Koo Shutdown: ਦੇਸੀ ਸੋਸ਼ਲ ਮੀਡੀਆ ਸਟਾਰਟਅੱਪ ਕੂ (Koo) ਬੰਦ ਹੋਣ ਜਾ ਰਿਹਾ ਹੈ। ਕੰਪਨੀ ਦੇ ਸਹਿ-ਸੰਸਥਾਪਕ ਅਪਰਾਮਿਆ ਰਾਧਾਕ੍ਰਿਸ਼ਨਨ ਨੇ ਲਿੰਕਡਇਨ ਪੋਸਟ 'ਚ ਇਸ ਗੱਲ ਦਾ ਖੁਲਾਸਾ ਕੀਤਾ ਹੈ। ਪਿਛਲੇ ਕਾਫੀ ਸਮੇਂ ਤੋਂ ਕੂ ਦੀ ਵਿਕਰੀ ਜਾਂ ਰਲੇਵੇਂ ਨੂੰ ਲੈ ਕੇ ਵੱਖ-ਵੱਖ ਕੰਪਨੀਆਂ ਨਾਲ ਗੱਲਬਾਤ ਚੱਲ ਰਹੀ ਸੀ, ਜਿਸ ਵਿੱਚ ਡੇਲੀਹੰਟ ਵੀ ਸ਼ਾਮਲ ਹੈ। ਗੱਲਬਾਤ ਸਫਲ ਨਾ ਹੋਣ ਤੋਂ ਬਾਅਦ, ਕੰਪਨੀ ਦੇ ਸੰਸਥਾਪਕ ਨੇ ਕੂ (Koo) ਨੂੰ ਬੰਦ ਕਰਨ ਦਾ ਫੈਸਲਾ ਕੀਤਾ ਹੈ।
ਕੂ ਨੂੰ ਐਕਸ ਦੇ ਬਦਲ ਵਜੋਂ ਪੇਸ਼ ਕੀਤਾ ਜਾ ਰਿਹਾ ਸੀ, ਜੋ ਪਹਿਲਾਂ ਟਵਿੱਟਰ ਵਜੋਂ ਜਾਣਿਆ ਜਾਂਦਾ ਸੀ। ਅਪ੍ਰਮਾਯਾ ਰਾਧਾਕ੍ਰਿਸ਼ਨਨ ਅਤੇ ਮਯੰਕ ਬਿਦਵਾਤਕਾ ਨੇ 2019 ਵਿੱਚ ਕੂ ਦੀ ਸ਼ੁਰੂਆਤ ਕੀਤੀ ਸੀ ਅਤੇ ਇਸਨੂੰ ਮਾਰਚ 2020 ਵਿੱਚ ਲਾਂਚ ਕੀਤਾ ਗਿਆ ਸੀ।
ਕੂ (Koo) ਉਸ ਸਮੇਂ ਸੁਰਖੀਆਂ 'ਚ ਆਇਆ ਜਦੋਂ ਦਿੱਲੀ ਦੀਆਂ ਸਰਹੱਦਾਂ 'ਤੇ ਤਿੰਨ ਖੇਤੀ ਕਾਨੂੰਨਾਂ ਵਿਰੁੱਧ ਕਿਸਾਨਾਂ ਦੇ ਪ੍ਰਦਰਸ਼ਨ ਦੌਰਾਨ ਸੋਸ਼ਲ ਮੀਡੀਆ ਪਲੇਟਫਾਰਮ ਤੋਂ ਵਿਰੋਧ ਦੀਆਂ ਵੀਡੀਓਜ਼ ਨੂੰ ਹਟਾਉਣ ਨੂੰ ਲੈ ਕੇ ਭਾਰਤ ਸਰਕਾਰ ਅਤੇ ਐਕਸ (ਪਹਿਲਾਂ ਟਵਿੱਟਰ) ਵਿਚਾਲੇ ਝਗੜਾ ਹੋਇਆ। ਹਾਲਾਤ ਇਹ ਬਣ ਗਏ ਕਿ ਸਰਕਾਰ ਦੀਆਂ ਪ੍ਰੈਸ ਰਿਲੀਜ਼ਾਂ ਵੀ ‘ਐਕਸ’ ਦੀ ਥਾਂ ‘ਕੂ’ ਵਿੱਚ ਆਉਣ ਲੱਗ ਪਈਆਂ।
ਕੂ ਦੇ ਬੰਦ ਹੋਣ ਦਾ ਖੁਲਾਸਾ ਅਪ੍ਰੇਮਿਆ ਰਾਧਾਕ੍ਰਿਸ਼ਨ ਨੇ ਲਿੰਕਡਇਨ 'ਤੇ ਇੱਕ ਪੋਸਟ ਵਿੱਚ ਕੀਤਾ ਸੀ। ਉਨ੍ਹਾਂ ਨੇ ਲਿਖਿਆ, ਇਹ ਸਾਡੀ ਤਰਫ ਤੋਂ ਅੰਤਿਮ ਅਪਡੇਟ ਹੈ। ਭਾਈਵਾਲੀ ਸੰਬੰਧੀ ਸਾਡੀਆਂ ਚੱਲ ਰਹੀਆਂ ਗੱਲਬਾਤ ਅਸਫਲ ਰਹੀ ਹੈ ਅਤੇ ਅਸੀਂ ਆਮ ਲੋਕਾਂ ਲਈ ਸਾਡੀਆਂ ਸੇਵਾਵਾਂ ਨੂੰ ਬੰਦ ਕਰਨ ਜਾ ਰਹੇ ਹਾਂ। ਅਸੀਂ ਵੱਡੀਆਂ ਇੰਟਰਨੈਟ ਕੰਪਨੀਆਂ, ਕਾਰਪੋਰੇਟ ਸਮੂਹਾਂ ਅਤੇ ਮੀਡੀਆ ਹਾਊਸਾਂ ਨਾਲ ਸਾਂਝੇਦਾਰੀ ਲਈ ਗੱਲਬਾਤ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ ਪਰ ਗੱਲਬਾਤ ਦਾ ਨਤੀਜਾ ਨਹੀਂ ਨਿਕਲਿਆ ਜਿਵੇਂ ਅਸੀਂ ਚਾਹੁੰਦੇ ਸੀ।ਬਹੁਤੇ ਲੋਕ ਉਪਭੋਗਤਾ ਦੁਆਰਾ ਤਿਆਰ ਕੀਤੀ ਸਮੱਗਰੀ ਅਤੇ Wild trend ਵਾਲੀ ਇੱਕ ਸੋਸ਼ਲ ਮੀਡੀਆ ਕੰਪਨੀ ਨਾਲ ਨਜਿੱਠਣਾ ਨਹੀਂ ਚਾਹੁੰਦੇ ਸਨ। ਕੁਝ ਸੌਦੇ 'ਤੇ ਦਸਤਖਤ ਕਰਨ ਦੇ ਨੇੜੇ ਪਹੁੰਚਣ ਤੋਂ ਬਾਅਦ ਪਿੱਛੇ ਹਟ ਗਏ।
ਅਪ੍ਰੇਮਿਆ ਰਾਧਾਕ੍ਰਿਸ਼ਨ ਨੇ ਕਿਹਾ, ਅਸੀਂ ਐਪ ਨੂੰ ਚੱਲਦਾ ਰੱਖਣਾ ਚਾਹੁੰਦੇ ਸੀ ਪਰ ਸੋਸ਼ਲ ਮੀਡੀਆ ਐਪ ਨੂੰ ਚਲਾਉਣ ਲਈ ਤਕਨਾਲੋਜੀ ਸੇਵਾਵਾਂ ਦੀ ਕੀਮਤ ਬਹੁਤ ਜ਼ਿਆਦਾ ਹੈ ਅਤੇ ਇਸ ਕਾਰਨ ਸਾਨੂੰ ਇਹ ਫੈਸਲਾ ਲੈਣਾ ਪਿਆ ਹੈ। ਦੱਸ ਦਈਏ ਇਸ ਐਪ ਉੱਤੇ ਕਈ ਨਾਮੀ ਕਲਾਕਾਰਾਂ ਦੇ ਅਕਾਊਂਟ ਸਨ। ਜਿੱਥੇ ਉਹ ਆਪਣੇ ਫੈਨਜ਼ ਦੇ ਨਾਲ ਕੁੱਝ ਨਾ ਕੁੱਝ ਪੋਸਟ ਕਰਦੇ ਰਹਿੰਦੇ ਸਨ।