Rahul Mahajan Divorce Natalya: ਬਿੱਗ ਬੌਸ ਫੇਮ ਰਾਹੁਲ ਮਹਾਜਨ ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਹਨ। ਅਸਲ 'ਚ ਇਕ ਰਿਪੋਰਟ ਮੁਤਾਬਕ ਅਦਾਕਾਰਾ ਦਾ ਵਿਆਹ ਇਕ ਵਾਰ ਫਿਰ ਤੋਂ ਟੁੱਟ ਰਿਹਾ ਹੈ। ਖਬਰਾਂ ਦੀ ਮੰਨੀਏ ਤਾਂ ਰਾਹੁਲ ਮਹਾਜਨ ਅਤੇ ਉਨ੍ਹਾਂ ਦੀ ਪਤਨੀ ਅਤੇ ਕਜ਼ਾਕਿਸਤਾਨੀ ਮਾਡਲ ਨਤਾਲਿਆ ਇਲੀਨਾ ਦਾ ਤਲਾਕ ਹੋ ਰਿਹਾ ਹੈ।
ਰਾਹੁਲ ਮਹਾਜਨ ਦਾ ਤੀਜਾ ਵਿਆਹ ਵੀ ਟੁੱਟਿਆ!
ਰਿਪੋਰਟ ਦੇ ਅਨੁਸਾਰ, ਰਾਹੁਲ ਮਹਾਜਨ ਅਤੇ ਨਤਾਲਿਆ ਨੇ ਚਾਰ ਸਾਲ ਤੱਕ ਵਿਆਹੁਤਾ ਜੀਵਨ ਬਤੀਤ ਕੀਤਾ ਅਤੇ ਜੋੜੇ ਨੇ ਪਿਛਲੇ ਸਾਲ ਤਲਾਕ ਲਈ ਅਰਜ਼ੀ ਦਿੱਤੀ ਸੀ। ਰਿਪੋਰਟ ਦੇ ਅਨੁਸਾਰ, ਇੱਕ ਭਰੋਸੇਯੋਗ ਸੂਤਰ ਨੇ ਪੁਸ਼ਟੀ ਕੀਤੀ ਹੈ, "ਸ਼ੁਰੂ ਤੋਂ ਹੀ ਦੋਵਾਂ ਵਿਚਕਾਰ ਅਨੁਕੂਲਤਾ ਯਾਨਿ ਕੰਪੈਟੀਬਿਿਲਟੀ ਦੇ ਮੁੱਦੇ ਸਨ। ਹਾਲਾਂਕਿ, ਉਨ੍ਹਾਂ ਨੇ ਜਿੰਨਾ ਸੰਭਵ ਹੋ ਸਕੇ ਆਪਣੇ ਵਿਆਹ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ। ਪਿਛਲੇ ਸਾਲ ਉਹ ਵੱਖ ਹੋ ਗਏ ਅਤੇ ਤਲਾਕ ਲਈ ਅਰਜ਼ੀ ਦਾਇਰ ਕੀਤੀ।" ਦੋਵਾਂ ਨੇ ਪਿਛਲੇ ਸਾਲ ਕਾਗਜ਼ੀ ਕਾਰਵਾਈ ਕੀਤੀ ਸੀ, ਹਾਲਾਂਕਿ ਇਹ ਸਪੱਸ਼ਟ ਨਹੀਂ ਹੈ ਕਿ ਜੋੜੇ ਦਾ ਤਲਾਕ ਹੋ ਗਿਆ ਹੈ ਜਾਂ ਅਜੇ ਵੀ ਇਸ ਦੀ ਪ੍ਰੋਸੈੱਸ ਜਾਰੀ ਹੈ।
ਰਾਹੁਲ ਮਹਾਜਨ ਦੀ ਵਿਆਹੁਤਾ ਜ਼ਿੰਦਗੀ ਰਹੀ ਖਰਾਬ
ਦੱਸ ਦੇਈਏ ਕਿ ਨਤਾਲਿਆ ਰਾਹੁਲ ਦੀ ਤੀਜੀ ਪਤਨੀ ਸੀ। ਇਸ ਤੋਂ ਪਹਿਲਾਂ ਉਨ੍ਹਾਂ ਦਾ ਵਿਆਹ 2006-2008 ਤੱਕ ਸ਼ਵੇਤਾ ਸਿੰਘ ਨਾਲ ਹੋਇਆ ਸੀ। ਬਾਅਦ ਵਿੱਚ ਰਾਹਲ ਨੇ ਡਿੰਪੀ ਗਾਂਗੁਲੀ ਨਾਲ ਵਿਆਹ ਕਰਵਾ ਲਿਆ। ਡਿੰਪੀ ਅਤੇ ਰਾਹੁਲ ਦੀ ਮੁਲਾਕਾਤ ਮੈਟਰੀਮੋਨੀਅਲ ਰਿਐਲਿਟੀ ਸ਼ੋਅ 'ਰਾਹੁਲ ਦੁਲਹਨੀਆ ਲੇ ਜਾਏਗਾ' 'ਚ ਹੋਈ ਸੀ। ਡਿੰਪੀ ਅਤੇ ਰਾਹੁਲ ਦਾ ਵਿਆਹ 2010 ਵਿੱਚ ਹੋਇਆ ਸੀ। ਪਰ ਉਨ੍ਹਾਂ ਦੇ ਵਿਆਹ 'ਚ ਕਾਫੀ ਵਿਵਾਦ ਹੋਇਆ ਅਤੇ ਆਖਿਰਕਾਰ 2015 'ਚ ਇਹ ਜੋੜਾ ਵੱਖ ਹੋ ਗਿਆ। ਇਸ ਤੋਂ ਬਾਅਦ ਰਾਹੁਲ ਨੇ ਇਕ ਵਾਰ ਫਿਰ ਕਜ਼ਾਕਿਸਤਾਨ ਦੀ ਮਾਡਲ ਨਤਾਲੀਆ ਨਾਲ ਵਿਆਹ ਕਰਵਾ ਲਿਆ, ਪਰ ਹੁਣ ਖਬਰਾਂ ਆ ਰਹੀਆਂ ਹਨ ਕਿ ਉਨ੍ਹਾਂ ਦਾ ਤੀਜਾ ਵਿਆਹ ਵੀ ਟੁੱਟ ਗਿਆ ਹੈ।
ਰਿਪੋਰਟ ਮੁਤਾਬਕ ਸਾਬਕਾ ਪਾਇਲਟ ਦੇ ਕਰੀਬੀ ਦੋਸਤ ਨੇ ਦੱਸਿਆ ਕਿ ਤੀਜੇ ਤਲਾਕ ਤੋਂ ਬਾਅਦ ਰਾਹੁਲ ਦੀ ਤਬੀਅਤ ਠੀਕ ਨਹੀਂ ਸੀ। ਉਹ ਕਹਿੰਦਾ ਹੈ, "ਬ੍ਰੇਕਅੱਪ ਤੋਂ ਬਾਅਦ ਉਹ ਪੂਰੀ ਤਰ੍ਹਾਂ ਟੁੱਟ ਗਿਆ ਸੀ। ਹੁਣ ਉਹ ਠੀਕ ਹੈ। ਉਹ ਜ਼ਿੰਦਗੀ ਵਿੱਚ ਵਾਪਸ ਆ ਰਿਹਾ ਹੈ। ਪਿਛਲੇ ਸਾਲ ਉਹ ਠੀਕ ਨਹੀਂ ਸੀ। ਹੁਣ ਉਸ ਨੂੰ ਪਿਆਰ ਮਿਲਣ ਦੀ ਉਮੀਦ ਹੈ।"
ਰਾਹੁਲ ਮਹਾਜਨ ਨੇ ਤਲਾਕ ਦੀ ਖਬਰ 'ਤੇ ਨਹੀਂ ਦਿੱਤੀ ਕੋਈ ਪ੍ਰਤੀਕਿਰਿਆ
ਦੂਜੇ ਪਾਸੇ, ਰਿਪੋਰਟਾਂ ਮੁਤਾਬਕ ਜਦੋਂ ਇਸ ਸਬੰਧੀ ਰਾਹੁਲ ਮਹਾਜਨ ਨਾਲ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਨਾ ਤਾਂ ਇਸ ਰਿਪੋਰਟ ਦਾ ਖੰਡਨ ਕੀਤਾ ਅਤੇ ਨਾ ਹੀ ਪੁਸ਼ਟੀ ਕੀਤੀ। ਉਸ ਨੇ ਕਿਹਾ, "ਮੈਂ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਨਿਜੀ ਰੱਖਣਾ ਚਾਹੁੰਦਾ ਹਾਂ। ਮੈਂ ਕਿਸੇ ਵੀ ਗੱਲ 'ਤੇ ਟਿੱਪਣੀ ਕਰਨਾ ਪਸੰਦ ਨਹੀਂ ਕਰਾਂਗਾ। ਮੇਰੀ ਨਿੱਜੀ ਜ਼ਿੰਦਗੀ 'ਚ ਕੀ ਹੋ ਰਿਹਾ ਹੈ, ਇਸ ਬਾਰੇ ਮੈਂ ਆਪਣੇ ਦੋਸਤਾਂ ਨਾਲ ਚਰਚਾ ਵੀ ਨਹੀਂ ਕਰਦਾ।" ਹਾਲਾਂਕਿ ਉਨ੍ਹਾਂ ਨੇ ਜ਼ਿਕਰ ਕੀਤਾ, ''ਵੈਸੇ, ਮੈਂ ਚੰਗਾ ਕੰਮ ਕਰ ਰਿਹਾ ਹਾਂ।'' ਜਦਕਿ ਨਤਾਲਿਆ ਨੇ ਵੀ ਇਸ ਖਬਰ 'ਤੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਰਾਹੁਲ ਵਿਵਾਦਿਤ ਰਿਐਲਿਟੀ ਸ਼ੋਅ ਬਿੱਗ ਬੌਸ ਵਿੱਚ ਨਜ਼ਰ ਆ ਚੁੱਕੇ ਹਨ ਅਤੇ ਆਖਰੀ ਵਾਰ ਨਤਾਲਿਆ ਦੇ ਨਾਲ 'ਸਮਾਰਟ ਜੋੜੀ' ਵਿੱਚ ਨਜ਼ਰ ਆਏ ਸਨ।