Celebs In Anant Ambani-Radhika Engagement Bash: ਨੀਤਾ ਅੰਬਾਨੀ ਅਤੇ ਮੁਕੇਸ਼ ਅੰਬਾਨੀ ਦੇ ਪਰਿਵਾਰ ਵਿੱਚ ਖੁਸ਼ੀ ਦਾ ਮਾਹੌਲ ਹੈ। ਹਾਲ ਹੀ 'ਚ ਨੀਤਾ ਅਤੇ ਮੁਕੇਸ਼ ਅੰਬਾਨੀ ਦੀ ਬੇਟੀ ਈਸ਼ਾ ਆਪਣੇ ਜੁੜਵਾਂ ਬੱਚਿਆਂ ਨਾਲ ਭਾਰਤ ਆਈ ਸੀ, ਜਦੋਂ ਕਿ ਹੁਣ ਉਨ੍ਹਾਂ ਦੇ ਸਭ ਤੋਂ ਛੋਟੇ ਬੇਟੇ ਅਨੰਤ ਦੀ ਰਾਜਸਥਾਨ 'ਚ ਬੇਹੱਦ ਖੂਬਸੂਰਤ ਰਾਧਿਕਾ ਮਰਚੈਂਟ ਨਾਲ ਸਗਾਈ ਹੋਈ ਹੈ। ਮੰਗਣੀ ਦੀ ਰਸਮ ਤੋਂ ਬਾਅਦ ਅਨੰਤ ਅਤੇ ਰਾਧਿਕਾ ਪਰਿਵਾਰ ਸਮੇਤ ਮੁੰਬਈ ਪਹੁੰਚ ਗਏ। ਇਸ ਤੋਂ ਬਾਅਦ ਅੰਬਾਨੀ ਪਰਿਵਾਰ ਨੇ ਐਂਟੀਲਾ 'ਚ ਸ਼ਾਨਦਾਰ ਪਾਰਟੀ ਦਾ ਆਯੋਜਨ ਕੀਤਾ। ਅਨੰਤ ਅਤੇ ਰਾਧਿਕਾ ਦੀ ਕੁੜਮਾਈ ਦੀ ਰਸਮ ਕਾਰਨ ਐਂਟੀਲਾ ਨੂੰ ਵੀ ਦੁਲਹਨ ਵਾਂਗ ਸਜਾਇਆ ਗਿਆ ਸੀ। ਗਰੈਂਡ ਪਾਰਟੀ 'ਚ ਬਾਲੀਵੁੱਡ ਦੇ ਕਈ ਸਿਤਾਰੇ ਵੀ ਪਹੁੰਚੇ ਸਨ।
ਅਨੰਤ ਅਤੇ ਰਾਧਿਕਾ ਦਾ ਸ਼ਾਨਦਾਰ ਸਵਾਗਤ
ਰੋਕਾ ਸਮਾਰੋਹ ਤੋਂ ਬਾਅਦ ਮੁੰਬਈ ਪਰਤੇ ਅਨੰਤ ਅਤੇ ਰਾਧਿਕਾ ਦੇ ਪਰਿਵਾਰਕ ਮੈਂਬਰਾਂ ਨੇ ਵਰਲੀ ਸੀ-ਲਿੰਕ 'ਤੇ ਫਲਾਵਰ ਸ਼ੋਅ, ਢੋਲ, ਨਗਾੜੇ ਅਤੇ ਆਤਿਸ਼ਬਾਜ਼ੀ ਨਾਲ ਅੰਬਾਨੀ ਨਿਵਾਸ 'ਤੇ ਸ਼ਾਨਦਾਰ ਸਵਾਗਤ ਕੀਤਾ। ਇਸ ਦੌਰਾਨ ਅਨੰਤ ਨੇ ਗੂੜ੍ਹੇ ਗੁਲਾਬੀ ਰੰਗ ਦਾ ਕੁੜਤਾ ਪਜਾਮਾ ਪਾਇਆ ਸੀ ਜਦੋਂਕਿ ਰਾਧਿਕਾ ਪੇਸਟਲ ਲਹਿੰਗਾ ਵਿੱਚ ਬਹੁਤ ਹੀ ਪਿਆਰੀ ਲੱਗ ਰਹੀ ਸੀ। ਦੋਵੇਂ ਗ੍ਰੈਂਡ ਬੈਸ਼ ਲਈ ਐਂਟੀਲਾ ਪਹੁੰਚੇ ਸਨ।
ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਵੀ ਗ੍ਰੈਂਡ ਪਾਰਟ 'ਚ ਪਹੁੰਚੇ
ਆਲੀਆ ਭੱਟ ਅਤੇ ਰਣਬੀਰ ਕਪੂਰ ਸਭ ਤੋਂ ਪਹਿਲਾਂ ਅੰਬਾਨੀ ਦੇ ਐਂਟੀਲਾ ਨਿਵਾਸ 'ਤੇ ਆਯੋਜਿਤ ਅਨੰਤ ਅਤੇ ਰਾਧਿਕਾ ਦੇ ਰੋਕਾ ਸਮਾਰੋਹ ਦੀ ਪਾਰਟੀ 'ਚ ਸ਼ਾਨਦਾਰ ਐਂਟਰੀ ਕਰਨ ਵਾਲੇ ਸਨ। 'ਬ੍ਰਹਮਾਸਤਰ' ਦੀ ਜੋੜੀ ਨਾਲ ਫਿਲਮ ਮੇਕਰ ਅਯਾਨ ਮੁਖਰਜੀ ਵੀ ਪਹੁੰਚੇ ਸਨ। ਇਸ ਦੌਰਾਨ ਰਣਬੀਰ ਬਲੈਕ ਕੁੜਤਾ ਪਜਾਮਾ ਅਤੇ ਨਹਿਰੂ ਜੈਕੇਟ 'ਚ ਦਿਖ ਰਹੇ ਸਨ, ਜਦਕਿ ਆਲੀਆ ਨੇ ਚਮਕਦਾਰ ਸ਼ਰਾਰਾ ਪਹਿਨਿਆ ਹੋਇਆ ਸੀ।
ਸ਼ਾਹਰੁਖ ਖਾਨ, ਜਾਹਨਵੀ ਕਪੂਰ ਅਤੇ ਰਣਵੀਰ ਸਿੰਘ ਵੀ ਪਹੁੰਚੇ
ਇਸ ਤੋਂ ਬਾਅਦ ਬਾਲੀਵੁੱਡ ਦੇ ਕਿੰਗ ਖਾਨ ਯਾਨੀ ਸ਼ਾਹਰੁਖ ਖਾਨ ਆਪਣੀ ਮੈਨੇਜਰ ਪੂਜਾ ਡਡਲਾਨੀ ਨਾਲ ਪਹੁੰਚੇ। ਬੈਸ਼ ਦੀਆਂ ਵਾਇਰਲ ਹੋਈਆਂ ਤਸਵੀਰਾਂ 'ਚ ਪੂਜਾ ਕਾਰ ਤੋਂ ਬਾਹਰ ਨਿਕਲਦੀ ਨਜ਼ਰ ਆ ਰਹੀ ਹੈ ਜਦਕਿ ਸ਼ਾਹਰੁਖ ਬੈਠੇ ਨਜ਼ਰ ਆ ਰਹੇ ਹਨ। ਉਥੇ ਹੀ 'ਮਿਲੀ' ਅਦਾਕਾਰਾ ਜਾਹਨਵੀ ਕਪੂਰ ਗੁਲਾਬੀ ਰੰਗ ਦੀ ਸਾੜੀ 'ਚ ਪਹੁੰਚੀ। ਸਿਤਾਰਿਆਂ ਦੀ ਮਹਿਮਾਨ ਲਿਸਟ ਵਿੱਚ ਰਣਵੀਰ ਸਿੰਘ ਵੀ ਸਨ। ਉਹ ਮੈਚਿੰਗ ਟੋਪੀ ਨਾਲ ਬਲੈਕ ਫਾਰਮਲ ਵਿੱਚ ਪਹੁੰਚਿਆ।
ਜ਼ਹੀਰ ਖਾਨ ਆਪਣੀ ਪਤਨੀ ਸਾਗਰਿਕਾ ਨਾਲ ਪਹੁੰਚੇ
ਸਾਬਕਾ ਕ੍ਰਿਕਟਰ ਜ਼ਹੀਰ ਖਾਨ ਆਪਣੀ ਪਤਨੀ ਸਾਗਰਿਕਾ ਘਾਟਗੇ ਨਾਲ ਅਨੰਤ ਅਤੇ ਰਾਧਿਕਾ ਦੀ ਰੋਕਾ ਸੈਰੇਮਨੀ ਪਾਰਟੀ 'ਚ ਪਹੁੰਚੇ। ਇਸ ਦੇ ਨਾਲ ਹੀ ਅਰਮਾਨ ਜੈਨ ਵੀ ਅੰਬਾਨੀ ਪਰਿਵਾਰ ਦੀ ਪਾਰਟੀ 'ਚ ਨਜ਼ਰ ਆਏ।
ਸ਼੍ਰੀਨਾਥ ਜੀ ਮੰਦਿਰ ਵਿੱਚ ਅਨੰਤ ਅਤੇ ਰਾਧਿਕਾ ਦਾ ਰੋਕਾ ਸਮਾਰੋਹ
ਦੱਸ ਦੇਈਏ ਕਿ ਅਨੰਤ ਅਤੇ ਰਾਧਿਤਾ ਰਾਜਸਥਾਨ ਦੇ ਨਾਥਦੁਆਰੇ ਸ਼੍ਰੀਨਾਥ ਜੀ ਮੰਦਰ ਦੇ ਦਰਸ਼ਨਾਂ ਲਈ ਗਏ ਹੋਏ ਸਨ। ਰਿਲਾਇੰਸ ਇੰਡਸਟਰੀਜ਼ ਲਿਮਟਿਡ ਦੇ ਡਾਇਰੈਕਟਰ-ਕਾਰਪੋਰੇਟ ਮਾਮਲੇ, ਪਰਿਮਲ ਨਾਥਵਾਨੀ ਨੇ ਅਨੰਤ ਅਤੇ ਰਾਧਿਕਾ ਦੇ ਰੋਕਾ ਸਮਾਰੋਹ ਦੀ ਪੁਸ਼ਟੀ ਕੀਤੀ, ਜੋ ਕਿ ਮੰਦਰ ਵਿੱਚ ਆਯੋਜਿਤ ਕੀਤਾ ਗਿਆ ਸੀ। ਉਨ੍ਹਾਂ ਨੇ ਟਵੀਟ 'ਚ ਲਿਖਿਆ, "ਪਿਆਰੇ ਅਨੰਤ ਅਤੇ ਰਾਧਿਕਾ ਨੂੰ ਨਾਥਦੁਆਰੇ ਦੇ ਸ਼੍ਰੀਨਾਥਜੀ ਮੰਦਿਰ 'ਚ ਉਨ੍ਹਾਂ ਦੇ ਰੋਕਾ ਸਮਾਰੋਹ ਲਈ ਹਾਰਦਿਕ ਵਧਾਈ। ਭਗਵਾਨ ਸ਼੍ਰੀਨਾਥਜੀ ਦਾ ਆਸ਼ੀਰਵਾਦ ਹਮੇਸ਼ਾ ਤੁਹਾਡੇ ਨਾਲ ਰਹੇ।" ਰੋਕਾ ਸਮਾਰੋਹ ਲਈ, ਅਨੰਤ ਨੇ ਨੀਲੇ ਰੰਗ ਦਾ ਰਵਾਇਤੀ ਕੁੜਤਾ ਸੈਟ ਪਹਿਨਿਆ ਸੀ ਜਦੋਂ ਕਿ ਰਾਧਿਕਾ ਨੇ ਲਹਿੰਗਾ ਪਾਇਆ ਸੀ।