Allu Arjun Win 69th National Film Award: ਬੈਸਟ ਅਭਿਨੇਤਾ ਦਾ 69ਵਾਂ ਰਾਸ਼ਟਰੀ ਫਿਲਮ ਪੁਰਸਕਾਰ ਜਿੱਤਣ ਤੋਂ ਬਾਅਦ ਅੱਲੂ ਅਰਜੁਨ ਇਸ ਸਮੇਂ ਸੱਤਵੇਂ ਆਸਮਾਨ 'ਤੇ ਹਨ। ਤੇਲਗੂ ਸੁਪਰਸਟਾਰ ਨੂੰ ਕੱਲ੍ਹ ਨਵੀਂ ਦਿੱਲੀ ਵਿੱਚ ਆਯੋਜਿਤ ਇੱਕ ਸ਼ਾਨਦਾਰ ਸਮਾਰੋਹ ਵਿੱਚ ਭਾਰਤ ਦੇ ਮਾਨਯੋਗ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਤੋਂ ਸਰਵੋਤਮ ਅਦਾਕਾਰ ਲਈ ਰਜਤ ਕਮਲ ਹਾਸਿਲ ਹੋਇਆ ਸੀ।
ਅੱਲੂ ਅਰਜੁਨ ਨੇ ਬਲਾਕਬਸਟਰ ਫਿਲਮ 'ਪੁਸ਼ਪਾ' ਵਿੱਚ ਆਪਣੀ ਸ਼ਾਨਦਾਰ ਅਦਾਕਾਰੀ ਲਈ ਸਰਵੋਤਮ ਅਦਾਕਾਰ ਦਾ 69ਵਾਂ ਰਾਸ਼ਟਰੀ ਫਿਲਮ ਪੁਰਸਕਾਰ ਜਿੱਤਿਆ ਹੈ। ਉਹ ਇਹ ਵੱਕਾਰੀ ਸਨਮਾਨ ਪ੍ਰਾਪਤ ਕਰਨ ਵਾਲੇ ਪਹਿਲੇ ਤੇਲਗੂ ਅਦਾਕਾਰ ਹਨ। ਸੁਪਰਸਟਾਰ ਦੀ ਪਿਆਰੀ ਪਤਨੀ ਅਲੂ ਸਨੇਹਾ ਰੈੱਡੀ ਵੀ ਉਨ੍ਹਾਂ ਦੇ ਨਾਲ ਇਵੈਂਟ 'ਚ ਸ਼ਾਮਲ ਹੋਈ। ਹੁਣ ਸਨੇਹਾ ਰੈੱਡੀ ਨੇ ਆਪਣੇ ਪ੍ਰਤਿਭਾਸ਼ਾਲੀ ਪਤੀ ਦੀ ਪ੍ਰਾਪਤੀ 'ਤੇ ਵਿਸ਼ੇਸ਼ ਨੋਟ ਲਿਖ ਕੇ ਆਪਣੀ ਖੁਸ਼ੀ ਜ਼ਾਹਰ ਕੀਤੀ ਹੈ।
ਅੱਲੂ ਅਰਜੁਨ ਲਈ ਸਨੇਹਾ ਨੇ ਇੰਝ ਜਤਾਈ ਖੁਸ਼ੀ
ਅੱਲੂ ਅਰਜੁਨ ਨੂੰ ਨੈਸ਼ਨਲ ਫਿਲਮ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ ਤਾਂ ਉਨ੍ਹਾਂ ਦੀ ਪਤਨੀ ਸਨੇਹਾ ਦੀ ਖੁਸ਼ੀ ਦੀ ਕੋਈ ਟੀਕਾਣਾ ਨਹੀਂ ਰਿਹਾ। ਸਨੇਹਾ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ 'ਤੇ ਪਤੀ ਅੱਲੂ ਨਾਲ ਆਪਣੀਆਂ ਕੁਝ ਖੂਬਸੂਰਤ ਤਸਵੀਰਾਂ ਅਪਲੋਡ ਕੀਤੀਆਂ ਹਨ ਜੋ 69ਵੇਂ ਰਾਸ਼ਟਰੀ ਫਿਲਮ ਪੁਰਸਕਾਰ ਸਮਾਰੋਹ ਲਈ ਰਵਾਨਾ ਹੋਣ ਤੋਂ ਪਹਿਲਾਂ ਕਲਿੱਕ ਕੀਤੀਆਂ ਗਈਆਂ ਸਨ। ਪਹਿਲੀ ਤਸਵੀਰ 'ਚ ਸਨੇਹਾ ਰੈੱਡੀ ਆਲੂ ਅਰਜੁਨ ਨੂੰ ਇਵੈਂਟ ਲਈ ਤਿਆਰ ਹੋਣ 'ਚ ਮਦਦ ਕਰਦੀ ਦਿਖਾਈ ਦੇ ਰਹੀ ਹੈ, ਜਦਕਿ ਦੂਜੀ ਤਸਵੀਰ 'ਚ ਇਹ ਜੋੜਾ ਹੱਥ ਮਿਲਾਉਂਦੇ ਹੋਏ ਨਜ਼ਰ ਆ ਰਿਹਾ ਹੈ।
ਸਨੇਹਾ ਰੈੱਡੀ ਨੇ ਪਤੀ ਅੱਲੂ ਅਰਜੁਨ ਲਈ ਇੱਕ ਭਾਵੁਕ ਨੋਟ ਲਿਖਿਆ
ਸਟਾਰ ਪਤਨੀ ਨੇ ਆਪਣੀ ਪੋਸਟ ਦੇ ਕੈਪਸ਼ਨ ਵਿੱਚ ਲਿਖਿਆ, "ਇੱਕ ਖਾਸ ਦਿਨ, ਇੱਕ ਯਾਦਗਾਰੀ ਯਾਦ! ਤੁਹਾਡੇ ਕੰਮ ਪ੍ਰਤੀ ਤੁਹਾਡੀ ਵਚਨਬੱਧਤਾ ਨੂੰ ਦੇਖ ਕੇ ਹਮੇਸ਼ਾ ਖੁਸ਼ੀ ਹੋਈ ਹੈ... ਪਿਆਰ ਅਤੇ ਪ੍ਰਸ਼ੰਸਾ ਨਾਲ ਭਰਪੂਰ।" ਤਸਵੀਰ ਵਿੱਚ, ਅੱਲੂ ਅਰਜੁਨ ਇੱਕ ਵਾਈਟ ਸੂਟ ਵਿੱਚ ਹਮੇਸ਼ਾਂ ਵਾਂਗ ਸਟਾਈਲਿਸ਼ ਦਿਖਾਈ ਦੇ ਰਿਹਾ ਹੈ। ਦੂਜੇ ਪਾਸੇ, ਸਨੇਹਾ ਰੈੱਡੀ ਵੀ ਬਹੁਤ ਖੂਬਸੂਰਤ ਨਜ਼ਰ ਆਈ।