ 'ਤੇ....ਤਾਂ ਪਤੀ-ਪਤਨੀ ਨੂੰ ਜ਼ਬਰਦਸਤੀ ਇਕੱਠੇ ਰੱਖਣਾ ਬੇਰਹਿਮੀ
Car loan Information:
Calculate Car Loan EMI