ਚੰਡੀਗੜ੍ਹ: ਕੋਰੋਨਾ ਮਹਾਂਮਾਰੀ ਕਾਰਨ ਪੰਜਾਬ ਦੇ ਹੋਟਲ ਉਦਯੋਗ ਨੂੰ ਭਾਰੀ ਨੁਕਸਾਨ ਦੀ ਮਾਰ ਝੱਲਣੀ ਪੈ ਰਹੀ ਹੈ। ਪੰਜਾਬ ਹੋਟਲ ਐਸੋਸੀਏਸ਼ਨ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਵਿੱਤੀ ਸਾਲ 2020-21 ਵਿਚ ਤਕਰੀਬਨ 10,000 ਕਰੋੜ ਦਾ ਨੁਕਸਾਨ ਹੋਇਆ ਹੈ। ਪੰਜਾਬ ਹੋਟਲ ਐਸੋਸੀਏਸ਼ਨ ਦੇ ਪ੍ਰਧਾਨ ਸਤੀਸ਼ ਅਰੋੜਾ ਨੇ ਕਿਹਾ ਕਿ ਉਨ੍ਹਾਂ ਨੇ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਇੱਕ ਪੱਤਰ ਲਿਖਿਆ ਹੈ ਅਤੇ ਹੋਸਪਟੈਲਟੀ ਸੈਕਟਰ ਨੂੰ “ਆਉਣ ਵਾਲੇ ਕਹਿਰ ਤੋਂ ਬਚਾਉਣ ਲਈ ਸਰਕਾਰ ਤੋਂ ਤੁਰੰਤ ਮਦਦ ਦੀ ਅਪੀਲ ਕੀਤੀ ਹੈ, ਅਤੇ ਇਸ ਦੇ ਲਈ ਕਈ ਉਪਾਵਅ ਲਾਗੂ ਕਰਨ ਦੀ ਬੇਨਤੀ ਕੀਤੀ ਹੈ।”
ਉਨ੍ਹਾਂ ਕਿਹਾ ਕਿ “ਅਸੀਂ ਮੁੱਖ ਮੰਤਰੀ ਨੂੰ ਲਿਖਿਆ ਹੈ ਕਿ ਘਟ ਰਹੇ ਮਾਲੀਏ ਨਾਲ ਸਾਰਾ ਪਰਾਹੁਣਚਾਰੀ ਅਤੇ ਸੈਰ-ਸਪਾਟਾ ਉਦਯੋਗ ਮੁਸੀਬਤ ਵਿੱਚ ਹੈ। ਸਟਾਫ ਦੀ ਤਨਖਾਹ, ਬਿਜਲੀ ਬਿੱਲਾਂ, ਕਰਜ਼ਿਆਂ ਦੀ ਈਐਮਆਈ, ਪੀਐਫ, ਈਐਸਆਈ, ਜੀਐਸਟੀ, ਆਬਕਾਰੀ ਫੀਸ, ਪਾਣੀ ਦੀ ਸਫਾਈ, ਕੇਬਲ ਫੀਸ, ਜਾਇਦਾਦ ਟੈਕਸ ਅਤੇ ਲਾਇਸੈਂਸ ਫੀਸ, ਸਭ ਦਾ ਭੁਗਤਾਨ ਕਰਨਾ ਹੈ। ਅਸੀਂ ਸਰਕਾਰ ਨੂੰ ਬੇਨਤੀ ਕਰਦੇ ਹਾਂ ਕਿ ਪਰਾਹੁਣਚਾਰੀ ਸੈਕਟਰ ਦੀ ਮਦਦ ਲਈ ਠੋਸ ਕਦਮ ਚੁੱਕੇ ਜਾਣ।"
ਅਰੋੜਾ ਨੇ ਕਿਹਾ ਕਿ ਕਾਰੋਬਾਰ ਲਗਾਤਾਰ ਬੰਦ ਹੋ ਰਹੇ ਹਨ ਅਤੇ ਗੈਰ-ਕਾਰਗੁਜ਼ਾਰੀ ਜਾਇਦਾਦ (NPAs) ਵੱਧ ਰਹੀਆਂ ਹਨ ਕਿਉਂਕਿ ਪੰਜਾਬ ਵਿੱਚ ਹੋਟਲ ਉਦਯੋਗ ਦਾ 1200 ਕਰੋੜ ਰੁਪਏ ਦਾ ਕਰਜ਼ਾ ਹੈ, ਜਿਸ ਕਾਰਨ ਆਰਬੀਆਈ ਨੇ ਘੱਟੋ ਘੱਟ ਇੱਕ ਸਾਲ ਲਈ ਈਐਮਆਈ ਵਧਾਉਣ ਅਤੇ ਵਿਆਜ ਕਰਜ਼ਾ ਮੁਆਫ ਕਰਨ ਦੀ ਮੰਗ ਕੀਤੀ ਹੈ ਕਿਉਂਕਿ ਮਾਰਚ 2020 ਤੋਂ, ਉਦਯੋਗ ਸੰਘਰਸ਼ ਕਰ ਰਿਹਾ ਹੈ ਅਤੇ ਵਿਆਜ਼ ਦੇ ਨਾਲ ਕਰਜ਼ਿਆਂ ਦੀ ਮੁੜ ਅਦਾਇਗੀ ਕਰਨਾ ਕੋਵਿਡ ਦੇ ਦੂਸਰੇ ਵਾਧੇ ਕਾਰਨ ਨਾ ਸਿਰਫ ਮੁਸ਼ਕਲ ਹੈ ਬਲਕਿ ਇਸ ਸਮੇਂ ਅਸੰਭਵ ਹੈ।
ਹੋਟਲ ਇੰਡਸਟਰੀ ਲਈ ਇਹ ਸਭ ਤੋਂ ਔਖਾ ਸਮਾਂ ਹੈ, ਜਿਹੜੇ ਕੋਵਿਡ ਦੇ ਪ੍ਰਕੋਪ ਦੇ ਦੌਰਾਨ ਬੰਦ ਹੋਏ, ਅਤੇ ਹੁਣ ਮੁੜ ਕੋਵਿਡ ਦੇ ਦੂਜੇ ਵਾਧੇ ਕਾਰਨ ਇੱਕ ਵਾਰ ਫਿਰ ਤੋਂ ਰੁਕ ਗਿਆ ਹੈ।
ਇਹ ਵੀ ਪੜ੍ਹੋ: Barnala youth Murder: ਬਰਨਾਲਾ ਦੇ ਨੌਜਵਾਨ ਦਾ ਮਨੀਲਾ ਵਿੱਚ ਗੋਲੀਆਂ ਮਾਰ ਕੇ ਕਤਲ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin