Uorfi Javed Personal Life: ਟੀਵੀ ਅਦਾਕਾਰਾ ਉਰਫੀ ਜਾਵੇਦ ਅੱਜ ਭਾਵੇਂ ਐਸ਼ੋ-ਆਰਾਮ ਦੀ ਜ਼ਿੰਦਗੀ ਜੀ ਰਹੀ ਹੈ ਪਰ ਇੱਕ ਸਮਾਂ ਸੀ ਜਦੋਂ ਉਨ੍ਹਾਂ ਦੀ ਜ਼ਿੰਦਗੀ ਨਰਕ ਤੋਂ ਘੱਟ ਨਹੀਂ ਸੀ। ਆਪਣੀ ਦਲੇਰੀ ਕਾਰਨ ਉਰਫੀ ਨੇ ਨਾ ਸਿਰਫ਼ ਸਮਾਜ ਅਤੇ ਰਿਸ਼ਤੇਦਾਰਾਂ ਦੇ ਤਾਅਨੇ ਸੁਣੇ, ਸਗੋਂ ਆਪਣੇ ਪਿਤਾ ਦੇ ਹੱਥੋਂ ਤਸੀਹੇ ਵੀ ਝੱਲੇ, ਜਿਸ ਦਾ ਜ਼ਿਕਰ ਉਹ ਕਈ ਵਾਰ ਕਰ ਚੁੱਕੀ ਹੈ। ਪਿਤਾ ਦੇ ਹੱਥਾਂ ਦੇ ਜ਼ਖਮਾਂ ਦੇ ਦਾਗ ਭਾਵੇਂ ਹੁਣ ਉਰਫੀ ਦੇ ਸਰੀਰ 'ਤੇ ਨਹੀਂ ਹਨ, ਪਰ ਉਹ ਅਜੇ ਵੀ ਉਸ ਦੇ ਦਿਮਾਗ ਵਿਚ ਜ਼ਿੰਦਾ ਹਨ। ਇਹੀ ਕਾਰਨ ਹੈ ਕਿ ਉਰਫੀ ਦਾ ਆਪਣੇ ਪਿਤਾ ਨਾਲ ਰਿਸ਼ਤਾ ਹੁਣ ਖਾਸ ਨਹੀਂ ਰਿਹਾ।
ਉਰਫੀ ਬੇਹੋਸ਼ ਹੋ ਜਾਂਦੀ ਸੀ...
ਹਾਲ ਹੀ ਵਿੱਚ ਇੱਕ ਇੰਟਰਵਿਊ ਦੌਰਾਨ, ਅਦਾਕਾਰਾ ਨੇ ਇੱਕ ਵਾਰ ਫਿਰ ਆਪਣੇ ਪਿਤਾ ਦੇ ਤਸ਼ੱਦਦ ਬਾਰੇ ਗੱਲ ਕੀਤੀ ਅਤੇ ਦੱਸਿਆ ਕਿ ਉਹ ਉਸਨੂੰ ਕਿੰਨਾ ਕੁੱਟਦਾ ਸੀ। ਰਣਵੀਰ ਅਲਾਹਬਾਦੀਆ ਦੇ ਪੋਡਕਾਸਟ ਸ਼ੋਅ 'ਚ ਉਰਫੀ ਨੇ ਦੱਸਿਆ ਕਿ 'ਕਈ ਵਾਰ ਕੁੱਟਮਾਰ ਇਸ ਹੱਦ ਤੱਕ ਜਾਂਦੀ ਸੀ ਕਿ ਅਸੀਂ ਬੇਹੋਸ਼ ਹੋ ਜਾਂਦੇ ਸੀ ਜਾਂ ਬੇਸੁਦ ਹੋ ਜਾਂਦੇ ਸੀ। ਉਹ ਸਿਰਫ਼ ਥੱਪੜ ਹੀ ਨਹੀਂ ਮਾਰਦਾ ਸੀ, ਸਗੋਂ ਬੁਰੀ ਤਰ੍ਹਾਂ ਕੁੱਟਦਾ ਸੀ। ਜਦੋਂ ਤੁਸੀਂ ਬੱਚੇ ਹੁੰਦੇ ਹੋ, ਤੁਸੀਂ ਲੜਨ ਦੇ ਯੋਗ ਨਹੀਂ ਹੁੰਦੇ ਅਤੇ ਤੁਹਾਡੇ ਅੰਦਰ ਗੁੱਸਾ ਪੈਦਾ ਹੁੰਦਾ ਹੈ।
ਅਡਲਟ ਸਾਈਟ 'ਤੇ ਅੱਪਲੋਡ ਹੋ ਗਈ ਸੀ ਤਸਵੀਰ...
10 ਸਾਲ ਪਹਿਲਾਂ ਦਾ ਇੱਕ ਕਿੱਸਾ ਸਾਂਝਾ ਕਰਦੇ ਹੋਏ, ਉਰਫੀ ਨੇ ਦੱਸਿਆ ਕਿ 'ਮੈਂ ਸੋਸ਼ਲ ਮੀਡੀਆ 'ਤੇ ਆਪਣੀ ਇੱਕ ਫੋਟੋ ਪੋਸਟ ਕੀਤੀ ਸੀ ਜਿਸ ਵਿੱਚ ਮੈਂ ਇੱਕ ਟਿਊਬ ਟਾਪ ਪਾਇਆ ਹੋਇਆ ਸੀ। ਕਿਸੇ ਨੇ ਉਸ ਫੋਟੋ ਨੂੰ ਪੋਰਨ ਵੈੱਬਸਾਈਟ 'ਤੇ ਅਪਲੋਡ ਕਰ ਦਿੱਤਾ। ਉਸ ਫੋਟੋ ਨਾਲ ਕੋਈ ਛੇੜਛਾੜ ਨਹੀਂ ਕੀਤੀ ਗਈ ਸੀ, ਇਸ ਨੂੰ ਵੈੱਬਸਾਈਟ 'ਤੇ ਅਪਲੋਡ ਕਰ ਦਿੱਤਾ ਗਿਆ ਸੀ। ਜਦੋਂ ਮੇਰੇ ਪਿਤਾ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਨ੍ਹਾਂ ਨੇ ਮੈਨੂੰ ਬਹੁਤ ਮਾਰਿਆ, ਹਾਲਾਂਕਿ ਇਹ ਮੇਰਾ ਕਸੂਰ ਨਹੀਂ ਸੀ, ਇਹ ਅਪਲੋਡਰ ਦਾ ਕਸੂਰ ਸੀ, ਮੈਂ ਪੀੜਤ ਸੀ। ਪਰ ਮੈਨੂੰ ਦੱਸਿਆ ਗਿਆ ਕਿ ਮੈਂ ਪਰਿਵਾਰ ਦਾ ਨਾਮ ਖਰਾਬ ਕੀਤਾ ਹੈ। ਜਦੋਂ ਉਹ ਬੁਰੀ ਤਰ੍ਹਾਂ ਨਾਲ ਕੁੱਟਣ ਲੱਗਾ ਤਾਂ ਮੈਂ ਉਸ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ। ਦੱਸ ਦੇਈਏ ਕਿ ਉਰਫੀ ਆਪਣੇ ਪਰਿਵਾਰ ਵੱਲੋਂ ਕੀਤੇ ਗਏ ਅੱਤਿਆਚਾਰਾਂ ਬਾਰੇ ਪਹਿਲਾਂ ਵੀ ਖੁੱਲ੍ਹ ਕੇ ਬੋਲ ਚੁੱਕੀ ਹੈ।