Sonnalli Seygall Wedding Pics: 'ਪਿਆਰ ਕਾ ਪੰਚਨਾਮਾ' ਫੇਮ ਅਦਾਕਾਰਾ ਸੋਨਾਲੀ ਸਹਿਗਲ ਅੱਜ ਲੰਬੇ ਸਮੇਂ ਦੇ ਬੁਆਏਫ੍ਰੈਂਡ ਅਸ਼ੀਸ਼ ਸਜਨਾਨੀ ਨਾਲ ਵਿਆਹ ਦੇ ਬੰਧਨ 'ਚ ਬੱਝ ਚੁੱਕੀ ਹੈ। ਅਦਾਕਾਰਾ ਦੇ ਵਿਆਹ ਵਾਲੀ ਥਾਂ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸਾਹਮਣੇ ਆਏ ਹਨ। ਸੋਨਾਲੀ ਅੱਜ ਇੱਕ ਨਿੱਜੀ ਸਮਾਰੋਹ ਵਿੱਚ ਆਪਣੇ ਬੁਆਏਫ੍ਰੈਂਡ ਅਸ਼ੀਸ਼ ਸਜਨਾਨੀ ਨਾਲ ਵਿਆਹ ਦੇ ਬੰਧਨ ਵਿੱਚ ਬੱਝ ਚੁੱਕੀ ਹੈ। ਦੱਸ ਦੇਈਏ ਕਿ ਸੋਨਾਲੀ ਲੰਬੇ ਸਮੇਂ ਤੋਂ ਬਿਜ਼ਨੈੱਸਮੈਨ ਆਸ਼ੇਸ਼ ਨੂੰ ਡੇਟ ਕਰ ਰਹੀ ਸੀ, ਹਾਲਾਂਕਿ ਉਸ ਨੇ ਆਪਣੇ ਰਿਸ਼ਤੇ ਨੂੰ ਸਾਰਿਆਂ ਤੋਂ ਗੁਪਤ ਰੱਖਿਆ ਸੀ। ਅਸ਼ੀਸ਼ ਕਈ ਹੋਟਲਾਂ ਦਾ ਮਾਲਕ ਹੈ।
ਇਸ ਵਿਚਕਾਰ ਸੋਨਾਲੀ ਦਾ ਵਾਈਰਲ ਵਿਭਾਨੀ ਦੇ ਹੈਂਡਲ ਉੱਪਰ ਵੀਡੀਓ ਸਾਂਝਾ ਕੀਤਾ ਗਿਆ ਹੈ। ਜਿਸ ਵਿੱਚ ਉਹ ਬੇਹੱਦ ਖੂਬਸੂਰਤ ਦਿਖਾਈ ਦੇ ਰਹੀ ਹੈ। ਵਿਆਹ ਵਾਲੀ ਥਾਂ ਦੀਆਂ ਤਾਜ਼ਾ ਤਸਵੀਰਾਂ ਵੀ ਸਾਹਮਣੇ ਆਈਆਂ ਹਨ। ਸੋਨਾਲੀ ਦੇ ਵਿਆਹ 'ਚ ਸ਼ਾਮਲ ਹੋਣ ਲਈ ਉਨ੍ਹਾਂ ਦੇ ਕਈ ਦੋਸਤ ਮੌਕੇ 'ਤੇ ਪਹੁੰਚ ਚੁੱਕੇ ਹਨ। ਸੋਨਾਲੀ ਦੇ ਵਿਆਹ ਦੀ ਥੀਮ ਸਫੇਦ ਲੱਗ ਰਹੀ ਹੈ। ਜਿੱਥੇ ਔਰਤਾਂ ਚਿੱਟੇ ਰੰਗ ਦੇ ਰਵਾਇਤੀ ਪਹਿਰਾਵੇ ਵਿੱਚ ਨਜ਼ਰ ਆਈਆਂ, ਉੱਥੇ ਮੁਟਿਆਰਾਂ ਵੀ ਚਿੱਟੇ ਪਹਿਰਾਵੇ ਦੇ ਨਾਲ ਪੀਲੇ ਰੰਗ ਦੇ ਸਾਫ਼ੇ ਵਿੱਚ ਨਜ਼ਰ ਆਈਆਂ।
ਸੋਨਾਲੀ ਦੇ ਵਿਆਹ 'ਚ ਮੰਦਿਰਾ ਬੇਦੀ ਵੀ ਪਹੁੰਚ ਚੁੱਕੀ ਹੈ। ਮੰਦਿਰਾ ਬੇਦੀ ਨੇ ਸੋਨਾਲੀ ਦੇ ਵਿਆਹ ਲਈ ਰਵਾਇਤੀ ਪਹਿਰਾਵਾ ਪਾਇਆ ਹੋਇਆ ਹੈ। ਉਸਨੇ ਫੁੱਲ ਸਲੀਵਜ਼ ਬਲਾਊਜ਼ ਦੇ ਨਾਲ ਇੱਕ ਆਫ ਵ੍ਹਾਈਟ ਲਹਿੰਗਾ ਪਾਇਆ ਹੋਇਆ ਸੀ। ਇਸ ਦੌਰਾਨ ਮੰਦਿਰਾ ਸਿਰ 'ਤੇ ਸਕਾਰਫ ਪਾਈ ਹੋਈ ਸੀ। ਸੋਨਾਲੀ ਦੇ ਵਿਆਹ 'ਚ ਉਨ੍ਹਾਂ ਦੇ ਕੁਝ ਖਾਸ ਦੋਸਤ ਪਹੁੰਚ ਚੁੱਕੇ ਹਨ। ਅਦਾਕਾਰਾ ਚਾਹਤ ਖੰਨਾ ਵੀ ਸੋਨਾਲੀ ਦੇ ਵਿਆਹ 'ਚ ਸ਼ਿਰਕਤ ਕਰਨ ਪਹੁੰਚੀ ਹੈ। ਚਾਹਤ ਖੰਨਾ ਰਵਾਇਤੀ ਲੁੱਕ 'ਚ ਕਾਫੀ ਕਿਊਟ ਲੱਗ ਰਹੀ ਸੀ। ਸੋਨਾਲੀ ਦੇ ਵਿਆਹ 'ਚ ਟੀਵੀ ਐਕਟਰ ਕਰਨ ਵੀ ਗਰੋਵਰ ਵੀ ਆਪਣੀ ਪਤਨੀ ਨਾਲ ਨਜ਼ਰ ਆਏ।
ਸੋਨਾਲੀ ਦੇ ਵਿਆਹ 'ਚ ਸ਼ਾਮਲ ਹੋਣ ਆਏ ਸਾਰੇ ਦੋਸਤਾਂ ਨੇ ਕੈਮਰੇ ਲਈ ਕਈ ਤਸਵੀਰਾਂ ਵੀ ਕਲਿੱਕ ਕੀਤੀਆਂ। ਹਾਲ ਹੀ 'ਚ ਮਹਿੰਦੀ ਕਲਾਕਾਰ ਵੀਨਾ ਨਾਗਦਾ ਨੇ ਲਾੜੇ-ਲਾੜੀ ਦੀਆਂ ਪਹਿਲੀਆਂ ਤਸਵੀਰਾਂ ਆਨਲਾਈਨ ਸ਼ੇਅਰ ਕੀਤੀਆਂ ਹਨ। ਤਸਵੀਰ ਵਿੱਚ, ਸੋਨਾਲੀ ਇੱਕ ਰਵਾਇਤੀ ਪਹਿਰਾਵੇ ਵਿੱਚ ਬਹੁਤ ਸੁੰਦਰ ਲੱਗ ਰਹੀ ਹੈ ਅਤੇ ਆਪਣੇ ਹੱਥਾਂ 'ਤੇ ਅਸ਼ੇਸ਼ ਦੇ ਨਾਮ ਦੀ ਮਹਿੰਦੀ ਲਗਾਉਂਦੀ ਹੈ। ਸੋਨਾਲੀ ਦੇ ਹੋਣ ਵਾਲੇ ਪਤੀ ਆਸ਼ੇਸ਼ ਨੇ ਵੀ ਆਪਣੇ ਹੱਥਾਂ 'ਤੇ ਮਹਿੰਦੀ ਲਗਵਾਈ।