Stock Market Closing On 11th April 2023: ਮੰਗਲਵਾਰ ਦਾ ਦਿਨ ਭਾਰਤੀ ਸ਼ੇਅਰ ਬਾਜ਼ਾਰ ਲਈ ਬਹੁਤ ਹੀ ਸ਼ੁਭ ਦਿਨ ਰਿਹਾ। ਬੈਂਕਿੰਗ ਸਟਾਕਾਂ 'ਚ ਸ਼ਾਨਦਾਰ ਤੇਜ਼ੀ ਨਾਲ ਸੈਂਸੈਕਸ ਤੀਹਰੇ ਸੈਂਕੜੇ ਦੇ ਨਾਲ ਬੰਦ ਹੋਇਆ ਹੈ। ਅੱਜ ਦੇ ਕਾਰੋਬਾਰ 'ਚ ਬੀ.ਐੱਸ.ਈ. ਦਾ ਸੈਂਸੈਕਸ 311 ਅੰਕਾਂ ਦੇ ਵਾਧੇ ਨਾਲ 60,157 'ਤੇ ਬੰਦ ਹੋਇਆ, ਜਦਕਿ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 98 ਅੰਕਾਂ ਦੇ ਵਾਧੇ ਨਾਲ 17,722 'ਤੇ ਬੰਦ ਹੋਇਆ। ਅੱਜ ਬਾਜ਼ਾਰ 'ਚ ਆਈ ਤੇਜ਼ੀ ਦਾ ਅਸਰ ਇਹ ਹੋਇਆ ਕਿ ਸੈਂਸੈਕਸ ਫਿਰ ਤੋਂ 60,000 ਦੇ ਅੰਕੜੇ ਨੂੰ ਪਾਰ ਕਰਨ 'ਚ ਕਾਮਯਾਬ ਰਿਹਾ।
ਸੈਕਟਰਾਂ ਦੀ ਸਥਿਤੀ
ਅੱਜ ਦੇ ਕਾਰੋਬਾਰ 'ਚ ਬੈਂਕਿੰਗ, ਆਟੋ, ਐੱਫਐੱਮਸੀਜੀ, ਧਾਤੂ, ਊਰਜਾ, ਇਨਫਰਾ, ਆਇਲ ਐਂਡ ਗੈਸ, ਹੈਲਥਕੇਅਰ ਸੈਕਟਰਾਂ ਦੇ ਸ਼ੇਅਰ ਤੇਜ਼ੀ ਨਾਲ ਬੰਦ ਹੋਏ। ਜਦਕਿ ਆਈ.ਟੀ., ਕੰਜ਼ਿਊਮਰ ਡਿਊਰੇਬਲਸ ਸੈਕਟਰ ਦੇ ਸ਼ੇਅਰ ਡਿੱਗ ਕੇ ਬੰਦ ਹੋਏ। ਅੱਜ ਦੇ ਕਾਰੋਬਾਰ 'ਚ ਮਿਡਕੈਪ ਅਤੇ ਸਮਾਲਕੈਪ ਸ਼ੇਅਰਾਂ 'ਚ ਵੀ ਖਰੀਦਦਾਰੀ ਦੇਖਣ ਨੂੰ ਮਿਲੀ। ਨਿਫਟੀ ਦੇ 50 ਸ਼ੇਅਰਾਂ 'ਚੋਂ 39 ਵਧੇ ਅਤੇ 11 ਘਾਟੇ ਨਾਲ ਬੰਦ ਹੋਏ। ਸੈਂਸੈਕਸ ਦੇ 30 ਸ਼ੇਅਰਾਂ 'ਚੋਂ 20 ਵਧੇ ਅਤੇ 10 ਘਾਟੇ ਨਾਲ ਬੰਦ ਹੋਏ।
ਤੇਜ਼ੀ ਦੇ ਸਟਾਕ
ਅੱਜ ਦੇ ਕਾਰੋਬਾਰ 'ਚ ਕੋਟਕ ਮਹਿੰਦਰਾ ਬੈਂਕ 5 ਫੀਸਦੀ, ਟਾਟਾ ਸਟੀਲ 2.43 ਫੀਸਦੀ, ਆਈ.ਟੀ.ਸੀ. 1.90 ਫੀਸਦੀ, ਆਈ.ਸੀ.ਆਈ.ਸੀ.ਆਈ. ਬੈਂਕ 1.65 ਫੀਸਦੀ, ਮਾਰੂਤੀ ਸੁਜ਼ੂਕੀ 1.42 ਫੀਸਦੀ, ਬਜਾਜ ਫਿਨਸਰਵ 1.41 ਫੀਸਦੀ, ਮਹਿੰਦਰਾ ਐਂਡ ਮਹਿੰਦਰਾ 1.23 ਫੀਸਦੀ ਦੇ ਵਾਧੇ ਨਾਲ ਬੰਦ ਹੋਏ। ਫੀਸਦੀ ਜਦਕਿ ਟੀਸੀਐਸ 1.50 ਫੀਸਦੀ, ਇਨਫੋਸਿਸ 1.42 ਫੀਸਦੀ, ਐਚਸੀਐਲ ਟੈਕ 1.41 ਫੀਸਦੀ ਡਿੱਗ ਕੇ ਬੰਦ ਹੋਇਆ।