Power Consumption Data: ਪਿਛਲੇ ਵਿੱਤੀ ਸਾਲ 2022-23 'ਚ ਦੇਸ਼ 'ਚ ਬਿਜਲੀ ਦੀ ਖਪਤ ਸਾਲਾਨਾ ਆਧਾਰ 'ਤੇ 9.5 ਫੀਸਦੀ ਵਧ ਕੇ 1,503.65 ਅਰਬ ਯੂਨਿਟ (BU) ਹੋ ਗਈ ਹੈ। ਇਸ ਦਾ ਮੁੱਖ ਕਾਰਨ ਆਰਥਿਕ ਗਤੀਵਿਧੀਆਂ ਵਿੱਚ ਵਾਧੇ ਦੇ ਵਿਚਕਾਰ ਬਿਜਲੀ ਦੀ ਮੰਗ ਵਿੱਚ ਵਾਧਾ ਹੋਣਾ ਹੈ। ਇਹ ਜਾਣਕਾਰੀ ਸਰਕਾਰੀ ਅੰਕੜਿਆਂ ਤੋਂ ਮਿਲੀ ਹੈ। ਪਿਛਲੇ ਵਿੱਤੀ ਸਾਲ 2021-22 ਵਿੱਚ, ਬਿਜਲੀ ਦੀ ਖਪਤ 1,374.02 ਬਿਲੀਅਨ ਯੂਨਿਟ ਸੀ।


CEA ਵੱਲੋਂ ਜਾਰੀ ਅੰਕੜਿਆਂ ਵਿੱਚ ਮਿਲੀ ਇਹ ਜਾਣਕਾਰੀ


ਕੇਂਦਰੀ ਬਿਜਲੀ ਅਥਾਰਟੀ (CEA) ਦੁਆਰਾ ਜਾਰੀ ਕੀਤੇ ਗਏ ਬਿਜਲੀ ਸਪਲਾਈ ਦੇ ਅੰਕੜਿਆਂ ਦੇ ਅਨੁਸਾਰ, ਇੱਕ ਦਿਨ ਵਿੱਚ ਵੱਧ ਤੋਂ ਵੱਧ ਬਿਜਲੀ ਸਪਲਾਈ ਪਿਛਲੇ ਵਿੱਤੀ ਸਾਲ ਵਿੱਚ 2021-22 ਵਿੱਚ 200.53 ਗੀਗਾਵਾਟ ਤੋਂ ਵੱਧ ਕੇ 207.23 ਗੀਗਾਵਾਟ ਹੋ ਗਈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਚਾਲੂ ਵਿੱਤੀ ਸਾਲ 2023-24 'ਚ ਬਿਜਲੀ ਦੀ ਖਪਤ ਅਤੇ ਮੰਗ 'ਚ ਕਾਫੀ ਸੁਧਾਰ ਹੋਵੇਗਾ। ਬਿਜਲੀ ਮੰਤਰਾਲੇ ਨੇ ਇਸ ਗਰਮੀ ਵਿੱਚ ਬਿਜਲੀ ਦੀ ਸਭ ਤੋਂ ਵੱਧ ਮੰਗ 229 ਗੀਗਾਵਾਟ ਤੱਕ ਪਹੁੰਚਣ ਦਾ ਅਨੁਮਾਨ ਲਗਾਇਆ ਹੈ।


ਇਹ ਵੀ ਪੜ੍ਹੋ: Delhi Liquor Policy Case: ਗ੍ਰਿਫਤਾਰ ਹੋ ਸਕਦੇ ਹਨ ਅਰਵਿੰਦ ਕੇਜਰੀਵਾਲ! CBI ਦੀ ਪੁੱਛਗਿੱਛ ਵਿਚਕਾਰ AAP ਨੇ ਜਤਾਇਆ ਖਦਸ਼ਾ


ਮੰਤਰਾਲੇ ਨੇ ਪਹਿਲਾਂ ਹੀ ਆਯਾਤ ਕੋਲਾ ਆਧਾਰਿਤ ਪਲਾਂਟਾਂ ਨੂੰ ਪੂਰੀ ਸਮਰੱਥਾ ਨਾਲ ਚਲਾਉਣ ਦੇ ਨਿਰਦੇਸ਼ ਦਿੱਤੇ ਹਨ। ਇਸ ਤੋਂ ਇਲਾਵਾ ਮੰਤਰਾਲੇ ਨੇ ਘਰੇਲੂ ਕੋਲਾ ਆਧਾਰਿਤ ਪਲਾਂਟਾਂ ਨੂੰ ਗਰਮੀਆਂ 'ਚ ਬਿਜਲੀ ਦੀ ਵੱਡੀ ਮੰਗ ਨੂੰ ਪੂਰਾ ਕਰਨ ਲਈ ਬਲੈਂਡਿੰਗ ਲਈ ਕੋਲਾ ਦਰਾਮਦ ਕਰਨ ਲਈ ਕਿਹਾ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਬਿਜਲੀ ਦੀ ਖਪਤ ਵਿੱਚ ਵਾਧਾ ਸਪੱਸ਼ਟ ਤੌਰ 'ਤੇ ਦਰਸਾਉਂਦਾ ਹੈ ਕਿ ਦੇਸ਼ ਵਿੱਚ ਆਰਥਿਕ ਗਤੀਵਿਧੀਆਂ ਵਿੱਚ ਸੁਧਾਰ ਹੋ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਮਾਰਚ ਵਿੱਚ ਦੇਸ਼ ਵਿੱਚ ਮੀਂਹ ਨਾ ਪੈਂਦਾ ਤਾਂ ਪਿਛਲੇ ਵਿੱਤੀ ਸਾਲ ਵਿੱਚ ਬਿਜਲੀ ਦੀ ਖਪਤ ਵਿੱਚ ਵਾਧਾ ਦੋਹਰੇ ਅੰਕ ਵਿੱਚ ਹੋਣਾ ਸੀ।


ਬਰਸਾਤ ਕਾਰਨ ਮਾਰਚ ਮਹੀਨੇ ਵਿੱਚ ਬਿਜਲੀ ਦੀ ਮੰਗ 'ਤੇ ਪਿਆ ਅਸਰ


ਦੇਸ਼ ਵਿੱਚ ਮੀਂਹ ਕਾਰਨ ਮਾਰਚ ਵਿੱਚ ਬਿਜਲੀ ਦੀ ਮੰਗ ਪ੍ਰਭਾਵਿਤ ਹੋਈ ਹੈ। ਮਾਰਚ 2023 ਵਿੱਚ ਬਿਜਲੀ ਦੀ ਖਪਤ ਘਟ ਕੇ 126.21 ਬਿਲੀਅਨ ਯੂਨਿਟ ਰਹਿ ਗਈ ਹੈ ਜੋ ਇੱਕ ਸਾਲ ਪਹਿਲਾਂ ਦੀ ਇਸੇ ਮਿਆਦ ਵਿੱਚ 128.47 ਬਿਲੀਅਨ ਯੂਨਿਟ ਸੀ।


ਅਪ੍ਰੈਲ 2022 ਤੋਂ ਫਰਵਰੀ 2023 ਤੱਕ ਦੇ ਅੰਕੜੇ


ਅਪ੍ਰੈਲ 2022 ਤੋਂ ਫਰਵਰੀ 2023 ਤੱਕ ਬਿਜਲੀ ਦੀ ਖਪਤ 2021-22 ਦੇ ਪੱਧਰ ਨੂੰ ਪਾਰ ਕਰ ਗਈ ਸੀ। ਅਪ੍ਰੈਲ 2022 ਤੋਂ ਫਰਵਰੀ 2023 ਤੱਕ ਬਿਜਲੀ ਦੀ ਖਪਤ 1,377.43 ਬਿਲੀਅਨ ਯੂਨਿਟ ਰਹੀ, ਜੋ ਕਿ ਪੂਰੇ ਵਿੱਤੀ ਸਾਲ 2021-22 ਵਿੱਚ ਦਰਜ ਕੀਤੇ ਗਏ 1,374.02 ਬਿਲੀਅਨ ਯੂਨਿਟ ਤੋਂ ਵੱਧ ਹੈ। ਵਿਸ਼ਲੇਸ਼ਕਾਂ ਦਾ ਮੰਨਣਾ ਹੈ ਕਿ 2023-24 ਵਿੱਚ ਬਿਜਲੀ ਦੀ ਖਪਤ ਵਿੱਚ ਵਾਧਾ ਦੋਹਰੇ ਅੰਕਾਂ ਤੋਂ ਵੱਧ ਯਾਨੀ 10 ਪ੍ਰਤੀਸ਼ਤ ਹੋ ਸਕਦਾ ਹੈ।


ਇਹ ਵੀ ਪੜ੍ਹੋ: ਟ੍ਰੇਨ 'ਤੇ ਲਿਖੇ ਇਸ ਨੰਬਰ 'ਚ ਲੁਕੇ ਹੁੰਦੇ ਹਨ ਕਈ ਸੀਕ੍ਰੇਟ! ਦੇਖੋ ਇਸ ਨੂੰ ਡੀਕੋਡ ਕਰਨ ਦਾ ਕੀ ਤਰੀਕਾ ਹੈ?