Dharmendra First Wife Parkash Kaur Birthday: ਬਾਲੀਵੁੱਡ ਦੇ ਹੀ ਮੈਨ ਧਰਮਿੰਦਰ ਦੀ ਪਹਿਲੀ ਪਤਨੀ ਪ੍ਰਕਾਸ਼ ਕੌਰ ਦਾ ਅੱਜ ਜਨਮਦਿਨ ਹੈ। ਹਾਲਾਂਕਿ ਉਹ ਆਪਣੀ ਪਤਨੀ ਨਾਲ ਨਹੀਂ ਰਹਿੰਦੇ, ਪਰ ਦੋਵਾਂ ਦਾ ਤਲਾਕ ਨਹੀਂ ਹੋਇਆ ਹੈ। ਜਦੋਂ ਧਰਮਿੰਦਰ ਨੇ ਬਾਲੀਵੁੱਡ ਦੀ ਡਰੀਮ ਗਰਲ ਹੇਮਾ ਮਾਲਿਨੀ ਨਾਲ ਵਿਆਹ ਕਰਨ ਦਾ ਫ਼ੈਸਲਾ ਲਿਆ ਤਾਂ ਉਨ੍ਹਾਂ ਨੇ ਪ੍ਰਕਾਸ਼ ਕੌਰ ਤੋਂ ਤਲਾਕ ਲੈਣ ਦੀ ਮੰਗ ਕੀਤੀ ਸੀ, ਪਰ ਪ੍ਰਕਾਸ਼ ਕੌਰ ਨੇ ਇਸ ਤੋਂ ਇਨਕਾਰ ਕਰ ਦਿਤਾ ਸੀ। ਜਿਸ ਤੋਂ ਬਾਅਦ ਧਰਮਿੰਦਰ ਨੇ ਧਰਮ ਬਦਲ ਕੇ ਹੇਮਾ ਨਾਲ ਵਿਆਹ ਕੀਤਾ।
ਖੈਰ ਅੱਜ ਪ੍ਰਕਾਸ਼ ਕੌਰ ਆਪਣਾ ਜਨਮਦਿਨ ਮਨਾ ਰਹੇ ਹਨ। ਇਸ ਮੌਕੇ ਉਨ੍ਹਾਂ ਦੇ ਛੋਟੇ ਬੇਟੇ ਬੌਬੀ ਦਿਓਲ ਨੇ ਸੋਸ਼ਲ ਮੀਡੀਆ ਤੇ ਮਾਂ ਨੂੰ ਜਨਮਦਿਨ ਦੀ ਵਧਾਈ ਦਿੱਤੀ ਹੈ। ਆਸ਼ਰਮ ਸੀਰੀਅਲ ਦੇ ਬਾਬਾ ਨਿਰਾਲਾ ਯਾਨਿ ਬੌਬੀ ਦਿਓਲ ਨੇ ਮਾਂ ਪ੍ਰਕਾਸ਼ ਕੌਰ ਨਾਲ ਇੰਸਟਾਗ੍ਰਾਮ ;ਤੇ ਪਿਆਰੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਤਸਵੀਰਾਂ ਨੂੰ ਕੈਪਸ਼ਨ ਦਿੰਦਿਆਂ ਬੌਬੀ ਨੇ ਲਿਖਿਆ, "ਹੈੱਪੀ ਬਰਥਡੇ ਮਾਂ, ਲਵ ਯੂ।" ਇਸ ਦੇ ਨਾਲ ਬੌਬੀ ਨੇ ਦਿਲ ਵਾਲੀ ਇਮੋਜੀ ਬਣਾਈ ਹੈ। ਦੇਖੌ ਬੌਬੀ ਦਿਓਲ ਦੀ ਪੋਸਟ:
ਦੱਸ ਦਈਏ ਕਿ ਬੌਬੀ ਦਿਓਲ ਧਰਮਿੰਦਰ ਅਤੇ ਪ੍ਰਕਾਸ਼ ਕੌਰ ਦੇ ਛੋਟੇ ਬੇਟੇ ਹਨ ।ਇਸ ਤੋਂ ਇਲਾਵਾ ਬੌਬੀ ਦੀਆਂ ਦੋ ਭੈਣਾਂ ਵੀ ਹਨ ਅਤੇ ਉਨ੍ਹਾਂ ਦਾ ਵੱਡਾ ਭਰਾ ਸੰਨੀ ਦਿਓਲ ਹੈ ।ਧਰਮਿੰਦਰ ਨੇ ਪ੍ਰਕਾਸ਼ ਕੌਰ ਦੇ ਨਾਲ ਪਹਿਲਾ ਵਿਆਹ ਕਰਵਾਇਆ ਸੀ । ਜਦੋਂਕਿ ਹੇਮਾ ਮਾਲਿਨੀ ਦੇ ਨਾਲ ਲਵ ਮੈਰਿਜ ਕਰਵਾਈ ਸੀ ਅਤੇ ਇਹ ਉਨ੍ਹਾਂ ਦਾ ਦੂਜਾ ਵਿਆਹ ਸੀ । ਇਸ ਵਿਆਹ ਤੋਂ ਧਰਮਿੰਦਰ ਦੀਆਂ ਦੋ ਧੀਆਂ ਹਨ ।
ਬੌਬੀ ਦਿਓਲ ਦੇ ਵਰਕਫ਼ਰੰਟ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਬਾਲੀਵੁੱਡ ਇੰਡਸਟਰੀ ਨੂੰ ਕਈ ਹਿੱਟ ਫ਼ਿਲਮਾਂ ਦਿੱਤੀਆਂ ਹਨ। ਹਾਲ ਹੀ `ਚ ਉਹ ਵੈੱਬ ਸੀਰੀਜ਼ ਆਸ਼ਰਮ `ਚ ਬਾਬਾ ਨਿਰਾਲਾ ਦੇ ਕਿਰਦਾਰ `ਚ ਨਜ਼ਰ ਆਏ ਸੀ। ਫ਼ੈਨਜ਼ ਨੇ ਬੌਬੀ ਦਿਓਲ ਦੇ ਵਿਲੇਨ ਅਵਤਾਰ ਨੂੰ ਕਾਫ਼ੀ ਪਿਆਰ ਦਿਤਾ ਸੀ। ਕਿਹਾ ਜਾ ਰਿਹਾ ਹੈ ਕਿ ਆਸ਼ਰਮ ਸੀਰੀਜ਼ ਆਪਣੇ ਚੌਥੇ ਸੀਜ਼ਨ ਨਾਲ 2023 `ਚ ਵਾਪਸੀ ਕਰੇਗੀ।