Armaan Malik Wife Kritika On Her Home: ਯੂਟਿਊਬਰ ਅਰਮਾਨ ਮਲਿਕ ਦੀਆਂ ਪਤਨੀਆਂ ਕ੍ਰਿਤਿਕਾ ਮਲਿਕ ਅਤੇ ਪਾਇਲ ਮਲਿਕ ਸੁਰਖੀਆਂ ਵਿੱਚ ਰਹਿੰਦੀਆਂ ਹਨ। ਕਦੇ ਉਨ੍ਹਾਂ ਦੀਆਂ ਲੜਾਈਆਂ ਦੀ ਚਰਚਾ ਹੁੰਦੀ ਹੈ ਅਤੇ ਕਦੇ ਉਨ੍ਹਾਂ ਬਾਰੇ ਝੂਠੀਆਂ ਖ਼ਬਰਾਂ ਸੁਰਖੀਆਂ ਵਿੱਚ ਆਉਂਦੀਆਂ ਹਨ। ਹੁਣ ਅਰਮਾਨ ਦੀ ਦੂਜੀ ਪਤਨੀ ਨੇ ਇੱਕ ਵਲੌਗ ਸ਼ੇਅਰ ਕੀਤਾ ਹੈ, ਜਿਸ ਵਿੱਚ ਉਸਨੇ ਆਪਣੇ ਆਲੀਸ਼ਾਨ ਘਰ ਦੀ ਝਲਕ ਦਿਖਾਈ ਹੈ।
ਇਹ ਵੀ ਪੜ੍ਹੋ: ਸੋਨਮ ਬਾਜਵਾ ਨੇ ਐਟਲਾਂਟਾ 'ਚ ਲਾਈਵ ਕੰਸਰਟ ਦੌਰਾਨ ਸਿੱਧੂ ਮੂਸੇਵਾਲਾ ਨੂੰ ਦਿੱਤੀ ਸ਼ਰਧਾਂਜਲੀ, ਦੇਖੋ ਵੀਡੀਓ
ਕ੍ਰਿਤਿਕਾ ਨੇ ਖਰੀਦਿਆ ਨਵਾਂ ਘਰ!
ਕ੍ਰਿਤਿਕਾ ਮਲਿਕ ਨੇ ਇੱਕ ਵੀਲੌਗ ਸ਼ੇਅਰ ਕੀਤਾ ਹੈ, ਜਿਸ ਵਿੱਚ ਉਹ ਇਹ ਕਹਿੰਦੀ ਨਜ਼ਰ ਆ ਰਹੀ ਹੈ ਕਿ ਉਸਦਾ ਅਤੇ ਪਾਇਲ ਦਾ ਇੱਕ ਵੱਡਾ ਘਰ ਖਰੀਦਣ ਦਾ ਸੁਪਨਾ ਪੂਰਾ ਹੋ ਗਿਆ ਹੈ। ਕ੍ਰਿਤਿਕਾ ਦਾ ਕਹਿਣਾ ਹੈ ਕਿ ਉਸਨੇ ਆਪਣੇ ਸੁਪਨਿਆਂ ਦਾ ਘਰ ਖਰੀਦਿਆ ਹੈ। ਵੀਡੀਓ 'ਚ ਕ੍ਰਿਤਿਕਾ ਕਾਫੀ ਖੁਸ਼ ਨਜ਼ਰ ਆ ਰਹੀ ਹੈ। ਉਸ ਦਾ ਕਹਿਣਾ ਹੈ ਕਿ ਪਾਇਲ ਅਤੇ ਉਸ ਨੇ ਕਈ ਸਾਲਾਂ ਤੋਂ ਅਜਿਹਾ ਘਰ ਬਣਾਉਣ ਦਾ ਸੁਪਨਾ ਦੇਖਿਆ ਸੀ ਅਤੇ ਆਖਰਕਾਰ ਉਨ੍ਹਾਂ ਨੂੰ ਆਪਣੇ ਸੁਪਨਿਆਂ ਦਾ ਮਹਿਲ ਮਿਲ ਗਿਆ।
ਸੌਂਕਣ ਨੇ ਇੰਜ ਖੋਲ ਦਿੱਤੀ ਕ੍ਰਿਤਿਕਾ ਦੀ ਪੋਲ
ਕ੍ਰਿਤਿਕਾ ਨੇ ਵਲੌਗ ਰਾਹੀਂ ਆਪਣੇ ਘਰ ਦਾ ਟੂਰ ਵੀ ਕਰਵਾਇਆ। ਉਸ ਨੇ ਲਿਵਿੰਗ ਰੂਮ ਤੋਂ ਲੈ ਕੇ ਰਸੋਈ ਅਤੇ ਬਗੀਚੇ ਤੱਕ ਹਰ ਕੋਨੇ ਦੀ ਝਲਕ ਦਿਖਾਈ। ਵੀਡੀਓ ਦੀ ਸ਼ੁਰੂਆਤ 'ਚ ਕ੍ਰਿਤਿਕਾ ਜਿਸ ਤਰ੍ਹਾਂ ਕਹਿ ਰਹੀ ਸੀ, ਉਸ ਤੋਂ ਪ੍ਰਸ਼ੰਸਕਾਂ ਨੂੰ ਲੱਗਾ ਕਿ ਉਨ੍ਹਾਂ ਨੇ ਵਾਕਈ ਹੀ ਘਰ ਖਰੀਦ ਲਿਆ ਹੈ। ਹਾਲਾਂਕਿ, ਪਾਇਲ ਨੇ ਕ੍ਰਿਤਿਕਾ ਦੀ ਪੋਲ ਖੋਲ ਦਿੱਤੀ। ਪਾਇਲ ਨੇ ਵਲੌਗ ਦੇ ਅੰਤ ਵਿੱਚ ਖੁਲਾਸਾ ਕੀਤਾ ਕਿ ਉਹ ਉਸ ਬੰਗਲੇ ਵਿੱਚ ਸ਼ੂਟਿੰਗ ਕਰ ਰਹੀ ਸੀ। ਇਹ ਉਸਦਾ ਘਰ ਨਹੀਂ ਹੈ। ਇਹ ਸਿਰਫ ਸ਼ੂਟਿੰਗ ਲੋਕੇਸ਼ਨ ਹੈ।
ਫੇਕ ਨਿਊਜ਼ ਨੂੰ ਲੈ ਕੇ ਦੋਵਾਂ ਪਤਨੀਆਂ ਦਾ ਭੜਕਿਆ ਸੀ ਗੁੱਸਾ
ਅਰਮਾਨ ਮਲਿਕ ਦੀਆਂ ਦੋਵੇਂ ਪਤਨੀਆਂ ਮਾਂ ਬਣਨ ਵਾਲੀਆਂ ਹਨ। ਪਾਇਲ ਜਲਦੀ ਹੀ ਜੁੜਵਾਂ ਬੱਚਿਆਂ ਨੂੰ ਜਨਮ ਦੇਵੇਗੀ, ਉਥੇ ਹੀ ਕ੍ਰਿਤਿਕਾ ਵੀ ਆਪਣੇ ਪਹਿਲੇ ਬੱਚੇ ਦਾ ਸਵਾਗਤ ਕਰਨ ਜਾ ਰਹੀ ਹੈ। ਕੁਝ ਸਮਾਂ ਪਹਿਲਾਂ ਅਜਿਹੀ ਖਬਰ ਵਾਇਰਲ ਹੋ ਰਹੀ ਸੀ ਕਿ ਕ੍ਰਿਤਿਕਾ ਅਤੇ ਪਾਇਲ ਨੇ ਜਨਮ ਲੈਂਦੇ ਹੀ ਆਪਣੇ ਬੱਚੇ ਗੁਆ ਦਿੱਤੇ ਸਨ। ਸੋਸ਼ਲ ਮੀਡੀਆ 'ਤੇ ਅਜਿਹੀਆਂ ਫਰਜ਼ੀ ਖਬਰਾਂ ਕਾਰਨ ਹਰ ਕੋਈ ਉਸ ਨੂੰ ਮੈਸੇਜ ਕਰ ਰਿਹਾ ਸੀ। ਇਸ ਤੋਂ ਦੋਵੇਂ ਬਹੁਤ ਪ੍ਰਭਾਵਿਤ ਹੋਏ। ਕ੍ਰਿਤਿਕਾ ਅਤੇ ਪਾਇਲ ਨੇ ਅਜਿਹੀਆਂ ਝੂਠੀਆਂ ਖ਼ਬਰਾਂ ਫੈਲਾਉਣ ਵਾਲਿਆਂ ਨੂੰ ਕਰਾਰਾ ਜਵਾਬ ਦਿੱਤਾ ਸੀ।